تحمــست بدخل معكم بالنقاش

إقتباس الرسالة الأصلية كتبت بواسطة Milan_89 مهب معه أفضل لااعب بالعالم !؟ .. مهب معه أفضل مدافع بالعالم !؟ مهب معه أفضل صاانـع ألعاب بالعالم !؟ ..

أفضل لاعب بالعالم مستواه متذبذب حتى الآن , وأفضل مدافع مصاب !!
و أفضل صانع ألعاب يلعب بنص مستواه .. !!
أنت تطلب من آنشي المستحيل , الفريق إلى الحين ماثبت على تشكيلة !!
كل يوم لاعب مصاب .. إحمد ربك إننا بالمركز الثاني وبفارق نقطة عن أقوى الفرق بإيطاليا حاليا !!
<< داخل يهاوش

إقتباس الرسالة الأصلية كتبت بواسطة Milan_89 وميـلاان عنـده أسمااء توحّش .. بدون مبـاالغة لو يلعبـون بدون مدررب تساان جاابـو الثلااثيـّة بالرراحة .. ! أفقد هيبـة ميـلاان .. لنـاا سنتيـن وحنـّاا نراكض ورى الأنديـة الصغيـرة .. نبي نـفوز عليـه مهب قاادريـن .. !

ما أختلف معك في هالنقطة إن الميلان عنده أسماء "توحش" بس مثل ماقلت لك ماوصلوا لمستواهم المعروف !!
صعبة أن آنشي يجبرهم يلعبون كل المباريات بنفس الرتم !!

وبالنسبة للهيبة فالسبب من رأيي البيرسونال يعود لمعدل أعمار اللعيبة !!

والسبب ورا بهذلتنا من الفرق الصغيرة هو أنها تلعب بطريقة دفاعية بحته تتعب شيابنا , واعتماد هالفرق على الهجمات المرتدة اللي كسرت مجاديف فريقنا ..
يعني بالعربي ابو 30 سنة موب قادر يطارد ورا ابو 25 سنة لمدة 90 دقيقة , ياشيخ إن يوصل نص الشوط وتلقاه مكربن


صراحة انت تطلب من آنشي المستحيل , أنا ما أختلف معك أنه أخطأ بمباراة ليتشي
لكن صعبة تنسف بتاريخه عشان هاللي صار , جب لي مدرب لعيبته بهالأعمار وكل يوم واحد مصاب وخله يسوي مثل آنشي

إيه نسيت .. جب لي مدرب مجبور يلعب بالأحفورة فافالي ويوصل المركز الـ2 !! << أدري ماله دخل بس من القهر إن هاللاعب مع فريق مثل ميلان


عذراً ع الإطالة .. وبالتوفيق للميلان ورده