| السلام عليكم
أخوي ابو عمر الرشيدي
يالحبيب أنت وش ووضعك .؟
ووش تبي بالضبط ..؟
الموضوع هذا وش الهدف منه ..؟
يعني تبينا نشك بسامي .؟
تبغانا نقلب على سامي ..؟
علاقتنا بسامي اكبر من انك تجي وتعكرها او تحاول تشكك في سامي او تشككنا فيه ..!!
وترى جدارنا اكبر من الي هم على شاكله أعداء سامي يرقونه ..!!
والثاني الي جاي ويقولي كلام فهد الغشيان وش عنده .؟
يعني صلح لي واشوتها .؟
الله يهدينا ويهديكم بس
الهلال وجمهوره وسامي ياويل الي يقرب منهم
انا ردي هذا مو قصدي ارفع يدي واجلس اصارخ واقول ويلك يالي تعادينا ياويلك ويل
لا والله بس حبيتك تنتبه ترى والله بتخسر غالبيه الاعضاء هنا اذا استمريت على هالنهج الي متخذه
يعني سياسه خالف تعرف أكثر من يفهمها هم الهلاليين والي يحبون سامي الجابر بالذات
وعزيزي انا ما استبعد انك بكره تطلع لنا بموضوع وتجلس تطالب بتنسيق ياسر لأنه ماسجل هدف بالمباراه
اي شي بمصلحة الهلال اكتب مواضيع عنه
شف الاعضاء كيف يحبون أغلب الكتاب المميزين هنا
ليه ما تكتب مواضيع تفيد النادي وصدقني بتحصل على الشعبية الي جالس تدورها هنا
انا لي فتره طويله ما اشارك بالمنتدى لكن اخر موضوعين لك رديت عليك لأني لاحظتك ولاحظت مواضيعك جايه عكس دايم
تقبل مروري واتمنى ما يزعلك كلامي لكن مصلحة الهلال عندي اهم شي  | 