[مشجع معتدل]

نعم .. اي تهور .. اي جنون ينتاب هولاء .. لقد شمروا عن سواعدهم .. وبداو بسلخ الزعيم..
اي جمهور انتم .. لاترحمون من يتهاوى او يترنح .. الا تاخذون باليد .. الا تداون الجرح .. يا حسرتاه عليك يالزعيم.. ماذا تريد تلك الاقلام التي سلت سواطيرها ..؟
وبدأت تقطع بالزعيم كيفما تشاء ..
قبل اسبوع اهداكم الهلال بطوله .. ماذا تريدون ....؟
كل البطولات .. كل شيء ..
لو كان غير الزعيم وبظروف الزعيم لخسر اليوم بكل سهوله ..
ماذا تريدون .. ان يفوز بكل شيء ..اين العقول .. هل لاعبينا مكائن ..لاتحس ولاتتاثر..
مدرب يسلب من كرسي التدريب .. ويرمى خارج البلاد ..
اذا كنا نحن الجماهير تاثرنا وغضبنا وزعلنا واقمنا الدنيا ولم نقعدها حتى الان ..
فما بالكم بلاعبين كان يعيش بينهم كوزمين ..يوميا .. اتريدونهم يخلعون قلوبهم ونفسياتهم ولا يتاثرون ...
اي عقول نفكر نحن .. جميل ما اعطوه رغم ما مر بهم من ايام وليال صعبه ..
لماذا نكون عون عليهم ..؟ لماذا لا نقف في صفهم .. ؟
ندعمهم .. هل نكون نحن والزمن عليهم ..
رفقا بهم رفقا بنادينا ... فكم من شامت بنا ..
فلا نزيد الطين بله..
فلنقف ونشجع ونكف اقلامنا ولو لنهاية الموسم ....
يكفي ماهم به من ظروف ونزيدها صعوبة عليهم ..
سر يا ابا فيصل ونحن معك ..
فنحن نعلم ما يمر بالفريق من ظروف...
لو مر بها اي فريق لانهار بكل سهوله ...
سيروا اخواني اللاعبين ولا تهمكم تلك الاقلام ..
التي لو كان فيها ذرة حب للزعيم ..
لقدرت تلك الظروف التي تمرون به ..
عذرا احبابي لقد ساءني ما يكتب من مواضيع وكأن الهلال خرج من بطولة اسيا.....
عذرا مرة اخرى للجميع ....

[Webmaster]

بالله ما تسمع نفسك؟

تبيني أقول لك: ايه، يحق لك تزعجني "وقف مع فريقك، احضر المباريات، بس يا ويلك تنتقده" بس لأنه بزعمك تكرم علي بفوز على الرائد وأبها والوطني وأشباه الفرق ذي؟

لا كثر الله خيرهم!

من سنين مزعجينا، الآسيوية والآسيوية، ويوم جاء دوري الأبطال (وذي حط تحتها ألف خط) تقول لي كثر الله خير الهلال اللي تعادل بين "أرضه وجمهوره" قدام فريق ترتيبه "السادس" في الدوري الإيراني؟

هالعقلية هي اللي خلتك تضيع وقت قدام الوحدة الإماراتي يوم كوزمن فيه (عشان ما تقعد تحتج بسالفة طرد كوزمن).

وش ناقصهم؟

النادي نادي بطولات، يعني اللعيبة مرتاحين مو كأنهم يلعبون مع نادي سكة، وجماهريته تجاوزت حدود المنطقة، ومدعوم بما يقارب الميتين مليون، ويقف وراه أعضاء شرف ما يتهاونون عن القيام بما ينفع النادي، وتشكيلته مطعمة بنجوم دوليين ... وتجي تقول "ارفقوا عليه الضعيف"؟

وإذا على ضرب الأمثلة، فممكن أذكر لك نفس القصة اللي صارت مع مليون نادي، تعرضوا لظروف وانتصروا ... يعني لا تقعد تتكلم وكأن الفريق ما كان مطالب بغير التعادل!

