يمكن انك ما تابعت المشكلة من اولها ، انت تعرف ان اي لاعب له حركة معينة ( احتفالية ) بعد تسجيل اي هدف ، وتنيريو كانت حركته انه يلبس قناع صغير بعد تسجيل اي هدف ، وسواها في اول مباراة سجل فيها هدف مع النصر ولبس القناع واعطاه الحكم كرت اصفر على الحركة ذي ، وتظلمت ادارة النصر من هذا الكرت ، وصرح الحكير ان القناع هذا منافي للعادات والتقاليد و غير مقبول في الدوري السعودي ، قام ابو خالد وشب عليه كل يوم بتصريح ويقول له انك انت في الملاهي حقت ابوك ( يقصد ملاهي الحكير ) انكم تبيعون مثل هذي الاقنعه ليش ما صارت تنافي العادات والتقاليد ، وصار كل ما صرح يشب على الحكير ، عاد المرة ذي يقول له خل الحفل الي بتسويه حفله تنكرية ( والي عادة يكونون فيها الناس متنكرين باقنعة ) من باب الدق على الحكير

هذي السالفه باختصار والله يعين الحكير الي شكله متوهق وفتح على نفسه باب ما راح ينصك حتى لو استقال

تحياتي