[طبيب فاهم]

بسم الله الرحمن الرحيم

حقيقه احببت ان اشارك في موضوعين لاحظتهم في الفتره الاخيره

الاول هو ماقامت به موبايلي بوضع صور لاعبي الهلال على الاسوار وهي حقيقه لافته رائعه منهم

وخصوصا انهم لم ينسوا الجيل القديم ووضعوا بعض الصور ولكن عتبنا نحن الهلاليين ان الهلال

لايمكن انا يختزل بكره القدم فنادينا اكبر واشمل وكنت اتمنى ان نجد صور للاعبي الالعاب المختلفه

ولو كان لاعب مميز واحد من كل لعبه سوف يكون شي رائع بعدم حصر اسوارنا بكره القدم

وابضا كنوع من التقدير لابطال الالعاب المختلفه ويكفي ان هناك ابطال مظلوميين اعلاميين

فمن غير المقبول ان يتم ظلمهم حتى في اسوار النادي !!!!!!!!!!!

----------------------

الموضع الثاني موضوع خالد عزيز اللي اصبح موضوع الشعب الهلالي بكل اطيافه

للاسف الموضع اخذ اكبر من حجمه وضخم وللاسف التضخيم الحاصل لم يساعد على حل المشكله

ولن يساعد على حلها في القريب العاجل . في السابق الهلال كان يحل مشاكله بشكل داخلي وبهدوء

وببعد الاعلام والجمهور ولكن الشفافيه اللي صايره سببت ضغط على الكل على اللاعب والمدرب والاداره .

فااللاعب يرى انه متابع بكل صغيره وكبيره صحف ومنتديات وقنوات وهذا مسبب ضغط عليه

والاداره الان امام وضع محرج باانها يجب ان تطبق النظام على الكل وماتستثني اي لاعب

وهي من اوقع نفسها في هذا المطب لو تم وضع الامور بشكل سري وبعيد عن الكل

كان تم عقاب اللاعب وممكن ايضا الغاءه ومااحد انتبه ولاعرف لكن الشفافيه الزايده الان ورطتنا جميعا

ولااسف واضح ان القضيه الان مالها حل وفي النهايه نهايتها انهاء خالد عزيز .

اما لكل من يطالب بالنظام والالتزام بالتدريبات وغيرها فهي امور مثاليه وممتازه ونتمنى تطبيقها

ولكن للاسف الاداره بقياده الامير عبدالرحمن بن مساعد تعمل بفكر احترافي مماثل للاوروبيين

مستمد من ثقافه الامير ومتابعته للكره الاوروبيه والمدرب نفس الشي

وبقيه الجهاز الاداري الان يتبعهم في التطبيق ولكــــــــــــــــــــــــــــــــن

خلونا واقعييين ومنطقيين لاعيبتنا مو محترفيين وراعيين سهر وعدم انظباط ومفاطيح وغيرها

ولايمكن بين يوم وليله نغيرهم لو ايش المسأله تجي بالتدريج

نعم نطبق العقاب على اللاعب لكن ايضا مانمشي خلف كل شي يقوله المدرب

المدرب جاي من ثقافه اوروبيه ولاعبين اوروبين ومايعرف ربعنا ولعيبتنا

وحتى نكون منطقيين وواقعيين ومو مثاليين فقط على الورق لو النظام هذا مطبق بشكل فعلي

كان ماشفتوا لا ثنيان ولاغشيان ولا سامي الجابر ولاتيماوي والقائمه تطول

واي واحد متابع الهلال من سنين يعرف الحقيقه هذي ؟

ومو على الهلال فقط بل حتى على باقي الانديه الاتحاد فيه محمد نور .......

نعم هذي الحقيقه

هل انتقد النجوم ؟ لا لكن لايوجد احد كامل والتاريخ مايكذب

لو اننا مطبقيين الانظمه المثاليه الاوروبيه لخسرنا لاعبين امتعونا وحققوا لنا بطولات

ولخسرنا لاعبين اصبحوا اساطير في رياضتنا

في السابق كان النجم عندما يخطيء يطبق عليه عقاب مايمديه يوقع الا ملغى من عضو شرف

والان الاداره الحاليه تبي تطبق النظام بكامل حذافيره وتخلي اللاعب مايلعب لشهور تنفيذنا لكلام المدرب !

مافيه حل بالنصف ابد ؟

لاعبينا واحنا نعرف عقلياتهم وتفكيرهم واحنا ابخص من جيريتس ونعرف كيف نطبق النظام

ونخليهم يتبعون الانظمه بطرق مختلقه وتطبيق نظام جيريتس يجي تدريجيا مع الوقت مو بين يوم وليله

رايي ان ايقاف خالد عزيز تم لاهداف ساميه ومثاليه ولكنه خرج عن اطاره بسبب عدم قدره الاداره

على التعامل المرن مع احداثه ؟

ماهو الحل الان ؟ القضيه تسير في نفق مظلم ولااحد يجي يقولي ان اللاعب خسران وبكيفه !

اكيد اللاعب هو الخاسر الاكبر ولكن من يفهمه ؟

هذي هي عقليات لاعبينا ومو خالد عزيز لوحده

ايضا الهلال والكره السعوديه سوف تخسر لاعب مهم !

اتمنى ان الاداره تراجع نفسها وتجد حل ولو يكون عن طريق واسطه عضو شرف او زياره المؤسس !

وفي الختام اتمنى ان توصل فكرتي للامير عبدالرحمن بن مساعد

ان اصبت فمن الله وانا اخطأت فمن نفسي