اهلين وسهلين بالعوام مع انك عطيتني اشكل هناك بس مايمنع اني ودي اسولف معك في موضوعنا اللي هناك وموضوعك اللي هنا

إقتباس قدم الهلال في المباريات الماضيه التي لعبها مستويات ( مقبولة ) برغم ( كل ) الظروف التي يتعرض لها الفريق من اصابات ومن قناعات مدرب!! وايضا تعرض الفريق لظُلم تحكيمي واضح جدا , يضاف الى ذلك إنعدام ( الدعم ) من كل الجهات , فلا اعضاء شرف النادي دعمو , ولا الاعلام المحسوب على الهلال دعم !!! ما يتعرض له الهلال لو تعرض له فريق اخر لما استمر ولكانت نتائجة اسوأ مما نرى الان , الفريق وخلال مبارياتة السابقة يقدم مجهودات جيدة مقارنة بظروفة وارى ان نتائجة تعتبر مقبولة مع امنياتي ان يقوم الجميع بأدوارهم فالامر لا يمكن ان يستمر على ماهو علية الان , المطلوب من رجال الهلال الدعم والقيام بدور يعين إدارة النادي على القيام بواجبها وتهيئة الفريق للمنافسة على بطولات الموسم , ايضا على من يُشد بهم الظهر من إعلاميي الهلال ان يعلمو ان لهم دور في حماية حقوق الهلال والتأكيد لبعض الحكام انهم لن يسلمو من النقد في حال سلبو الهلال حقوقه , على هؤلاء الاعلاميين ان يقومو بدور فعّال كما يفعل غيرهم من الاعلاميين المنتمين للاندية المنافسة ,,,

أي مقبولة الله يرحم لي والديك بعدين تكفى لا تقول لي الظلم التحكيمي لان عمر الهلال ما حط هزيمته بالحكام من الفرق الصغيرة زي الوحدة اللي كنا نعطيه بالخمسات والستات وبعد لا تقول لي اعضاء شرف مايدعمون لانه لو انك قريت تصريح الرئيس الاخير كان شفت انه قال ان الاعضاء اللي ما التزموا ما يوصولون عدد اصابع اليد الواحدة واللي التزموا فوق العشرين وبعدين الله واكبر يعني كان الفلوس هي السبب ورا الدحدرة وانا اشوف ادارة النادي تبعزق الفلوس يمين ويسار في مصاريف ما لها اي داعي مثل معسكرات هولندا وابها ولجنة المصيبيح والامام والاجانب السباكين والمدرب اللي رواتبه من امهات اربع اذا مو خمس اصفار!!!!! واللي اعرفه بعد ان رواتب لاعبين الهلال ماشية لهم افضل من حال معظم اندية في الدوري الممتاز طيب اجل وين المشكلة؟؟؟؟علمنا كيف صارت الازمة المالية السبب الرئيسي في انحدار مستوى الفريق ونتائجه الغير مقبولة ابدا؟؟؟؟؟
اللي انا اشوفه ان فيه لخبطة ادارية حاست الفريق وحتى لو كان فيه ازمة مالية ونقص في الموارد فللاسف المسؤل الوحيد عنها هو الادارة الهلالية ولا اعتقد انه يحتاج اذكرك بالتصريح اللي زعل الامير الوليد بن طلال وهو اكبر داعم للنادي!!!!!
اما الاعلام فقسما بالله العظيم اني ضحك يوم قريت الجزئية اللي تتشكى فيها من الاعلام مع العلم ان ناديك يمتلك اكبر قاعدة اعلامية محلية مقارنة ببقية الفرق ورح خذ لك لفة على منتديات النصر والاتحاد والاهلي وشف كيف مقهورين ومنبطة كبودهم من الصحافة الهلالية ورح شف بعض مسؤلين الاندية الثانية كل يوم والثاني يتشكون من الاعلام وانه منحاز بشكل واضح للهلال!!!! تحمد ربك يالعوام ان عندك جريدتين ما احد يشكك في هلاليتهم حتى العدو واذا ما انت مقتنع رح شف لك واحد نصراوي واساله وش رايك بالجزيرة او الرياض وبعدين شف كيف راح يطب فيهم سب من كثر ما اعيته هلاليتها !!!!

انا معاك اخوي يوم انك تطالب الاعلام والدعمين انهم يقفون في صف النادي وانهم يزيدون مساندتهم بس اما انك تقول انهم والتحكيم معهم السبب في انحدار مستوى الهلال وتحاول تغطي اخطاء الادارة فهنا انا اختلف معك واقول لك لا يالعوام.....

إقتباس 2- اصبح يتعرض لحملات صحفية رهيبة جدا من جميع الجهات بما فيها تلك التي يقولون انها محسوبة على الهلال !!!

