|
دعوة لأهل المنتدى
بسم الله الرحمن الرحيم ..
اخواني الزعماء .. عساكم كلكم بألف خير ..
وعسى طابت نفوسكم وهدت قلوبكم بعد تعادلنا مع الوحده ..
راح ادش بالموضوع ..
ما تلاحظون يا جماعة ان الازعاج اصبح من سمات المنتدى ؟؟
تسألوني وش لون ؟؟
اقولكم .. في كثير من المواضيع صراحة مالها داعي ..
خبر العرض الهولندي اللي جا لياسر .. صراحة انا قريته بالمنتدى 3 مرات في مواضيع مختلفه .. وكلها نفس الموضوع بالمللي .. بالرغم من ان ادارة الهلال لم تعلن عن شيئ
خبر عرض نادي ويغان .. وبالرغم من ان ياسر قال مافي شي رسمي
اخبار مفاوضات الهلال مع محمد نور .. وكأن المفاوضات يقودها كاتب الموضوع وادارة الهلال مخبية على الجمهور .. مدري يمكن خايفة من الحسد ؟؟؟
اقتراحات لجلب اللاعبين .. يعني كل واحد ينزل موضوع يقول اتمنى هاللاعب ويعلق عليه العشرات ما بين مؤيد و معارض ..وايضاح ايجابيات اللاعب وسلبياته .. وكأن ادارة النادي جالسه تنتظر اقتراحاتنا وارائنا لانها ماتعرف كيف تتصرف ..
وغيره اللي ينزل موضوع يهاجم فيه الاعلان الفلاني او التصرف العلاني .. وينصح اللاعب بالعودة الى رشده ودينه ..
ولا تنسو ماشالله .. اللي يمدحون اللاعبين بعد الفوز وبعد التعادل او الهزيمة يصبح اللاعبون في نظرهم لا يفقهون في الكره شيئ .. وبعد كل مباراه ما يقدم فيها الهلال المستوى المطلوب يجي كل واحد يحط لسته اسماء ويقول نسق هذا والغي عقد هذا .. وهذا لعد تلعبونه مافيه حماس .. وهذا ما يعرف يمرر كوره .. وذا خايف على نفسه ..
يعني ..؟؟ الى متى ؟؟
يا جماعة .. من حقنا ان نفرح لفوزنا .. ونغضب لهزيمتنا ونتحسر لتعادلنا فكلنا يعشق الهلال .. من حقنا ان نمدح وننتقد .. ولكن ليس بهذا الشكل..
لا تنسو ان المنتدى واجهة اعلامية للنادي .. ورقي المواضيع من رقي الاعضاء .. يعني اللي يدخل ويشوف هالمواضيع مدري وش بيقول عننا ..
دعو الاخبار لادارة الاخبار .. فهم على اعلى مستويات الكفاءه.. وماشالله مافي خبر حقيقي الا ونلاقيه موجود عندنا على طول ..
دعو الادارة للادارة .. فليس نحن من نقرر سيستبعدون من ويبقون على من .. فأهل الدار اعلم بمن في الدار ..
دعو عنكم المواضيع الغير مفيده .. ودعونا نتناقش بموضوعيه واحترافيه اكبر ..
فكما عودنا هلالنا ان لا نرضى سوى بالزعامه .. سنعوده على ان نكون الواجهة الافضل للنادي ..
اسف للاطاله .. وتقبلو تحياتي ... يا جمهور زعيم نصف الكون
اخوكم
washdee  | 