قناص يالسحليه الحوله افهمني  .. لما قلت لك ليه تدخلوا فالديز .. وبعدين تقولو ماتبغوا مشاكل .. اقصد ابتعدو عن هاالشئ من اساسو .. انا ممكن اكون فاهم قصدك .. لكن متاكد 99% ماراح يكونو فاهمينه لأن ممكن ماتكلموا معاك بشكل شخصي .. بالتالي لما تحط اسم فالديز وخخخخ .. شئ طبيعي بترفع ضغط المشجع .. فـ ليش تحط نفسك في هالمواقف .. وقلت لك بما ان صاحب الموضوع اعاب كاسياس .. روح لحراس فريقه ليش تنط للمنطقه المحضوره .. فاهم وش اقصد .. والا اجيب واير الزخك فيه .. ورده قناص كارليتوس بعد شبدي كمقياس بين الدوريين قلت لك فيه اشياء كثيره ممكن تحجني بها وارد عليك بها والعكس صحيح .. لأن من وجهة نظري المتواضعه انه الدوريين قواي ولاينقصهم شئ للمنافسه مابينهم لكن حسم الأفضليه صعب نوصل له لأنه شئ يعود للميول عند المتابع .. وايضا المستوى في كل دوري شئ متغير .. وكل شئ له فتره .. الكالتشيو كان وجبه كرويه دسمه .. ولكن الآن اقل بكثير عن مستواه بالماضي .. بالسابق البريمير طريقته كلاسيكيه جدا والان تغير في اشياء عديده في فلسفة انديته .. والليقا لها متغيراتها ولكن تبقى سمة الكره الهجوميه خاصه به .. اذا على مسالة التجربه التدريبيه والقيمه للمدرب مثلا .. انت قلتلي بينيتيز .. باقول لك بينيتيز من خريجي مدرسة الليقا  وكان مدرب الريال الرديف ومر بمحطة فالنسيا والآن في البريمير .. هل اذا بنظر ليها بهالمنظور اقدر اقول الليقا اكبر لأن البريمير عايش حاليا على تلامذة الليقا .. وهنا اوصل لقصدي لما اقول الفوارق الاعلاميه والماديه هي الاساس .. قوارديولا وشوستر مازالوا مبتدئين .. لكن البعض يقول عن شوستر من كبار المدربين حاليا والبعض ينتقص منه .. على اي اساس هذا استند في كلامه وعلى اساس هذا انتقص من شوستر في كلامه .. ماادري .. لكن كل واحد له وجهة نظره .. الفاصل هنا .. خلنا نشوف بعض بعد فتره ونشوف هالاثنين .. راح ينجحو او يفشلو .. لكن ليش ماناخد لفه على المدربين الثانيين .. مانويل بيليقريني اعتبر الا يسويه حاليا مثل الا يسويه ارسين فينغر بالارسنال مع الاختلافات في القوه الماديه .. خواكين كاباروس هو صانع اشبيليه الحالي قبل لايجي خواندي راموس يكمل عليه .. وغيرهم من المدربين .. طيب كيروش الا يقول عنه فيرقسون خبير تكتيكي من الطراز العالي .. مر بالريال وفشل .. هل اقدر اقول عن مدربي البريمير سيئين في هالحاله ؟ الانجليز .. حتى في نظرتهم للمدرب مختلفه .. مستحيل تشوف مدرب نادي كبير يقعد فوق الـ 20 سنه في الليقا او الكالتشيو لأنه حتى نظرة الجمهور مختلفه لنتائج الأنديه وفلسفة اللعب .. السيطره على لقب الدوري كل موسمين وثلاث تنتقل لفريق .. اعتقد الموسم الماضي كان مختلف عن المواسم الا قبله في البريمير .. وكان قبلها البريمير يحسم من تشيلسي مبكرا .. وقبلها الارسنال فاز بارقام قياسيه .. وقبلها وقبلها .. الريال والبارسا ايضا قبل موسمين تذابحوا على اللقب لآخر جوله .. واشبيليه قاعد في الحلق في اخر ثلاث سنوات .. وفياريال يروح ويجي .. وفالنسيا برضو .. وديبورتيفتو لاكارونيا ايضا .. يمكن فيه شئ اقدر اقتبسه من شخص انقليزي عايش الليقا في وقت سابق وعايش تدريب المنتخب الانجليزي والانديه الانجليزيه وعارف الفوارق الاساسيه الحاليه بين الليقا والبريمير .. فينابلز يقول .. الليقا ممكن تكون الامتع والافضل في العالم لأنها تمتلك مخزون كبير من المواهب حتى في اصغر الانديه تشوف عندها المواهب .. لكن البريمير هناك المبالغ الطائله اللي تندفع .. انا معاك في وجهة نظرك ولا اقدر اخالفك فيها .. زي ماقلت لك هي ميول عزيزي في المقام الأول .. لكن مايحتاج انتقص من بطولة نجم علشان اعطي نجم احقيه .. لأني متاكد هم متساويين من ناحية قيمة البطولات .. لكن كمجهود اتجاه الفريق وكشئ حاسم كريس بيكون الأحق .. ورد للجميع << ياكثر هالورد .. قناص .. روح تعشى شكلك جوعان
اخر تعديل كان بواسطة » PUYOL Carles في يوم » 08/11/2008 عند الساعة » 12:45 AM
السبب: اضفت كلام عن المدربين خخخ .. ضعت مابين السطور والسبب هالقناص هالاحول :d
| 