استغربت كثير من هالنقطة واعتقد انك تقصد الرياض والجزيرة يوم انك قلت انها جهات صحفية محسبوة على الهلال والا انا غلطان؟؟؟؟لو تلاحظ يالعوام ان الجزيرة من كم سنة وهم مدهرين بالمصيبيح والرياض نفس الشيء بسامي؟؟؟؟هل هذي الحملات الصحفية الرهيبة جدا اللي تشنها هالجريدتين على الهلال؟؟؟؟اذا هذا اللي في بالك فاسمح لي اقول انك هنا بعد تحاول تظليل القارئ من خلال انك اخترعت شي اسمه حملات صحفية على النادي بينما هي على ناس معينين في داخل النادي فالجزيرة مايبغون المصيبيح داخل النادي والرياض مو عاجبهم سامي فهل تكفي هذين السببين اننا نقول ان الجزيرة والرياض يحاربون النادي ككل؟؟؟؟مع الاخذ بعين الاعتبار ان يوم الجزيرة مثلا يطبون لك بالمصيبيح فالغرض من هالشيء هو مصلحة النادي على الاقل ضمن مفاهيمهم بينما جرايد ثانية مثل المدينة فتحصلها تهاجم الهلال ككل وهدفهم اضعاف الفريق من دافع كرههم له ولجماهيره.....

إقتباس ايضا سؤال اخر يتساءل به محبي الهلال وهو ماذا حدث للإعلاميين المحسوبين على الهلال , فدعمهم اصبح مقلوبا , بل وصل الحال بهم للتهجم على الهلال وقبركة الامور بداعي الحرص عليه !! , هل هم بذلك يؤكدون مقولة ومن الحب ما قتل ؟؟ ام هم يريدون الامور ان تسير بإتجاه هم رسموه وخططو له ويرغبون في تنفيذ هذا الامر حتى لو ادى ذلك للتدمير ومن ثم إعادة البناء !!؟؟ ام انهم ضلو الطريق واصبح الهدم عندهم هو الدعم الصحيح !!؟؟ الا يتابع هؤلاء الصحفيين الدور الكبير الذي يقوم به الاعلاميين المنتمون للانديه المنافسه للهلال !!؟؟

وش اللي محسبوين على الهلال يعني انت تشكك في هلاليتهم والا شلون؟؟؟؟ياخي والله اني مستغرب ان مشرف يطلق على ناس مافي شك في هلالييتهم محسوبين على الهلال!!!!!مطلوب يالعوام توضيح اكثر حول هالنقطة واحد خمسين الف خط احمر تحت كلمة المحسوبين واطالبك بتوضيح وياليت يكون بالاسامي؟؟؟؟ يابن الحلال انا من عرفت الكورة وانا طال عمرك ما اخمش من رفوف الجرايد الا الرياض والجزيرة علشان هلاليتها القحة ولا عمري شفت هالكلام اللي تقوله يوم انك تتهجم على الصحافة الهلالية الا في استثنائات قليلة مثل سعود عبدالعزيز والدويش والا باقي الكتاب وحتى المراسلين ورؤساء التحرير تحس انهم متفرغين للهلال ولا عمرهم غلطوا على الهلال ككل ولكن انهم بعض الاحيان يركزون على افراد معينين ليقين عندهم ان الافراد هؤلاء ماعندهم سالفة وهذا مايمنع انهم ايضا عايشين مع الهلال نفسه في افراحه واحزانه فتحصل افضل الملاحق الرياضية تصدر بعد تحقيق الهلال لاي من بطولاته واقوى الحملات على التحكيم تجدها بعدما يتعرض الهلال لظلم تحكيمي في بطولة هامة
يالعوام خلني اذكرك ان الجماهير الثانية تغني قدام الهلال(نادي الصحافة ياهلال) ما سالت نفسك ليش يسمون الهلال نادي الصحافة؟؟؟؟؟مايحتاج تسال لاني باعطيك الجواب وهو الجرايد الهلالية اللي رافعين ضغط جماهير الاندية الثانية اللي يحلمون بس بصفحة وحدة مثل صفحات الجزيرة....

إقتباس & .. يطالب بعض الاخوان بمشاركة حسين العلي بشكل يجعل من لا يعرف الامور جيدا يقول ان العلي نجم لا يُشق له غبار وانه هو من سيُنقذ الحال وسيكون كرتا مؤكدا لتغيير النتائج وتحسين الاوضاع , اما من يتابع الامور بشكل جيد فقد تابع مستوى اللاعب في الموسم الماضي حينما اعتبرة الاغلبية عالة على الفريق فلا اعلم سببا لهذا التغيير المفاجيء !!!؟؟ نعم العلي وفي بداية مشاركتة مع الهلال قدم مستوى طيبا جعله ينافس على لقب هداف الدوري ولكننا ايضا تابعنا الهبوط الواضح في مستوى اللاعب مما جعل المدربين السابقين يستغنون عن خدماتة فماهو سبب هذا البكاء الان على حسين ؟؟؟

