هارد لك ياشباب !
فريق سيء سيء سيء
أعتقد مشكلة الريال أكبر من إصابات أو حتى مدرب (زلابه ) أو حتى تنحصر برئيس دلخ كثيرا
صراحه موسم كارثي جدا ! خصوصا إذا إستمرت ظاهرت التبطح في الإزدياد ...
بالنسبه لليوم يعني بكل صراحه أحمل كاسياس الهدفين الأول بنسبه فوق ال 60 % أما الثاني !
مع إحترامي الشديد لكاسياس قول مايخش حتى على (الخوجلي )
صحيح الدفاع شوارع موب طبيعيه
وصحيح إن بيبي و وراموس كنهم رضا تكر وأسامه المولد بمباراة كوريا ماغير قالطين قدام !
الثالث ماله دخل كاسياس دفاعنا ووسطنا حالف عليهم شوستر إنهم يتقدمون جميع في أي فاول أو ركني ..
طبعا نقدر نلوم شوستر ونقدر مانلومه
<< عاد ترى أبجلس أتفلسف لاأحد يدقق آثار الهزيمه ..
نلومه من ناحيه وش وظيفتك كمدرب ! واليوم أخطأ خطأ مايخطيه (سباك ) يعني قلنا طلع الظهير الأيسر !
أوما تترك الخانه فاضيه لاأنت الي رجعت درينثي ظهير ولا أنت اللي لعبت ثلاثه دفاع ولا أنت اللي جدعت أحد لعيبة
النص في اليسار يعني لو مدرب خيتافي أعطاه الله بعض الذكاء كان حط ذا (الخال ) يمين ولايردك إلا شباك كاسياس
طبعا نعود للخلف قليلا أنا أخبر أخبر إن الاعبين يتدربون على التحمل ! بس أشوف لعيبة الريال من غير إحتكاكات
يتسدحون هل هذا راجع لضعف الإعداد أم ماذا .؟ << الحين ذا نقاش ولا وشو بالضبط
ماعلينا أرجع وأقول شوستر الموسم الماضي أفضل من شوستر الموسم ذا وتعاقدات الموسم الماضي
أفضل من تعاقدات الموسم ذا يعني بإختصار موسم إنسوه !
أنا أقول ركزو بالتشامبيونز ليق والدوري جيبو من الثاني للرابع رغم إن الحكم بدري الأن ولاتدري وش يصير
بالتوفيق للملكي !
وصح لازم نحيي حكم المباراة أدى مباراة مثاليه .. ونحيي الكابتن سلغادو على الأداء الرائع
ونعتذر عن البربره الزايده .. ولكم المايك
