سلام
معليش شباب مداخله بسيطه
عندي سؤال ليه معظم مشجعي الميلان يكرهون شي اسمه ريال مدريد ؟؟!!
ليه عشانه فريق كبير وبطولاته ضعف بطولات فريقكم الدفاعي المملل الي ياخذ بطولات بالدفاع وركلات الترجيح ..
اجل ريال مدريد صف اول ابتدائي والله مشكله التعصب ياخي الي خلى
زيزو + ربرتو كارلوس + رونالدو ،،، ( اكتفيت بذكر الثلاثه ذولا لانه لو جمعت لاعبي ومصارعي ايسي ميلان كلهم ماصفو جنبهم )
والا نسيتو الثلاثه واحد يافريق الاربعات ولايجي احد يقولي فزنا عليكم واحد صفر فالكل يعلم انه لريال هدف صحيح مليون مليون بالميه ولاننسى ان نذكر ان خطت ميلان ذاك اليوم كانت
9 - 0 - 1 ( الواحد هذا سرعته خمسمية كيلو متر بالساعه يعني طقها والحقها وانتهى الموضوع )
بس مانفعتهم هالخطه بمبارة العودة جبنا فيهم ثلاثه وكان ممكن توصل خمسه بس ربرتو كارلوس قال يشباب هدو ،، اظاهر ماهان عليه يضيق صدر ريفالدو
وبعدين اي افضل فريق بالعالم بتاريخ وبطولات ولاعبين يعمي روح ادرس التاريخ الكوروي زين واجمع بطولات فريقك كلها مع بطولات الريال (هاه وش طلع معك مهوب تسنه حول الضعف )
وتعرف منهو الاول في العالم على مستوى الانديه منذ مبطي حسب مقياسك هذا
اواذا حبيت تشوف منهو الافضل بمنطق وحيادية وبجميع المقاييس الحيه والميته برضو بتنصدم بالواقع وبتلقى ان الافضل
هو ريــــــــــــــــــــال مــــــــــدريــــــد ،،
بس وش نسوي عاد التعصب شين ماشفت الربع ذوليك من القهر والغيره وش قالو الله لاتخزينا ( زعيم زعماء )
خذولهم بطوله بالبلنتيات صجونا - هييي الجدران جابت لنا بطوله -
شئتم ام تعصبتم اداء فريقكم ممل ممل ممل ممل مــــــــــــــــمــــــــــل
هذا اليوفي دفاعه قوي ومع كذا فريق واثق من نفسه يلعب باداء متوزان وجمع بين الاداء الممتع وتحقيق البطولات مهوب بس اسوي لي خرسان مسلح وجب هدف وحطلك خرسانه ثانيه وهاه تراى اهم شي جبت بطوله ( مثل بطولة التعادلات حقت ربيعنا ماغيرهم )
الريال والمان فرق جمعت بين البطولات والاداء الممتع ،، وعشان كذا قاهرينكم بالاضافه الى اليوفي الي كاتم عليكم بالكالتشيو ...
انا ابي افهم بس وين لذه الانتصار بالبطولة فيه اذا كانت جايه بسلوب دفاعي مممل
..........
شوفو مبارة الريال واليوفي العوده( لن اقول مبارة الريال والمان عشان ما اسبب احباط لكم ) ،،،
بامتع مبارة لفريقك لتعرف من هي الفرق الي ادائها ممتع وراقـــــــــــي .
هاه شفتوها ماودكم ان الميلان كان واحد منهم
( صراحتن ياليت ايه الله يذكر ايام فان باستن بالخير )
-----------------------
وش الفايدة اجمع لي لاعبين نجوم وادفنهم عندي بدون ما استفيد من مواهبهم ؟؟ سؤال لمشجعي ايسي ميلان رجاءن الفاهمين منهم بس يردون ( لأني لن ارد على اي متعصب )
-----------------
ختاماً اقدم خالص اعتذاري لخوي فيرون ولمشجعي ايسي ميلان الفاهمين والحياديين بس
لخروجي عن الموضوع حاولت ان ابتعد عن التعصب بس
قهر صراحتن ريال مدريد خلوه فريق صف اول ابتدائي
الحين الرجال جاي يقول ماقصد بطولات ونجوم قصدي اداء ممتع وراقي
قامو طبوالميلان افضل فريق بالعالم بطولات ومدري ايش وهو وبس والباقين ميه تحت الصفر من مستواه
وخذ يا استنقاص من ريال مدريد ،،، لدرجه ذي يعني المتفوق دايم يقهر الي اقل منه

ريال مدريد معذبهم وقاهرهم ................ .................. ولازال للعذاب بقيه

اتركو التعصب عنكم شوي بيتعبكم الريال مثل ماتعب الهلال النصراويه وعلى رائسهم ابو الشباب ماغيره والامعات من خلفه ........

----------
والعذر والسموحه واتمنى ياشباب محد يتضايق من كلامي او ياخذ بخاطره مني
ممكن نختلف على رائي نعصب لاكن بالنهايه انشالله كلنا اخوان وحبايب
تقبلو تحياتي