[abooodee2006]

هذا الله يسلمكم موضوع فحمت وانا اكتب فيه اذا تقدرون تنشرونه ياليت اكون لكم من الشاكرين ماقدرتوا الشكوى على الله



عندما تمتلى من المفاطيح البطون يطيحون اللاعبين ويالله يقومون



هذا حال لاعبين الهلال بمباراة النصر انواع التسدح بس العذر لهم يمكن من قصة الملعب ايه ايه قصة الملعب لاتستغربون لان قصة الملعب افقدت اللاعبين التركيز على الكورة كلن قاعد يتأمل في قصة الملعب كيف كانت وايش صارت وصاروا مثل قصة الملعب ثابتين بأماكنهم والنصرواويين متحركين



حسيت اللاعبين على ثقلهم والله متغدين مفطح وملحقينها بكاسين لبن مع قليل من الزبد وقالوا لهم يالله هذي ملابسكم وابواتكم والميدان ياشبعان ماكأنهم متحضرين للمباراة قلها قبل بـ24 ساعه



بالنسبة للي يتكلم عن ابو خيرات وانه هو احد الاسباب اقوله يعني مثلا الفريق كان كله بيومه الا ابو خيرات اذا بنتكلم لازم نكون حقانيين ونقول الفريق من الدعيع حتى القحطاني ماكانوا بيومهم ولكم بالكورة اللي انقطعت من لي يونق اكبر دليل بغى يجي العيد منها بعد ماعيدو النصراويين اصلا فينا لا ولاننسى التمريرات المقطوعه اللي يشوف الفريق يقول اقل لاعب فيهم منقطع عن ممارسة الكورة تقريبا سنه



حتى ابو جريتس مدري وش فيه حسيت انه ماخش جو مع المباراة حتى بالتغييرات المفروض طلق المحيا نازل من الشوط الاول عشان يحلمون جد لاعب من دخل وهو متحرك وسبب البلنتي

الاعذار ماتفيد لازم نكون صريحين ونعترف ان النصر بروح لاعبينه واصرارهم تفوقوا على الهلال وكأنهم هم من بالصدارة ويريدون المحافظه عليها



انا دائما وابدا اطالب بالنقد الهادف واطالب بالحياديه مو لازم اذا لم تكن معي فأنت ضدي هذي للاسف هي اللي ماشي سوقها كثير الايام هذي



ودي والله نسوي زي ماسوى مانشستر يونايتد مع فان دير سار يوم قاله خلك بجنب زوجتك لاسباب مرضها اننا نقول لياسر خلك بجانب زوجتك بمناسبة المولود وبعدها يريحونه بالدكه لين يرجع ياسر الاولي





وبرضوا ياليت لو بس يعطون الذياب فرصة بدل الزوري او على الاقل يرجعون لي يونق يسار اذا قال ماعاد اتعود لها مرة ثانيه وبلعب للشعار اللي انا لابسه حتى لو يرجع ابو نامي يمين والله اشتقنا له بس مباراة او مباراتين عشان يحسون بعض الاساسيين انه اذا مالعب عشان الفريق الاحتياط ينادي وبس



بعد والله ماودي انسى الغنام تراه احيانا له هفوات وهو من اللاعبين اللي ماله شعبيه بين نجوم الزعيم عشان كذا هفواته تصير جرم

ياليت لو جيرتس يتعوذ من ابليس ويرجع لو الغامدي للمحور بجانب رادوي ويكون احتياطيهم الغنام اذا كان مصر انه عزيز متكي بجنبه متكي



عبدالعزيز الكلثم وعبدالعزيز الدوسري ونواف العابد ابرز النجوم الهلالية مع ان العابد ماشاء الله عليه آخذ فرصته بس العزيزان عبدالعزيز احس انهم مو مرة خاصه الكلثم ماأخذ فرصته وبيصير خراشي ثاني اذا انقتلت موهبته

-----------------



اتمنى ان نرى تسطير الابداعات الهلالية في ليلة توديع النجم الخلوق نواف التمياط وكم نحن متشوقون لرؤية الجيل لهلالي السابق مع الجيل الحالي في تكريم نجم الاخلاق نواف التمياط

-----------------

ختاما اتمنى اني يكون الله وفقني على اجتهادي تمنياتي لكم بالتوفيق

[هلالي الأنفاس]

