نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطـة عُشـاق الـذئاب [ FORZA ROMA ][ ]‏[ 2008 / 2009 ]

RoMa4eVeR · #3234 04/11/2008, 02:46 AM

السلام عليكم

قواكم الله ياشباب الرابطة ولله الحمد بدت تظهر بشكل أفضل من المواسم الماضية سواء بتواجد الاعضاء القديمين مثل الوحيد و راكان او الجدد مثل كوارزيما و النمر وبس و رونالدو و برونو كونتي و توتي 10 الي جددوا نشاط الرابطة بشكل كبير

.. نتمنى هالردود والمناقشات والاخبار تكون اكثر من الموجودة حاليا .. اذا كان سقوط روما بيخلينا نشوف هالشباب مجتمعين ليتهم مايفوزون أبد

.. فيه سلبية ومأثرة على الرابطة بشكل كبير الا وهي الردود الفكاهية! .. زي مالكل عارف ان لكل شي حدود لكن اشوف بعض الشباب تخطوها كثير ! .. الردود الفكاهية جميلة لكن مو بكل وقت و زي ماقال المثل كل شي يزيد عن حده ينقلب ضده والردود هذه ان كثرت تسيء للعضو بشكل خاص وللرابطة بشكل عام فـ ياليت مانشوفها كثير

إقتباس


	أفضل عضو في رابطة روما لـ شهر أكتوبر هو : Vita As Roma

زي ما أنتم عارفين في كل نهاية شهر يختار الرئيس والنائب أفضل عضو من رابطتهم وهالشهر زي ماانتم شايفين فيصل حصل على الأفضلية بسبب تميزه بالاخبار والنشاطات وللاسف ماشفنا منافسة كبيرة في هذا الشهر على الأفضلية فـ ياليت نحاول ننشط أكثر

::

نرجع للمآسي والأحزان

بالنسبة لأزمة روما حاليا ً اشوف انها ازمة تكتيكية فقط .. اللاعبين الموجود عندنا يقدرون ينافسون وبكل قوة على لقب أي بطولة لأن الفريق فيه لاعبين مميزين في مراكز كثيرة ومعظمهم شباب وقادرين على تقديم أروع المستويات مثل مستويات المواسم الماضية وأكثر بعد !

قبل مباراة اليوفي أنا كنت مع بقاء سباليتي في منصبه لأن اقالة مدرب و التعاقد مع مدرب في وسط الموسم مهما كان اسمه أعتبرها مجازفة ممكن الكل يندم عليها وشفنا وش صار في ريال مدريد قبل ثلاثة مواسم وكثرة المدربين الي تعاقد معهم النادي من كل مدرسة تدريبية في العالم في موسم واحد ورغم وجود أساطير في الفريق الا أن هالشي أثر كثير عليهم ! .. بعد مباراة اليوفي والعك الكروي الي شفناه أيقنت ان سباليتي انتهى ولم يعد لديه أي شي يقدمه لروما !

مدرب ابتكر طريقة جميلة وغريبة أذهل العالم فيها .. سنوات والفريق يقدم متعه كبيرة مع نتائج ممكن أقول عنها تاريخية لكن من الموسم الماضي معظم المدربين المنافسين عرفوا كيف يوقفون الطريقة هاذي وخلال الموسم هذا كل المدربين عرفوا منهج سباليتي التدريبي وهذا الي آثر على الفريق .. طريقة 4-6-0 عفى عليها الزمن ومازال المستر سباليتي يستخدمها سواء كان يقدم مستوى او بدون سواء كان يفوز ام يخسر !

مدرب مثل هذا أعتقد الاستغناء عنه أفضل لكن الادارة خايفة من التأثير الي بيخلفه التعاقد مع مدرب في وسط الموسم لكن انا عن نفسي اقول لو مدرب عارف للكالتشيو مثل ماتزوني او حتى مانشيني .. للضرورة أحكام ! .. بعد نهاية الموسم على خير فيه فترة طويلة تتعاقد مع مدرب كبير وتمشي على منهجه

عندي إعتقاد ان السندريلا سـ تقيل سباليتي بعد الخسارة من تشيلسي .. وان كانت الخسارة تعني اقالته فـ انا اول المشجعين لـ تشيلسي

::

إقتباس


	مشكلة روما .. ان الفريق لا يملك لاعب يمثل شخصية الفريق الهجومية .. في حال غياب توتي .. بابتيستا .. فوزينتش .. بيروتا .. مينيز .. تادي .. جميعهم لاعبين كومبارس .. يحتاجون لمن يصنع لهم الشخصية ..

حياك الله خيو .. تو مانورت الرابطة

شف بالنسبة للهجوم صحيح فيه نقص لكن لو الأصلع وضع فوزي في مكانه الصحيح كـ مهاجم صريح اعتقد ان نص المشكلة الهجومية بتنحل ومع وجود توتي معه اعتقد انها محلولة .. لكن سباليتي للأسف قتل كل شي في فوزي باصراره على وضعه في مركز الجناح

.. فوزي لو يرجع هجوم صريح بتنحل مشاكل كثيرة !