إذا خسر قدام الاستقلال، قدام صبهان، قدام برسوبلس، بأقول لك أوكي يمكن! (ولو أني مو مقتنع خصوصاً لا صرت تلعب بأرضك)

بس قدام فريق من أندية الوسط وما تأسس إلا قبل أقل من 8 سنوات؟

والله خلاص، ملينا من أسطوانة كوزمن، ورانا مليون شغلة أهم، يعني بتفهموننا أننا لازم نتنازل عن كلش بس لأن كوزمن راح؟

راح باكيتا اللي كانوا يسمونه "الداهية" والبطولات ما تزال في الجيب، وإذا على سالفة أن اللعيبة متأثرين برحيل كوزمن ... فبصراحة ذي ينلامون عليها مليون مرة!

ذا لاعب محترف، قاعد معك بعقد، مو فريق حواري جايين يفرقون وكل واحد يروح مع خويه!

لامبارد توفت والدته وقاعد يقدم أفضل عرض له من سنين، ودروغبا من سيء لأسوأ بس لأن عقله لا يزال معلق بمورينيو.

كأس دوري الأبطال طعمه ما راح يصير أمر لمجرد أن كوزمن مو جنبك يا اللاعب عشان تشيله، فأرجو أن يتم التركيز على الأهم ويتم تلافي الأخطاء في أقرب فرصة ممكنة عشان لا نقعد نعزي أنفسنا بكؤوس مثل "كأس الأمير فيصل" و "كأس ولي العهد" و "الدورة التنشيطية لمهرجان رجال ألمع" ... ومن ثم نجي وبكل سفاقة عشان نقول: "حنا زعمااااااااااااااء نصف الأرض"

هزلت ...

[صــوت أزرق]

^
^
^
^
^

إقتباس هزلت

..
شكل تعبان على كلمة هزلت هذي ..؟!!
.
.
وربي ان كاتب هالموضوع صااادق بكل كلمة ..!!
.
.
وآخر ناس تنتقد اللاعبين هم اغلب الجمهور ...!!
.
.
جمهور ماتسمع الا صوت الفصفص والا اذا جاء هدف ..؟!!
.
.
والله كان المباراة في ايران مو بالرياض ..!!
.
.
لما يؤدي الجمهور دوره بالوقت هذاك يحق له ينتقد اللاعبين ..!!
.
اما غير كذا (( نو وي )))

[Lover Sami]

شكرا لك ،
و ابغى 100 مشجع هلالي مثلك و أضمن ان الامور راح تكون الافضل في قادم المباريات بإذن المولى ،
للإسف بعض جماهير الزعيم الحالية لا تفقه في ثقافة الكرة أي شي .. لا تعرف الا طريقة الاطفال
آما الفوز آو كل الناس وع

[مكتوب الهلال]

بارك الله فيك أخي الكريم

وموضوعك محله الصفحه الاولى

للرفع ،، ورزقي على الله

سلآما

[J A R ! 7 H]

من....نحن نظلم الزعيم
ليس الاعيبه يحملون ان لم اقل التعادل فساقول الخسارة
نحن الجمهور الهلالي يحمل على عاتقه التعادل الذي لم يحضر الموج الازرق وخيب امال لاعبيه وللاسف
::/// سبحان ربي الي خلقني بنت لاكانت ولد لاساندت الزعيم

[**ılı. هلآليًة آلمشــآعرٍ .ılı**]

مشكور ع الموضوع الرائع

والزعيم محتاج لدعم جمهوره حرام يكون الاتحاد السعودي والظروف والجمهور الهلالي ضده

الله يوفق زعيمنا وان شاء الله يكون الفوز في باقي المباريات من نصيبه

[اكرلك]

الموضوووووووووووووووووووووع هذاااااااااااااااااااااااااااااااااااااااااااااااااااااااا لازم يكون دايم فوووووووووووووووووووووووووووووق

[*تـَمَـَيَـَمَـَ*]

يـــا هلال روح والقــلب داعـــي لك

[مسك الختام1]

المرشدي من مباره النصر وهو ماش


واسامه افضل منه


الفريدي نجم واخراجه خطاء


نظر لضعف الاحتياط


وخروج التايب افقد الهلال خطورته


هذه ليست مباره الصويلح


كان يجب ان يلعب سول


ونزول الغامدي وتقديم رادوي خلف المهاجمين


وخروج الزور ي خطاء في ظل تهالك مستوي المرشدي

الي نكبنا مع النصر


ثم الشباب ناقص ويجب هدف من عنده


واخرتها ضد فريق ايران الذي انقذها العملاق اسامه


الهلال اذا خرج الفريدي يظعف


ويضيع ياسر

الفريدي افضل من يلعب مع ياسر


وخلفهم ولي ورادوي

وخلفهم التايب والغامدي

والاتحاد سيحقق الكاس اذا كان هذا مستوي الهلال بلاروح


وياسر ماذا تفعل في الامام

[**نواف للأبد**]

