[sa0000ad]

بسم الله الرحمن الرحيم

اول شي كل عام وانتوا بخير يا زعماء
والله يعيده علينا وعليكم بالصحه والسلامه

طبعا هذي الايام ما فيه مباريات للزعيم والدوري متوقف
فحبيت اني انزل موضوع عن الذكريات
اللي هو اكيد انه كل واحد فينا عنده ذكرى لا ينساها او ذكريات
لا ينساها مع الزعيم واكيد انه كل واحد فينا عنده مباراه يتذكرها
بكل تفاصيلها ويتذكر الجو اللي شافها فيها ومع مين وكيف تفاعل
مع احداث المباراه فأتمنى من اي عضو يدخل الموضوع انه يذكرنا
بالمباراه اللي يعتبرها ذكرى مستحيل تنسى

بالنسبه لي انا المباراه اللي ما انساها مباراة الهلال والشباب في
دوري 1418هجري اللي فاز فيها الهلال 3-2
واعتقد انه اي هلالي لحق على هذي المباراه لن ينساها
ذكرياتي فيها اذكر اني كنت متشائم وخايف لأني كنت صغير
عمري 11 سنه تقريبا وما اعرف الكوره وتقلباتها
كنت مستبعد ان الهلال يفوز بعد انتهاء الشوط الاول
بتقدم الشباب 2-0 على ما اعتقد وبعد بداية الشوط الثاني
سجل سامي الجابر الهدف الاول من ضربة جزاء
وقبل ان يطلق حكم المباراه صافرة النهاية ارسل سامي
الجابر صاروخ من بعد منتصف الدائره بعد تمريره من احمد الدوخي
وكان حارس الشباب ابراهيم الحلوه ما انساه فرح سامي وفرحنا وبكى
سامي وبكينا اذكر اني اشهق من الفرحه بالتعادل ما ينشره علي بزر
لا احد يدقق وجاءت الاشواط الاضافيه وسجل عبدالله الجمعان على ما اذكر
الهدف الذهبي اعتقد ان اكثر من لحق بهذه المباراه بتذكر اللي قلتها كانت مباراه
ماراثونيه بعد 2-0 3-2 احلى ذكرى ولن انساها ما حييت
ما ابغى اطول عليكم ي ليت كل الاعضاء اللي يدخلون يسجلون ذكراهم
ونتذكر معاهم
saooooad