موضوعك رااائع

وعندك هنا نااااس بالمنتدى حاطين الاعبين شي مقدس (( حرام وتكسب ذنب لو تتكلم على لاعب هلالي ))

وش ذنبي انا احضر للملعب قبل المباراة بساعتين وتارك اهلي واشغالي

عشان اشوف ياسر كييف يتبطح بالملعب والزوري كيف يستدح

لكن حسبي الله ونعم الوكيل على كل لاعب هلالي تسبب بأن الفقراويييين يتكلمون علينا

[جريــح الوقــت]

حيح والله ..

لآزم بعض اللآعبين .. يآخذوون .. بــريـــك ..

يآآسر .. وصل للقمه .. ومآذآ بعد القمه ..

لآشيء .. الا .. أنه سيعوود أدرآآج الريآآح ..

وهنــآآآ .. فرصه ليستعيد توآآزنه .. ومستوآآه .. وحآسته الهجووميه ..

وأهلا بالبديــل .. طلق المحيــآآآ .. فهمآآ عينآآن في رأس وآآحده ..

وهي رأس .. الزعآآمه ..

.. والزووري .. خذلنآ .. في كثير من اللقآآءآآت المآآضيه ..

يآآجمآآعه .. عليه بروود مو طبيعي ..

قسم بالله تقوول فريزر ..

عشآآن كذآآ .. لآزم يسخن بالدكه ..

وأهلا بالذيآآب ..

لآعب حمآآسي .. لآعب عنده من المهآآرة مآآيؤهله ليكوون .. أسآآسي ..

[عاشـ يـ 20ــاسرــــق]

موضوعك جميل ... وقدر الله وماشاء فعل ومعوضين بإذن الله ..

تحذير مبكر لنادي الزعيم اتمنى معالجة الاخطاء وحث اللاعبين على عدم التخاذل واحترام الخصم .. فأمامه مبارة مهمه ضد الاهلي لاعذر للزعيم بالتفريط فيها .

المباره هذي اعتبرها توابع لنهاية الموسم الماضي اتمنى عدم تكرارها .. وكأنه الهلال ما تعاقد مع مدرب مخضرم .. انا لازلت متفائل بالخير وبعودة نادي القرن ..

[Impossible man10]

أتمنى ياسر ما يدخل إلا بالشوط الثاني و يكون احتياطي للمحياني

[YASSER 20 AL-KASER]

وش تبي انت وياه الحين ياسر مسجل سته اهداف ليش ما قلت كذا في مباراة الاتحاااد ولا مع الخيل يا شقرا ياناس خلو الاداره والمدرب يشتغلووون

[بن عطيش الهلالي]

بسم الله الرحمن الرحيم
اختلاف وجهات النظر لا يفسد للود قضية ..... أخي
لو تلاحظ اخوي ترى من بداء الدور الثاني والفرق كلها تطورت بشكل ملحوووظ الاتفاق والاهلي والنصر والوحدة كلها تطورت أما الهلال فبعد الدور الاول وختامه بداء ينزل مستواه بشكل ملحوظ بعض الشي الهلال ما يحب الفرص السهلة وهذه مشكلته امام الشباب والنصر بالدور الاول ضيعها .
القصة مو من يلعب بدل من ياسر تحركاته حلوه في الملعب ومشغل بس متى توصل له الكورة !!! مو دفاع عن ياسر لا والله , الغنام تراه قدم مستويات حلوه وبداء يأكل الجو على عزيز والغامدي مو وجهة نظري مو عمر خوينا الاول مستواه نازل شوي وشفه أمام الشباب في كأس فيصل اما عبدالعزيز الدوسري فيعاني من إصابه والكلثم ماعطي فرصه من أول وانتقل الأن للحزم بنظام الإعاره
ويلي ونفيز ما وصلو ولا كورة لياسر ما ادافع عن ياسر انا معك عيسى ينزل من بداية الشوط الاول خصوصا إن دفاع النصر ضايع بس ينزل بدل من !
الخسارة من وجهت نظري كانت ضرورية للهلال تصحيه وتخليه يحس إن الفرق كلها بدت تتطور
والنصر تراه وانا اخوك هذه هي التشكيلة إللي لعبت امام الشعلة بالخرج مع نقص الاجانب واهي نفسها إللي لعبت امام صغار الهلال في كأس فيصل وابدعنا بجرجرتهم بس الروح طلعت عندهم وغابت بشكل فضيع عندنا
هارد لك يا زعيم الأنديه والجايات اكثر واكثر

