| اشهد بالله انك منضبـط
مافيه اسباب للتعادل الي مافيه فرق بينه وبين الهزيمه غير ان الله ماوفقنـا
وكوزمين ودي اشوفه وهو جالس على الكرسي
ياخي تراك تدرب لاعبين كبار يعني بلاش هالأزعاج والاصراخ ندري انك خايف على الفريق لكن تراك ورطت نص لاعبينا بكروت ما يستحقونه بسبب عصبيتك الزايده
مدرب مشكلتة اذا بدت المباراه لا تستبعد يشيل ملابسه وياخذ عصا ويجلس يجلد نفسه من القهر الي يشوفه وحنا مشجعين النادي من سنوات ما نشوف انه يستاهل هالعصبيه كلها
يعني لو كان يعصب على المفرج يمكن نعذره لكن على عزيز والزوري والمرشدي خير انشالله .؟
يجب معاقبة المقصرين من الاعبين بالرغم ان الجمهور مايقصر بالعقاب
اسمح لي يالمنضبط اتكلم عن جمهورنا الوفي الي بالرياض ماشاء الله عليه هالجمهور مقطع الملاعب من كثر ما يحضرها بكثافه
جمهور ما يشوف مباريات النادي بالمقاهي ابد ولا حتى بالبيت الا نادرا
جمهور ما يسوي لنا ازعاجات بالمنتدى قبل كل مباراه بعبارات سجل حضورك وانا اول الحاضرين
جمهور ما يجلس يهايط انا رايح الملعب الحين ومعاي خمسه وسيارتي جمس وبحاول اخلي السياره فـل هلاليين
جمهور ماشاء الله عليه مايرتاح لين يوقف مع النادي بكل مباريات النادي بالرياض
للأسف اقول هالكلام وانا واحد من الرياض
أتمنى نقل مباريات الهلال بالرياض لأرض الفريق المنافس او توزع على مناطق المملكه بالتساوي الا مباريات الديربي لأننا ما نشوف الجمهور بالرياض يحضر الا فيها
ولكن ما نبخس حقهم هم اذا حضروا حضروا وكان لهم تأثير واذا غابو غابو  | 