| عن جد أرقام مهولة
أما بالنسبة للطبيبات المدخنات "تأمرون الناس بالبر وتنسون أنفسكم"
يعني بالرغم أنهم عارفين مخاطرة يستمرون عليه
أنا أعتبر التدخين إنتحار بطريقة بطيئة لأن المدخن مستحيل أنه يحب نفسة أو حتى الآخرين
أما اللي أسباب إقتصادية يعني تمر في ضائقة مالية وتدخن !!!
طيب التدخين يقتطع جزء كبير من راتبها وميزانيتها بإمكانها توفير قيمتة وتسديد دين أهم من دمار صحتها
أما اللي تعتبر السالفة رقي وتطور وإنفتاح هذي يبي لها جلسة
يعني أي تطور في إستخدام السموم حتى الغرب اللي تقلدهم أكثرهم يمتنع عنه عشان صحته وصحة اللي حولة
أما الأم اللي تدخن قدام أطفالها
الأم مدرسة إذا أعددتها
أعددت شعبا طيب الأعراقي
أمحق مدرسة وهي تسمم أطفالها بيدها
أتذكر أخوي رايح مع صديقة مشوار وأتصلوا عليه أهله يبون طلبات
المهم الولد وقف بجمب مطعم أخوي توقع أنه بيشتري لهم عشا
الولد دخل المحل اللي بجمب المطعم بكم فتحة أخوي قال هي وين رايح؟؟
قال داخل أشتري لأختي معسل توت والثانية فراولة !!!!!
أخوي قال له تصدق أختي قلق الا تبي معسل تفاح>>أخوي يستهبل لكن الولد كان جاد
ورجع يتصل على أخته يتأكد من الطلب والكمية
أخوي كان يحسب صديقة يستهبل لكن لما شاف المسألة صدق جا البيت مصدوم
يقول لي تصدقين أن بنات..........يشيشون !!! اليوم عبد العزيز شرا لهم الشيشة
طبعا أنا صدقت لأني سمعت من مصدر ثاني وما صدقت
بس فعلاً ناس متحظرة لما يشوفون أبوهم يستحون وما يدخنون وهو جالس إحترام له!!!
إنما الأمم الأخلاق ما بقيت
فإن هم ذهبت أخلاقهم ذهبوا
بالحب والإشراق  | 