[خــــالـــد]

بسم الله الرحمن الرحيم

اولا احب ارحب فيكم واشكركم وابي وجهات نظركم عن اقتراحي الي ما طلع الا من معاناه الكثير من الجمهور الي يشتكي من هالاساليب ,

من اهانه وضرب وتجريح وشي مكبر والدعوه كلها مشاهدة مباراه الهلال

بالنسبه لي انا معاد صرت احظر مباريات الهلال بسبب طريقة رجال الامن واليوم في احد المواضيع شخص يهان بالكلام والمصيبه رجل الامن يقول قول انا عمك والنصر عالمي وكلام تافه يدل على نقص عقله
وكل هذا علشان حظر علم برازيل ياخوي شوف علم الارجنتين بجمهور الاهلي وعلم البلجيكي في بريده والعلم المصري بجمهور الاتحاد
شمعنى جمهور الهلال الي بالرياض ممنوع لانه اكبر قاعده جماهيريه والله عجايب

والله راح نخسر الكثير من جمهور الهلال بسبب هالتفاهات من رجال الامن

لكن الي ابي اوصله انا كاحد جمهور الهلال من يحميني من هالاشكال من ياخذ بحقي منهم

الجواب لا احد


اليوم حاب اقترح على الاداره

ان يكون توضف عدد من المنضمين من رجال الامن خاص بنادي الهلال وتعطيهم مكافئه عن كل مباراه

مهام رجل الامن الخاص بنادي الهلال هو التواجد بالمدرج
ثانيا التواجد على اطراف الملعب
تنظيم الدخول الى المدرج وليس الى الملعب

اما التفتيش على الجمهور يكون باختصاص العسكري الي شايف نفسه علينا وباقي الامور على رجال الامن الخاص بنادي الهلال

الفايده المرجوه من هالفكره

اولا حسن التعامل
ثانيا تعاون جمهور الهلال مع رجال الامن الخاص بنادي الهلال
ثالثا زيادة توافد جمهور الهلال على المباراه والنفس مرتاحه


هذي وجهة نظري اتمنى اذا تحتاج الى تطوير قولو واذا هي خطاء تكلمو واذا صح ساندوني

وشكرا لكم