[وافي999]

موضوعي وبدون مقدمات يحتاج مناقشة وبدون مجاملات ولازم نحصل الحل !!

انا بتكلم عن رابطة الجمهور الهلالي والجمهور الهلالي نفسه لانه الاعب رقم واحد وهو الدافع الحقيقي لفوز الزعيم وتحقيق الانتصارات . انا احس ان رابطة الجمهور الهلالي لو كانت منظمة وفعالة كان اعطت الفايدة الي دايم ننشدها ونطلبها ،،
فيه ناس تقول ان الجمهور الهلالي دايم يحضر ولكن ساكت وما يتفاعل وانا اقول خلونا واقعيين الـسبعين الف اللي بيحضرون المباراة ما راح كلهم يشجعوون ،،فيه ناس بتجلس صامته وتتفرج ومركزة على المبارة لان طبيعتها كذا ما تقدر تغيرها في يوم وليلة ،انا اقول عادي مهوب مشكله مو غصب نخليهم يشجعون ويتكلمون يعني اهم شي انهم حضرو وساندو الفريق والله يجزاهم خير على الحضور .

بمعنى اخر الجمهور منقسم قسمين :جمهور يحب يكون ساكت وهذولي ياليت
يكنون بعيدين عن الرابطة والجمهور الثاني يحب يتفاعل وذولي ياليت يكونون قريب من الرابطة .

ولكن المشكة مهوب هينا المشكلة ان الرابطة الهلالية غير فعالة قياسا بالسنوات الماضيه ، ما ادري ليه ؟ احنا شفنا لما حضرت الرابطة البحرينيه في مباراة بونديكيور الاوزبكي اللي في الرياض كيف تفاعل الجمهور الهلالي وكيف هز الملعب هز ، وكان روعه في التشجيع وحماسي ، يعني المشكلة مو في الجمهور المشكلة في الرابطة نفسها ما تعرف تشيل الشيلات ولا تعرف تخلي الجمهور يتفاعل معها.
قصدي من هالكلام لو فيه رابطة صح وتغني صح ومنظمة بيكون وراهم جمهور متشوق ويردد العبارات ، وهم الجمهور اللي يحب يكون قريب من الرابطة وعلى فكره تراهم كثيرين ويأدون الغرض واكثر ،بيكون صوتهم قووي ومسموع ومؤثر . ويحمس اللاعبين ، بس وين الرابطة الصح ؟؟!! ..

ناخذ مثال جمهور الاتحاد .ولااحد يزعل علي رابطتهم مره منظمة وتعرف تخلي الجمهور يردد الاهزوجات وراهم ،وتحس انهم يتفاعلون مع الرابطة حتى لو الفريق مهزوم ، وهذا ما ينقصنا , مشكلتنا ان الرابطة سيئة وما تعرف تقود الجمهور . اعذروني على هالكلام احنا لازم نكون واقعيين وصريحين مع بعضنا ونحط ايدينا على الجرح ونعرف مكان الخلل عشان نعالجه ، لان في الاخير ندور المصلحة للفريق اللي نحبة ونشجعه .

انا صراحه سمعت عن الرابطة البحرينه انها بتحضر المباراة ، وشكرا جزيلاً للي تكفل بحضور الرابطة البحرينيه والله يجزاه خير، اللي اتمناه من الجمهور الهلالي اللي يحب يشجع وحماسي يكون قريب من هالرابطة . وياليت احد يعلمنا موقعها في الملعب .
في الختام تقبلو خالص تحياتي وبالتوفيق لزعيمنا ....