[abooodee2006]

إقتباس الرسالة الأصلية كتبت بواسطة بن عطيش الهلالي بسم الله الرحمن الرحيم اختلاف وجهات النظر لا يفسد للود قضية ..... أخي لو تلاحظ اخوي ترى من بداء الدور الثاني والفرق كلها تطورت بشكل ملحوووظ الاتفاق والاهلي والنصر والوحدة كلها تطورت أما الهلال فبعد الدور الاول وختامه بداء ينزل مستواه بشكل ملحوظ بعض الشي الهلال ما يحب الفرص السهلة وهذه مشكلته امام الشباب والنصر بالدور الاول ضيعها . القصة مو من يلعب بدل من ياسر تحركاته حلوه في الملعب ومشغل بس متى توصل له الكورة !!! مو دفاع عن ياسر لا والله , الغنام تراه قدم مستويات حلوه وبداء يأكل الجو على عزيز والغامدي مو وجهة نظري مو عمر خوينا الاول مستواه نازل شوي وشفه أمام الشباب في كأس فيصل اما عبدالعزيز الدوسري فيعاني من إصابه والكلثم ماعطي فرصه من أول وانتقل الأن للحزم بنظام الإعاره ويلي ونفيز ما وصلو ولا كورة لياسر ما ادافع عن ياسر انا معك عيسى ينزل من بداية الشوط الاول خصوصا إن دفاع النصر ضايع بس ينزل بدل من ! الخسارة من وجهت نظري كانت ضرورية للهلال تصحيه وتخليه يحس إن الفرق كلها بدت تتطور والنصر تراه وانا اخوك هذه هي التشكيلة إللي لعبت امام الشعلة بالخرج مع نقص الاجانب واهي نفسها إللي لعبت امام صغار الهلال في كأس فيصل وابدعنا بجرجرتهم بس الروح طلعت عندهم وغابت بشكل فضيع عندنا هارد لك يا زعيم الأنديه والجايات اكثر واكثر

انا معاك ان الهلال نزل مستواه بس السبب انه اللاعبين الاساسيين اساسيين من بداية الدوري مايتغير الا لاعب او لاعبين كل لاعب ضامن مركزه ويلعب وهو مريح وياسر مهما قلنا ومهما قلنا واه مو ياسر اللي امتعنا العام وقبل العام ايام كانت له ايام لاتنسى واسألوا النصراويين خصوصا محمد الخوجلي ولا سعيد الحربي وهم اللي بيجاوبونكم

الغنام كويس بس مشكلته ثقل حركته مو من سمنه ولا شي بس كذا هو لاعب بطيء وانا معاك عمر مو عمر بس لانه ماخذ فرصته من اول وعزيز بنفسه سوى هالشي

اما بخصوص ويلي ونيفيز الاول بصراحه لو هبط مستواه طوال المباريات اللي راحت وهو يلعب برتم واحد ماشاء الله ولكن هذا مايعني انه ماكان بيومه ولايهون ابونيفيز برضو من بعد الاتحاد والهاتريك وهو نازل مستواه

انا معاك ان الخسارة ضروريه بس لو خسارة بمستوى والله كان فرحت لكن خسارة ولا مستوى هذي تقهر خصوصا اذا كان فيها اشباه لعيبة

بالتوفيق للزعيم في قادم المباريات

[أسياحي]

هؤلاء اللاعبون هم من أفرح سنين وجعلك مرفوع الرأس
هؤلاء هم من جعلك نادي للقرن وساهم في المحافظة على مكتسباتك
هؤلاء هم من جعل الشركات الراعية تتهافت عليك
هؤلاء هم من قدم كل جهده لجعلك في الصدارة
هؤلاء هم من جعل عيون الخصوم لا تنام !!
هؤلاء هم من جعل الجوائز تتهافت عليك

