من باب لو او ليت ... تفتح باب الشيطان وتخرب البيت ... نبدا وبأسم الله بديت ..

هزازي يلعب وبشير احتياط ... وياسر مصاب في ( تهول ) بالرباط ... ونحن مع الصداره فك ارتباط

ندخل المباراه بتشكيله عجيبه ... كن المنافس بنقلادش وياكبر المصيبه ... نور غايب والباقي ظروف ( العرس ) تغيبه

السلطان قدامه القول مفتوح ... لكن ماكل مهاجم بالهجمه يروح .. يبيلها بشير الي على الخصوم يزود الجروح

والحكم يقولون انه من النخبه ... والظاهر انهم مسوينه من الحبه قبه ... جاب العيد ودواه عن السركال طبه

المنتخب راح ومابني في عقود انهد بيوم ... والمدرب بدت الشكوك عليه تحوم ... والغلبان المشجع الي زادت عليه الهموم

ماقدرو ثمانين الف احضرو ... ومن شاف التشكيله درو انهم خسرو ... لكن هذا حب الوطن وهم ماقدرو

الصفحه بيضه وعليها مرغوب ومشطوب ... لاعاد تحلمون لا بكاس ولا بكوب ... دام ( المظلوم ) عن المخطي ينوب

ناس تشجع المنتخب عشان فلان ... وناس بحب الوطن قلبها مليان ... هذا الفرق يامدعين الحب للكيان ؟

خسرنا ثلاث نقاط وتعوض ... لكن خساره الاحترام ماتعوض ... وانتم ناس تبون تغيرون والكل حاط نفسه مفوض !!

من باب لو او ليت ... تفتح باب الشيطان وتخرب البيت ... ننتهي وبأسم الله انتهيت ..