صباح الخير جميعا   مشكلتي جئت متاخرا ولو حبيت اعقب على الجميع بيجيني شد عضلي باصابعي  قبل ان ابدأ بالنقاش والحديث ... لا اخفيكم والله اني كنت اعلم بالنهاية انه رح نصل لنقطه مسدوده ... وان كل واحد له ذوقه ورأيه ... لكن كان لي هدف هو انه كنت اعلم ان فيه عقليات كبيرة بالمنتدى ما شاء الله عليها لديها معلومات وتاريخ وفكر عالي حبيت ان تكون ملحمه بينهم هنا ... وبصراحه فيه ناس ما شاء الله انبسطت بفكرهم وردودهم واولهم اخوي سلطان الهلال صدقوني الكل سيكون مصمم على رأيه ... لكن من المعلومات اللي طرحت هنا ... ما اقول مكن يغير رايه ... لكن ممكن يغير وجهة نظره بموضوع معين + سيكتسب معلومات كبيرة وكثيره كان يجهلها وانا اولكم  بالنسبة لموضوعنا انا كلامي ما هو عن جمالية الملاعب والجماهير ... وقلت لكم جماهير شوفو جنون جماهير المكسيك والكرة الاتينيه عموما ... شوفو شغب الجمهور التركي ... شوفو خبال المشجع بمباراة النصر والرائد ولو الموضوع ملاعب وفلوس ... بعطيكم مثال بعيد لكن شوفو الدوري القطري وش كثر المبالغ الضخمه اللي يضخونها عشان يدخلون عالم الاحتراف ... وملاعب حلوة وجديده ... وبالنهاية اللي حاضرين بالملعب تعدهم وانت منسدح  الدعوه هي ما يوجد داخل الملعب من 90 دقيقه ... اعلم ان كل دوري له اسلوبه ... لكن يا حقين الايطالي والتكتيك ... ليش يوم اليونان تاخذ يورو 2004 بالتحجير وقتل اللعب والمباراة تكون ميته دايما كل مباراتهم انتهت 1/0 ويقفلون ... ليش يوم اخذت البطولة ما احد عجبه الموضوع  والكل تحدث ان اليونان قلتلت متعة البطولة ... هل لان اليونان اسم عادي  بالمقابل ... الجميع يتحدث عن روعة كرة القدم الهولندية الشامله والمفتوحه ... وحتى محبين التكتيك والتحجير على قولتكم يحبون اللعب الحلو والحماسي ... الدعوه ما هي بس التحجير حلو بالايطالي وبغيره ما له داعي ويقتل اللعب يا جماعة الخير ... هل كل من يتكلم عن ان الدوري الانجليزي بايخ يحضره ويتابعه والا بس كذا يحس انه غير كويس الدوري الانجليزي نادر تلقى مباريات مقفله وميته ... يعين الجوله الماضيه الثلاثه الكبار انتهت مبارياتهم 0-0 كانت بمثابة صاعقة وحالة نادرة الوجود لنا ... مو متعودين على كذا نتايج فرق كبيرة وصغيره كلها تقدم كل ما عندها ... وما فيه خوف فيه لعب مفتوح من الجميع ... حتى الفرق الصغيره تسوي هجمات وفرص ... واخر شي تفكر فيه التقفيل بالله وش المتعه اللي تنتظرونها ... اذا ثلاث ارباع المباراة الكورة ضايعه بين نص الملعب والمدافعين ... اخر شي تنتهي 1/0 او 1/1 ويمكن يكون بلنتي ساعود مع الكثير ... لكن ساعقب على نقطتين ... اخوي سكرو ناصر حبي الدوري الالماني والله انا اعلم انه روعه ومستوى التنافس بين الفرق عالي وعدد الفرق اللي تتنافس اكثر من غيرها ... بالعكس اشوف مرات ملخصات الدوري الالماني والله اهداف رايقه وبنت كلب ... لكن مشكلته الاولى والاهم هو انه اعلاميا مظلوم + مستوى النجوم اللي فيه اقل من غيره النقطه الثانيه اللي يذب على جمهور الانجليزي انهم ساكتين وما عندهم الا اووووه يس تبا لك ... ما ادري لكن مثلا مباريات الريال طول المباراة ما نسمع الا صوت المزمار والا مدري وش اللي معهم ذا وغيرهم نفس الطقه ما فيه داعي ترمي الناس بالحجر وبيتك من قزاز  ... وقلتها مليون مرة ... لو الدعوة فن تشجيع فيه ناس يصفطون اوروبا كلها على جنب بتشجعيهم والاهم انه احنا راينا عن الجمهور مبني على ما يصلنا من التلفزيون مرات يكون صوت الجمهور معزول ومرات عالي ومرات المعلق ينكد عليك ام المباراة لذلك اذا فيه احد حضر مباريات بالملعب يحق له يتكلم غير كذا احس انه صعب الحكم على ما يوصلنا من التلفزيون لي عودة ... ... و والله اني استمتعت جدا جدا بردودكم وعقلياتكم ابو الصور يا نائب الرئيس مع احترامي البريمر فيه صور تسفط هاللي حاطهم على جنب مو كلهم طبعا بس المختصر لا يكثر الدعوه ما هي صوري اقوى من صورك واكوس منها ورده
اخر تعديل كان بواسطة » الهلالي 11 في يوم » 25/11/2008 عند الساعة » 09:33 AM | 