نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حطوا معي طارق التايب وأصير هداف العالم .. وأجيب أهداف بكتوفي من الفسق

ابو طـــــلال · #1 30/11/2008, 11:52 PM

انا والله صادق ...

>> بغض النظر عن الكروش والزوائد والكماخة وشكلي اللى يظحك وانا طاق الشورت وأدرعم بالملعب

ياقلبيييييه .. تخيلت شكلي ألعب مع طارق واااااااااو ... تخيلت اقوله وانا طالع له بهجمه طارق طارق هات هات >> أخسس

>> اتوقع طارق بيعطيني عشرين ريال ويقولي خذ حق التكسي ورح بيتكم تكفى

هالعنوان هو مجازي طبعاً

لكن لو تحط طارق التايب خلف أي مهاجم ويعطيه تمريرات مايبغالها إلا دفه وتصير هدف .. وش تتوقع !!

طبعا ماانكر جهد العنبر ...ولاالصويلح ..

بس التايب يقدم هدايا .. للمهاجمين .. فرصة جميع المهاجمين للظهور وإغتنام الفرص بوجود البرنس الليبي ..

العنبر صحيح جاب خمسة أهداف من ثلاث مباريات !! وصار إسمه ظمن قائمه الهدافين !!

المطلوب من العنبر الإستمرار على هالمستوى والبحث عن مستوى أفضل .. لم تصل للمستوى اللذي نتمناه كجمهور هلالي رغم هالكمية الهائلة من الأهداف ..

كثيرة أصوات في منتدانا العزيز وغيره بداء يمارس هواياته المفضلة .. ياتمجيد مبالغ فيه بسبب هدف او هدفين .. او تحقير غير منطقي بسبب ضياع فرصة او فرصتين ...

*العنبر متحسن مستواه وهذا مانتمناه ونرجوه من لاعب صغير لدية الكثير لكن يحتاج لبعض الجدية والإهتمام وإغتنام فرصه وجود التايب

*احمد الصويلح قادم بقوة .. عسى الله يحفظه بس من الإصابات ...

*الفريدي وش أقول فيك بس ... أفضل الصمت والإستمتاع بفنك أحسن ... لاشفتك تذكرت نواف التمياط في لمساته

* ماجد المرشدي .. أرفع ( الطاقية ) إحتراماً لك يابطل

* خالد عزيز وكمان طاقية لك ترفع يامقاتل

* الدعيع ... وش أقول غير ( مسكين ياللى ماعنده دعيع )

*الشوط الثاني كان روعة في الملعب .. فاتكم ياللى ماحضرتوا المباراة

الجوا حلو .. واللعب فيه متعة وجماهير الزعيم شادة حيلها ..

* من الفريق اللى راح يتسبب في عرقلة نادي الإتحاد !! غير الهلال طبعاً من تتوقعون !! انا أتوقع اللى بيعرقل نادي الإتحاد ويفوز عليه او يتعادل معه هو نادي ( علموني انتم )

وعطوني توقعاتكم

* طارق التايب .. سوى العجايب .. طفى اللهايب .. تلميذ خايب .. ببسي شارب .. شفنخرشتري ( آيب ) >> ماله بالقصيد والشعر ...

مبروك الثلاث نقاط ...

والمباراة الجاية انا خايف منها ... والله يستر

اخوكم الصغير ابو طلال