إقتباس الرسالة الأصلية كتبت بواسطة Webmaster مع تحفظي على اللي قلته بخصوص "مالك"، لكن أنا معك في مسألة المدرب الأوروبي. المنتخب كان له كذا تجربة فاشلة، لكن يبيلنا واحد فعلاً خبرة، وشخصياً ما أشوف مدرب أفضل من "هيدنك" الهولندي اللي قدر يحول من كوريا في 2002 وأستراليا في 2006 وروسيا في 2008 لمنتخبات منافسة! ناصر الجوهر مدرب على العين والراس، والظروف فعلاً اليوم كانت ضدنا من تحكيم وغياب للركائز الأساسية للمنتخب وافتقاد البديل الجاهز والخبير، لكنه فعلاً تأخر اليوم بالتبديلات بشكل يرفض الضغط! حنا مشكلتنا لا غاب لاعب واحد انهد باقي الفريق، ومو شرط في حالة الطرد، ممكن إذا لاعب أصيب أو تبدل، وكلنا نتذكر اللي صار قدام الأوزبك لما فازوا 3-0 علينا في طاشقند، مشكلتنا الكبيرة هي الاعتماد على تشكيلة جامدة وغير مرنة. الحل: الكرة الشاملة الهولندية، حيث كل لاعب ممكن يؤدي أي دور مطلوب بمرونة كبيرة! أنا متحمس لهالأسلوب جداً خصوصاً وأن عندنا لعيبة أثبتوا قدرتهم على اللعب أكثر من دور أمثال "ياسر" و "مالك" و "الفريدي"، وحتى البقية عندهم التحمل واللياقة اللي تؤهلهم للعب أكثر من دور في المباراة ... لو سويناها أجزم أننا راح نقدر نتخطى بوابة الدور الأول بكاس العالم ونلعب للمنافسة لا للتشريف. والله سئمنا من المدربين البرازيليين وأسلوبهم وبعد مرور 14 سنة على تحقيقنا لانجاز حقيقي على أرض الواقعي وذهاب الجيل الذهبي، أقدر أقول أن مشكلتنا مو مشكلة لعيبة بقدر ما هي مشكلة عقلية جامدة ما تتقبل التغيير.

كلام كبير والله. ولكن اقصد انا بمالك معاذ بحيث أن المدرب ما أشركة في مبارة ودية أمام البحرين لكي يعود على الاقل لأجواء المباريات
وإلا مالك وياسر أفضل مهاجمين سعوديين في الساحة إلى الآن
وتشكر على كلامك أعلاه فعلاً كلام محترف