إقتباس الرسالة الأصلية كتبت بواسطة هلالي ثنياني هلا بك ياأخي أسلوبك في الانتقاد هو من يحدد بقاء موضوعك من عدمه الإنتقاد حق مشروع لي ولك ولكل مشجع هلالي بالتأكيد وليس من حقي كمشرف أن أمنعك من أن تنتقد طالما أنك تستخدم الأدوات الصحيحة للإنتقاد موضوعك لم يهاجم ولم يتهم ولم يسيء لأي أحد فلذلك تأكد أنه لايوجد أي سبب يجعل أي مشرف يحذفه خصوصا وأنك تحدثت عن مشكلة تخص المشجع الهلالي وهي مشكلة حقيقية موجودة وملاحظة من الجميع شبكة الزعيم هي الصوت المسموع للمشجع الهلالي ومن أبسط حقوقك أن يصل صوتك للإدارة لكي يتم التصحيح والتصحيح هو مانبحث عنه دائما .. ولكن تذكر أننا ضد الاتهام والإساءة والتجاوز في النقد وسيكون مصير أي موضوع يتجاوز أو يسيء هو الحذف بكل تأكيد ولهذا السبب سيتم تعديل العنوان بشكل طفيف فقط تحياتي لك

هلا بك اخوي

والله عشان اكون صادق معك أنا مستغرب ان موضوعي ماانحذف للحين

لاني بصراحه متعود من المشرفين عدم تقبلهم للنقد ويحورونه بأنه تهجّم أو تعدّي

الشي الثاني ياخوي بالنسبه للعنوان أنا والله ماكذبت فيه أن الاداره الهلاليه تستغل الجمهور

(( ماديا وعقليا )) طبعا ماديا مو لصالحها لصالح المحل اللي انت عارفه يمكن فيه فيه اتفاقيه بين النادي والمحل

وليش تحديدا هالمحل ؟؟ وليش الطقم مو اصلي ؟؟ وليش سعره وهو مو اصلي ب230 ؟؟

الاسئله هذي مالها اي جواب الا ان الاداره تستغل جمهور الهلال وبعض الاخوان يقولون ان الاداره ماعندها علم

وانا اقسم بالله ان الاداره عندها علم بكل شي بس ساكته ليش؟؟ ماادري

اخوي الوليد يقول حاربوا محلات التقليد طيب اذا حاربناها وبلغنا عليها هل فيه طقم رسمي واصلي

نحاربهم عشانه ؟؟ والا نحاربهم عشان طقم مقّلد ثاني ؟؟ << (( هذا استغلال العقول ))

فيه ناس كثيييير صغار سن في الابتدائي والمتوسط والثانوي طلاب مدارس لايستطيعون شراء

الطقم بهذا السعر وش يسوون ؟ مالهم الا محلات التقليد

عبدالرحمن بن مساعد عقليه احترافيه كبيره وطّور النادي لكن ليش مايلتفت للنقطه هذي؟

هل وكيل المحل اللي يبيع طقم الزعيم بينه وبين الاداره اتفاق اوي شي؟

اتمنى ياخوي بما انك مشرف وصوتك قد يصل اكثر مني توصل الموضوع للاداره

انا والله لعظيم عندي قدره اشتري الطقم لو ب1000 ريال لكن غيري مايقدر وغير كذا اذا شرى يشتري مقلّد