طيب يالعوام انت نسيت كيف كان مستوى سامي في الموسم الماضي؟؟؟؟بالله عليك خلك منطقي واترك عنك التمجديد اللي ماله داعي وكلنا يعرف ان سامي كان مستواه مش حالك الموسم الماضي فهل هذا يمنع ان المدرب يحطه خارج التشكيلة والنادي يستغني عن خدماته؟؟؟؟حسين العلي نفس الشيء كلنا يعرف قدرات الولد وانه قناص من طراز نادر ولكن مستواه نزل شوي ولازم يعطى فرصة لاثبات وجوده بدال من الحكم عليه من التدريبات او السماع لاراء اشخاص يبغون يحرمون الفريق من خدماته بسبب طائفته!!!!
وبعدين تعال من الاغلبية اللي اعتبروه عالة على الفريق؟؟؟؟صراحة توني ادري انه كان عالة على الفريق وابغى منك تعلمنا عن الاغلبية ذي ومن تشمل بالضبط هل الجماهير الهلالية ككل والا الكتاب الرياضيين والا اخوياك والا محللين الاوربت؟؟؟؟؟

إقتباس & .. بعض الاخوان ( هداهم الله ) تركو كل من لم يقم بدورة وواجبة ووجهو سهام نقدهم للادارة التي((تعمل وحيدة)) , لا اعلم ماهو المطلوب ؟؟ هل ترغبون في رؤية كرسي الرئاسة خالي ؟؟ لنعود لنفس الحالة التي كنا عليها في الفترة ما بين رئاسة سمو الامير سعود وقبول سمو الامير عبدالله بالمنصب ؟؟ اتمنى ان يتم نقد من يستحق النقد , فعضو الشرف الذي لم يقدم ما وعد به من التزامات يستحق ان يُكتب في حقة سطرين نقد على اقل تقدير , والاعلامي الذي لم يتفاعل مع خزعبلات الحكام ضد الهلال يستحق بأن يقال له عليك بأن ( تُرهبهم او تُرعبهم ) حتى يعلمو ان ما يفعلونه بالهلال ( لن ) يمر مرور الكرام ,

خلني اعطيك اياها كاش واقول لك انا من الناس اللي يتمنون رحيلة ادارة سمو الامير عبدالله بن مساعد مع نهاية الموسم الحالي ورغبتي في بقاءها بعد 15 رمضان مو رضا واعجاب بعمل الاداارة بقدر ماهو حرص على عدم حلول الفوضى بالنادي من خلال عدم وجود رئيس بديل ولكن عندي امل باذن الله تعالى انه لو استقال بن مساعد مع نهاية الموسم الحالي مع اعلان اجتماع لاعضاء الشرف قبل تقديم الاستقالة راح يكفل باعطاء وقت لاعضاء الشرف لاختيار رئيس جديد بدون حدوث اي فوضى او فراغ اداري بس اهم شي ما يسوي مثل حركة الامير سعود بن تركي يوم قدم استقالته على الهوا من اوروبا وترك النادي ياكل نفسه!!!
هذا عن رئيي في الرئيس عبدالله بن مساعد اما عن مسالة نقد اعضاء الشرف فانا ما اشوف فيها اي مانع ولكن مثل ما قلت لك سابقا لازم يكون بادب واحترام مو يجيك واحد يقول ان الوليد بن طلال عقله صغير او محتال!!!

إقتباس & .. يوصف الرئيس ( بالمحتال ) ويكون الامر عادي , يوصف نائب الرئيس ( بالمتغطرس ) ويمر الامر مرور الكرام , يوصف الاداري بما لا يليق من كلام ويكون هذا الامر في عرف البعض هو الحرية , ولكن وعندما يُقال اي وصف في اي شخص هم كتبو يمتدحونة فالويل والثبور لمن فعل ذلك !!! لماذا هذا الانتقاء ؟؟ او لنقل لماذا تنظرون الى جزء وتتركون الجزء الاخر ؟؟ او لنقل لماذا لا تقبلون الرأي الاخر ؟؟ او لماذا ترفضون حرية طرح الرأي الذي انتم من طالب به ؟؟

والله لا وصف الرئيس بالمحتال عادي ولا وصف عضو شرف بصغير العقل عادي وكلا التشبيهين يجاوز حدود الادب والاحترام والنقد البناء ولكن الى الحين مستغرب ليش فيه تساهل كبير منكم في هالمسالة وانت تستنكر اعتبار اللي وصفوا الرئيس بالمحتال حرية راي ومع ذلك اشوفك مشرف ولا حركت ساكنا لهذا التجاوز وغيره من التجاوزت الابشع وقاعد تتشكى هنا ما ادري لمن
الراي والراي الاخر لازم اثنينهم يكونون محترمين واذا الاثنين خربوها مايعني هذا انكم تتركون الحبل على الغارب ولا انا غلطان؟؟؟؟



اخوي العوام تراني انا ما اعرف امدح واجد والا ترا باقي موضوعك جاز لي بس دايم احب اركز على نقاط الاختلاف وسلامتكم;)