إقتباس من يشوف كلامك ياناصر يقول ان سيكو مسنتر في الرابطه يشوف طلباتنا ابي افهم وشلون طلبناه ولبى طلبنا

بدر عزيزي مو قصدي كذا
قصدي انت الحين معجب بشفاينستجر وتبغاه يجي لليوفي
سيكو وقع معه , بس شفاتسنجر فشل مع الفريق , ماتروح وتلوم سيكو لانك كنت تبغى اللاعب

ونفس الشي على الميرون وتياجو كنا قاعدين نتغنى فيهم وللاسف الميرون خيب امالنا وسيكو ماقصر راح واشتراهم وجمهور يوفنتوس بوقتها كان يطالب فيهم

إقتباس وشلون يبيع لاعب والاداره خلته يروح اعاره عشان يرجع يفيد الفريق يعني ياناصر بالعقل انت تزرع شجره عشان تظلل موترك عند بيتكم يوم كبرت الشجره وبدت فايدتها تروح تقصها وتنطلها << مدري وش يبي المثال لكن شطح في مخيلتي

كلامك سليم يا بدر
بس زي لانزامفي مثلا , العام كان معار لباري , هالموسم مارجع لليوفي زي هالثلاثي ولكن باعوه ملكية مشتركه مع باليرمو , يعني ما استفادو من الشجرة
يعني كان سيكو يقدر انه يبيع واحد من هالثلاثة وخصوصا جيوفنكو

إقتباس مافيه دخان بدون نار ياناصر يعني يوم يجددون لكيلليني ماشفنا هالكلام وايضا كامو وليقروتاللي بس هرقطات ابي وش معناها لو انها فقاعات صحافيه كان فهمتها

هنا بيكون فيه خلاف لان مافيه شيء مؤكد
بس كليني ونيكولا معليش ما يصفون جنب الاحجار الكريمة الخمسه مع احترامي لهم
كامو ؟ جدد مرتين , مرة ايام السيريا B والثانية اللي قبل فترة بعد الانتقالات يعني ماعاد يمدي احد عليه

إقتباس وشلون تحسب له ياناصر يعني ماجتهم عروض ومافيه الا اليوفي اللي يقبل هالاشكال اكيد بيروحون له

بدر انت تقيس اللاعب بقيمته المادية والا الفنية ؟
شيفا سعره غالي يوم راح لتشيلسي وش نفعهم فيه ؟
انا يهمني قيمة اللاعب الفنية , ميلبرج نفع اليوفي لحد الان وحسن ايجابياته اكثر من سلبياته

إقتباس عاد جينا هنا للكلام اللي انت تحب تبدع فيه وتراوغ وش علينا من انديه اوروبا كلها حنا همنا اليوفي وبعدين انت حاط ان اقتصاد اليوفي قايم على التعاقدات بالعكس فيه تعاقدات وفيه مصروفات وفيه بناء ملعب وغيرها يعني ماطالبت انك تجيب كريستيانو او ميسي انا قلت ناس قد المقام وبس ناس تليف باليوفي يعني صرف مبلغ 13 مليون والاحتفاظ بالباقي تشوف انه شي ايجابي بالعكس هذا المبلغ مخصص للتعاقد ليش تبخل فيه وترى الباقي 30 مليون يورو

بدر اكيد يهمنا اليوفي بس لابد نقارنه بجيرانه علشان نقدر نقيس هل الامور تمام والا لا
مصروفات وهالكلام كله مانقدر نفتي فيه 100% بس اللي نعرفه ان النادي يحاول يبني بنفسه
شف ارسنال مساكين كل سنة لازم يبيع فنجر نجم علشان الملعب
الحمدلله ماوصلنا لهالمرحلة
وبعدين اانا معك ان الادارة ماشرت بس هي تشوف مع رانييري ان الفريق جاهز بتشكيلتين زي ما قلت زمان باحد الردود
وعلى فكرة صرف 13 مليون مو يعني اندفعت مرة وحده
خذ ببالك الاعارات سواء لليوفي او من اليوفي والملكيات المشتركه وبيع وشراء والنهاية 13 مليون وهذا شي ممتاز



نقاش ممتع معك

مبارك & با بيرو
ابجيكم بعدين وماهو شرط انا ادير النقاش خلونا كلنا مدراء