يااخي الكريم مع احترامي لوجهة نظرك تسجيل هدف من ثلاثة مواسم للاعب بدأ كهداف في اول موسم له مع الهلال وحتى باول مشاركة دولية له مع المنتخب سجل هدف بالمرمى الكوري بسيئول ،، اقول مااعتقد ان تسجيله هدف بمرمى الاتفاق ان نطبل له،،
الهلال بحاجة لمهاجم محلي ومهاجمين اجانب على طراز عالي ،، الهلال عزيزي لديه منافسات محليه واسيوية والفارق بين الهلال والاتحاد خمس نقاط واذا بنجلس على بيضة العنبر قصدي بيضة الديك كل دوري هدف اجل نغسل ايدينا من البطولات..

بصراحه لا عنبر ولا السعود ولا الصويلح في مستوى طموحات الزعيم مع كامل الاحترام لمحبي هؤلاء اللاعبين؟

امس كان يعرضون في احدى قنوات الارتي اهداف الهلال في الموسم الماضي وبصراحه استغربت مين الذكي اللي اعار الخراشي وهو مسجل معظم اهداف الهلال بكاس الامير فيصل واهداف اخرى جميله ونفس الكلام ينطبق على الاذكى اللي نسق الكلثم عندما شاهدته يهدف مع الرائد ونفس الكلام ينطبق على الموري فاستغربت مين اللي نسق او اعار هؤلاء وتارك العنبر وامثاله يسرحون ويمرحون لا وبعد يتشرطون بعقودهم؟
طبعا لا تفهموني غلط كلامي مايعني ان الكلثم او الخراشي والموري هم منتهى طموح محبي الزعيم لكن اقل شي اهم افضل من بعض الموجودين.