والله قهر ننحرم من مباراة الارسنال مع لوكوموتيف يوم الثلاثاء الساعة 7 بسبب مباراة في الدوري العربي (عفوا الشامبيونز ليغ العربي على قولتهم) ولا ادري على اي اساس يقارنوها بالشامبيونز ليغ يمكن الشبه الوحيد هو عدد الفرق (32) والا كل شي مختلف فالشامبيونز ليغ تبدأ بنظام المجموعات من خلال ثمانية مجموعات كل مجموعة اربع فرق يلعبون بنظام التصفيات من ذهاب واياب اما هذي البطولة فتبدا بنظام خروج المغلوب,,,
حقيقة ماودي اكمل لأنها بطولة تفقع القلب والله انا اتكلم بمنطقية ولا اقارن المستوى لأن الفرق واضح للجميع ونحترم مجهودات القائمين على البطولة الوليدة على قولتهم (اللي يسمع يقول حاجة ماحصلتش) لكن اقلها نبي تنظيم يعني من بدايتها فرق تهدد بالانسحاب او بتاجيل مبارياتها بعدين لسه تونا في بداية البطولة يعني الادوار الاولى ولاحظوا في مباريات يوم 29/9 و30/9 و1/10 والباقي في نص اكتوبر على ايام مختلفة ومادري هذي المرمطة على ايه؟ على مباريات كلها مشاكل ومضاربات وتهديد بالانسحاب واحتجاج على التحكيم شوفوا الفرق الاوروبية (ما اقصد اقارن حتى لا احد يهاجمني) كل المباريات تلعب في يومين (16 مباراة مجدولة من بدري وتلعب في يومين) ولا في مقارنة بين ضغط الدواري عندهم وعندنا يعني 38 جولة في الدوري الانجليزي والاسباني وتصفيات المنتخبات لكاس اوروبا وتصفيات كاس العالم لدول امريكا الجنوبية وحنا تحت رحمة اتحادات الدول العربية والفرق العربية عشن يوافقون على موعد المباريات بحجة ضغط جدولها (ولا روزنامتها على قولتهم) وما خفي كان اعظم.

الخلاصة..... ترى ياجماعة والله ماهي مستاهلة هذي البطولة كل هالمرمطة لاني للاسف وبكل صراحة كرهت اي شي تنظيمه عربي لانه وبكل تاكيد سيكون شعاره ..................... (اكمل الفراغ)