والله انكـ صادق بكل كلمة قلتها

صحيح الفريق ماقدم المستوى المطلوب لكن وش راح يفيد التجريح والتطنز بلاعبيننا

الجمهور حضورهـ لابأس فيه لكن التفاعل وين ؟؟؟

الاتحاد اليوم قدم درس في الروح وعدم اليأس وفوق كذا جمهوره اعطى درس في مساندة الفريق وعدم اليأس بعد هدف الايرانيين

مو عيب اننا نستفيد من الاتحاد او من اي فريق لكن العيب اننا نجلس على النت ونقعد نحش في اللاعبين مع اننا ماقدمنا الشيء اللي

نحس انهـ يحق لنا انتقادهم

الاسبوع الجاي الزعيم راح يلعب في اوزباكستان ,, فكروا باللي نقدر نعملهـ لنساعد اللاعبين في الخروج من هالاحباط اللي اصآبهم

بعد طرد كوزمين وتعادل الشباب وتعادل اليوم

اكرر ما اقولهـ دائما لاعبي الهلال بدون جمهور الهلال لايسوون شيء وجمهور الهلال بدون لاعبي الهلال لايسوون شيء

يعني كلنا مكملين لبعض خطأنا راح يأثر عليهم وخطأهم راح يأثر علينا

[جدعان]

اصلا كنت متوقع الهزيمه وموب التعادل بس الفريق بدون مدررب!!

واللاعبين يمرون بظروف صعبه قبل الاسيويه بأسبوع يقال المدرب والحين يلعبون بمدرب مؤقت والله اللي يصير للهلال لو يصير لأي نادي في العالم اكيد بيتراجع مستواه فتره بسيطه لحد ما تتلملم الاوراق

بالتوفيق للهلال وانا متفائل بأذن الله بالتأهل والمنافسه على اللقب


**الله لايوفق المنتخب

[Webmaster]

أفهم من كلامك أن مبارياتنا بنخسر فيها لمجرد أنها خارج أرضنا؟

يعني دام الجمهور ما يمديه يحضر خلاص، ما على اللعيبة عتب؟

ما أقول إلا سلم لي على الأرسنال بس ... فريق فعلاً الظروف ضده، وفي مباراة حاسمة خارج أرضه يفوز!

وناس عندهم إذا ما حضر 70 ألف فتراك أنت السبب ليه الدعيع ما عرف يمسك كورة الإيراني!

أجل نوقف مع اللعيبة؟

رفع ضغط وأعصاب وحضور فعلاً لا يستهان به (قارنه بحضور الفرق الأخرى) ولعيبة عالميين ودعم مادي كبير وإدارة متفهمة ... وش ناقصهم؟ شابورة وترمس شاهي؟

عقود بالملايين وفي الأخير اللاعب يلعب وكأن ما له نفس!

اللي يقهر أن ما فيه إلا لاعبين ثلاثة هم اللي حرقوا أعصابي بهالمباراة ... لكن هالتطبيل لهم وللبقية (واللي ما أدوا لهالدرجة) يخليك تحس أن الدعوة بس عناد ... طبل وإلا تراك ما تدعم الهلال!

[السا20حر]

يعطيك العافيه هذا الكلام والا الصمت افضل



عجيب امر جماهير الهلال يبون الفريق مكينه كل مباراه لازم يفوز


هذا الفريق الملكي ريال مدريد خسر برباعيه كبيره


تناقض كبير وهجوم على ياسر والفريدي بشكل عنيف نسيتوا كوره الفريدي لياسر امام الاتحاد في جدة اللي جابت الدوري يومها مجد الجمهور ياسر والفريدي واليوم صاروا فاشلين ومكانهم الطبيعي دكه الاحتياط!!!!!




اقول الاسيويه يبيلها وقفه رجال سواء لاعبين وجمهور ونكون على قلب رجل واحد

[مفتش هلالي]

كلنا نعشق الهلال احنى ننتقد لعيبة الهلال ومدربه من حبنا في نادينا الكبير

والجمهور اليوم مايلام من زمان ينتضر هذي البطوله ونضهر بهالمستوى الهزيل شي يقهر