لا تقسون بالنقد فخساراة مباراة ديربي لا تعني نهاية المطاف فالعبرة بالخواتيم ولا تجعلوا الغضب يسيطر على عقولكم أيها الزعماء وبالنسبة للاعبين هناك جهاز فني وإداري على اعلى مستوى فقد شاهدوا واستمتعوا باللعب فقط وساندوا

[abooodee2006]

إقتباس الرسالة الأصلية كتبت بواسطة أسياحي هؤلاء اللاعبون هم من أفرح سنين وجعلك مرفوع الرأس هؤلاء هم من جعلك نادي للقرن وساهم في المحافظة على مكتسباتك هؤلاء هم من جعل الشركات الراعية تتهافت عليك هؤلاء هم من قدم كل جهده لجعلك في الصدارة هؤلاء هم من جعل عيون الخصوم لا تنام !! هؤلاء هم من جعل الجوائز تتهافت عليك لا تقسون بالنقد فخساراة مباراة ديربي لا تعني نهاية المطاف فالعبرة بالخواتيم ولا تجعلوا الغضب يسيطر على عقولكم أيها الزعماء وبالنسبة للاعبين هناك جهاز فني وإداري على اعلى مستوى فقد شاهدوا واستمتعوا باللعب فقط وساندوا

هؤلاء هم من جلب لي الضغط يوم 31-12-2009 بسبب برودهم الزائد اذا كنت لاتعلم ياعزيزي

وهؤلاء ان جلبوا امجاد فهي لهم ان لا اتعدى كوني مشجع محب للزعيم وحب الزعيم حب دنيوي ولن اجني من ورائه شيء

فكل هؤلاء اللذين نسبتهم لي افتخر بهم وامجادهم فخر لهم ليس لي منهم الا انا اقول انني مشجع للزعيم وهؤلاء هم من يلعب للزعيم فأمجادهم تسطر لهم وليست لي

ونحن عندما ننتقد فإننا ننتقد بمنتدى خصص لطرح ارائنا والامر لايعدوا كونه فضفضه والجهاز الفني والاداري مكملين لبعضهم البعض ولايمكن ان يصغوا لنا ولكننا نجتهد ونحاول ان نطرح اراء وافكار كي نتشارك بها في رقي زعيمنا

الف شكر لك اخي

[@ فهد @]

ياكثر مانكتب وانا اخوك في هالمنتدى

لكن لاحياة لمن تنادي

اللاعبين فالينها ولافكرونا فينا بعد المباراة

ولا واحد طلع يعتذر عن هالمستوى

[هلالي 1977]

الكلثم ما اعتقد انه فيه زود لو اخذ والا ما اخذ

[الجهني99]

يااااااااااااااااسر لااااااعب مهااااااااااااااررررري

ويلي شكله مرهق ام حسن خيرات ياليت يشيلونه

[CAFU]

السلام عليكم ورحمة الله وبركاتهـ وبعـد،،،
للتـذكيـر فـقـط ( الهلال لعـب حتى مباراة النصـر 15 مباراة ولم يخسـر إلا في الجولـه الأخيـره )

لازال في المـركـز الأول بفـارق عن المركز الثانـي ( 4 ) نـقـاط ..

اتمنـى بأن ردي هاذا ما يزعـل احـد
احياناً الشخص ما ودة يدخل المنتـدى بسبب بعض المواضيـع إلي تطفش الواحد..

لأن اللـوم عنـدنا يأتي بشكل سريـع والمطالبـة وبـدون تـفـكيـر بالتنسيـق أو الإعـارة لخطأ بعض اللاعبين
إلي الأنـديــة تتمناهــم ولـو لنصـف موسـم

نأتـي لـموضوع ( المفاطيــح ) ..
يالغـالـي اللاعبيـن بشــر مثلي ومثلك وليـس هـم لاعبيــــن يلعبـون بـ الـبلاي ستيشــن نتحـكم بهـم في الليجـااا
بطاقاتهـم حتى نهايـة الموسـم وبنفـس الرتــم..!

