عودة لأحبتي أعضاء شبكة الزعيم ... سعيد بتواجدكم وتفاعلكم .. إلا اني لاأخي حزني على الفهم الخاطي والإستعجال في الرد دون فهم .. الفهم الحقيقي للموضوع ومحتواه .. خصوصا في مسألة العنبر ... العنبر لااحد يختلف على جهدة وتهديفة في هالمباريات اللى فاتت خصوصا بعد إعطاءه الـ ( ثقة ) والفرصة كاملة ..

لكن مانبي نمجد اللاعب كونه سجل خمس أهداف .. وبنفس الوقت نلقى مواضيع ( تحطيمية ) بعد مايضيع العنبر فرص سهلة ...

المطلوب من الأعضاء ان يخدم اللاعب حتى في نقدة .. لا ان يمجدة ويبالغ في مدحة ومع إهدار فرصه او فرصتين يلعنه ويجي يكتب موضوع يطالب فيه بتنسيق العنبر ..! وللأسف بعض الردود اللى تقول الحين ان العنبر كـذا
ودي اتصل على العنبر واقولة تكفى ضيع لك كم فرصه في مباراة الإتحاد .. وتابعوا مواضيعهم وردودهم المغايرة

مطلوب منها قراءة الموضوع والتركيز فيه .. مهوب تقراه وانت تاكل همبرقر وتقحن من هالببسي لين ماصارت خدود الواحد تقول طماطه ( بلدي ) ماشاء الله تبارك الله

عموماً سعيد جدا حتى مع إختلافكم معي وإن كنت حزين على سوء الفهم الواضح من خلال ردودهم ..

العنبر لو ماكان فنان مااستغل تمريرات التايب الخرافية .. يعني لو يمرري أنا التايب الليل والنهار ومافي القده احد مااقدر اجيب هدف ... مايستغل التمريرات الرائعة إلا مهاجم رائع ..

وتركوا عنكم المقارنات بس ياسر .. والعنبر .. وغيرة .. كلهم واحد

إقتباس الرسالة الأصلية كتبت بواسطة انا موجود ..!! هههههاي طارق مجنون صناعة لعب .. ماشاء الله تبارك الله .. تحية طيبة

حياك وبياك يالغالي ... وشكرا لحضورك


======

إقتباس الرسالة الأصلية كتبت بواسطة مدريدي عاشق سامي الحقيقة أنه لو غاب طارق.. قل للعنبر: (السلام عليكم)!!!!!!!!!!!!!1 شكرا لك.. (التميمي)

هلا بالتميمي .. سعيد بتواجدك .. وأتمنى والله مانقول للعنبر السلام بحضور التايب او غيابة .. وهذي فرصه لمضاعفة الجهد وتقديم أفضل المستويات وإغتنام الفرص سواء أمام المرمى او فرصة وضع الفريع وظروفة الحالية واللتي يكون فيها ثابت في التشكيلة ..

تحية لك اخوي

====

إقتباس الرسالة الأصلية كتبت بواسطة فهد0 والله انك صادز لو به مهاجم عميان تسان صار هداف ان تسان وراو طارق العنبر اغديه يكمله بمباراة الاتحاد وتصير احلى عيديه مع التخييم ابوطلال تساثرتن خفتاتك لمنتدى الجمهور اخاف تكبرت على ربعك بالمجلس

هلابك فهد ..

المكان اللى فيه قطات مااحبه .. اهج عنه

المجلس يبون إستراحات وعشيات ... أما الجمهور حبيبين ماعندهم ترابط إجتماعي أرد عليك وترد علي والوجة من الوجة أبيض

ودامك تدل المجلس ورى ماعمرنا شفناك


====

إقتباس الرسالة الأصلية كتبت بواسطة كره زرقاء كبييييييييييييير يالبرنس وكبييييييييييييييير ياعنبرينهووو إحترامي

أنت داخل تفصلهم ثياب يالغالي ؟؟ وش كبير .. وكبير ؟؟

شكرا لك وسعيد بتواجدك

====

إقتباس الرسالة الأصلية كتبت بواسطة هـَلا .!! بالله عليكم !! ابو نآدين كآن خلف كل من ( ياسر - الصويلح - ... - ... ) لكن ما اشوفهم درعموا بالصدارة بهالشكل !! الا ضياع فرص وأهداف محققة !! والعنبر ما ضيع الا فرص تنعد عالأصابع .. بعد ما لعب مباراة كاملة مو آخر 10 دقايق .. ( العنبر ميزته اللمسة النهائية اللي فقدناها من فترة طوييييييييييييلة ) يااااااااااااااااااااااااا عليكم تكسير مجاديف لو العنبر ضيعها كان قلتوا .. التايب عطاه الكورة مقشرة .. ليه الغبي ما لعبها الباب قدامك ؟؟ وش ينتظر ؟؟ واذا سجلها قلتوا حطوا وراي التايب واضمن لكم الأهداف ؟ لآ يغركم كلآم بعض الناس !! الوسطية مطلوبة .. ولكن فلنعطي كل ذي حق حقه

إنت لو ركزت في الموضوع كان إتفقت معي إن الوسطية مطلوبة كما تفضلت وذكرت في آخر تعليقك ..

المشكلة واعتقد انك تتفق معي وبعيدها اننا ماعندنا حل وسط .. يجيب هدف نقول مامثلة .. يضيع فرصة نقول وش نبيه فيه الله لايعقلة ...
حبيت اقول هالكلام عن العنبر والجمهور راضي عنه .. لأني لو بتكلم عنه بعدين وهم زعلانين عليه كالعادة ماراح يتقبلون كلامي .. يعني لاانخفض مستواه اتمنى اجد ك بنفس هذه الروح والعقلانية والرأي عن العنبر وغيرة

سعيد بتواجدك اخوي