لابـد من الجميــع بأن يـدرك أن الزعيـم ماكان بيــومـه ( أجـل لـو كناا لا سمـح الله مثل الجار 6 سنـوات لم يذقون
لا طعم الفـوز ولا طعـم البطولـه وش راح تسـون )

وفي الآخيــــر:

واتمنـى البـعض بأن من يطالب بأن يلعب فلان ويريـح فلان في دكة الاحتياط يكـون مدرب بـدلاً من جريتـس وينـزل
اللاعبيـن إلي يرغب بهــم ويريـح نفسهـ ويريـــح المنتــدى

قبـل يمكـن 7 شهـور كان نامـي والغـامدي وغيرهـم البعض يطالبهـم بالتنسيـق نهائياً والآن لماذا
لا يلعـب نامـي ويريــح الـزوري وياسـر

[abooodee2006]

إقتباس الرسالة الأصلية كتبت بواسطة CAFU السلام عليكم ورحمة الله وبركاتهـ وبعـد،،، للتـذكيـر فـقـط ( الهلال لعـب حتى مباراة النصـر 15 مباراة ولم يخسـر إلا في الجولـه الأخيـره ) لازال في المـركـز الأول بفـارق عن المركز الثانـي ( 4 ) نـقـاط .. اتمنـى بأن ردي هاذا ما يزعـل احـد احياناً الشخص ما ودة يدخل المنتـدى بسبب بعض المواضيـع إلي تطفش الواحد.. لأن اللـوم عنـدنا يأتي بشكل سريـع والمطالبـة وبـدون تـفـكيـر بالتنسيـق أو الإعـارة لخطأ بعض اللاعبين إلي الأنـديــة تتمناهــم ولـو لنصـف موسـم نأتـي لـموضوع ( المفاطيــح ) .. يالغـالـي اللاعبيـن بشــر مثلي ومثلك وليـس هـم لاعبيــــن يلعبـون بـ الـبلاي ستيشــن نتحـكم بهـم في الليجـااا بطاقاتهـم حتى نهايـة الموسـم وبنفـس الرتــم..! لابـد من الجميــع بأن يـدرك أن الزعيـم ماكان بيــومـه ( أجـل لـو كناا لا سمـح الله مثل الجار 6 سنـوات لم يذقون لا طعم الفـوز ولا طعـم البطولـه وش راح تسـون ) وفي الآخيــــر: واتمنـى البـعض بأن من يطالب بأن يلعب فلان ويريـح فلان في دكة الاحتياط يكـون مدرب بـدلاً من جريتـس وينـزل اللاعبيـن إلي يرغب بهــم ويريـح نفسهـ ويريـــح المنتــدى قبـل يمكـن 7 شهـور كان نامـي والغـامدي وغيرهـم البعض يطالبهـم بالتنسيـق نهائياً والآن لماذا لا يلعـب نامـي ويريــح الـزوري وياسـر

بالعكس اخوي احنا مانزلنا مواضيع وشاركنا بالمنتدى عشان نزعل من احد

اما بخصوص انه ماودك احيانا تدخل المنتدى بسبب بعض المواضيع فوالله ياخوي انه مانزلت هالموضوع عشان امجد من لايستحق التمجيد من يثبت نفسه يستحق المديح ومن يهبط مستواه اتمنى له دكة الاحتياط ولم اطالب ولا استطيع ان اطالب بتنسيق او ابعاد اي نجم من نجوم الهلال فكلهم مكملين لبعضهم

انا معاك بنقطه انه ماهم بالبلايستيشن وعلى ماعتقد ولانادي سعودي بالبلاي ستيشن بس اللي اقصده انه ثقلين مرررة كنهم ضاربين بالمفاطيح ونازلين الملعب واحنا نبي السبب 10 لاعبين ماهم بيومهم ليش؟؟؟


اما بخصوص اننا نريحك فوالله ما اتمنى الا انه اكون بمكان جريتس لمباراتين كلن يتمنى انه يكون مدرب لنادي القرن واعيد واقول المنتدى لطرح افكارنا وليس لكي نأتي على اهواء البعض لان ذلك سوف يغضب البعض الاخر


نامي الكثير طالب بابعاده وانا لا اطالب بأن يكون دائما اساسي ولكن اريد ان يأخذ فرصته كما أخذها امام المنتخب الايراني وهي مباراته الاولى مع المنتخب واستحق فيها لقب افضل لاعب

اما الغامدي فلا اعتقد ان هنالك عاقل يطالب بابعاده عن الهلال

تقبل تحياتي ونورت الموضوع