[دوق فليد]

السلام عليكم ورحمة الله

أنا شاهدت مقابلة القناة الرياضية مع وجه السعد الأمير نواف بن سعد واللي في نهاية البرنامج وجه وبالحرف الواحد نداء لإخواننا الهلاليين في الرياض بالحضور المكثف

نفس النداء وجهه قبل كذا الأمير عبد الرحمن بن مساعد والأسطورة سامي الجابر ولكن للأسف في كل مرة تجي الصدمة بالحضور القليل مع أننا نشكر القلة الذين تواجدوا

للأسف بعض الإخوان يتحججون بعدم الحضور بأن الهلال يلعب في الرياض أكثر من 11 مباراة بينما في جدة أو الشرقية أو مكة لا يلعب سوى مباراتين لذلك هلاليين المناطق الأخرى يحضرون بكثافة

الغريب أن العكس يحدث مع جماهير الأندية الثانية ولا نجد مثل هذه الحجة الغريبة

وبعض الإخوان يتحججون ببرودة الجو ومن هذا المنبر سنرفع طلب بوضع دفايات في الملعب ( أجل كيف لو كان الجو مثل دول بعض مدن أوربا ثلوج ومع ذلك الجمهور كثير )

آخر حجة طلعت في الأيام هذه هي حجة الإختبارات وبعضهم يقول ما أبغى أضيع مستقبلي فهذا شيء غريب وكأن اللي يحضر مباراة راح يسقط

يوم مباراة الهلال مع الأهلي الماضية كان عندي اختبار الكترونيات ومع ذلك أول ما خلصت الاختبار قبل المغرب على طول على الملعب لأنه كلها ثلاث أربع ساعات اعتبر أنك رحت مطعم فول وطلبت قلابة عشان تسطل كم ساعة

بغض النظر عن الهلال اعتقد أن بعض الأخوان عنده أزمة تنظيم وقت وما يحصل يذاكر إلا في يوم الإختبار وهذا شيء غريب كيف يقدر يفهم في يوم اللي نجلس احنا ترم كامل نفهمه إلا إذا كان جالس يحفظ الأجوبة والذاكرة الفورية عنده ضعيفة يعني التخزين كم ساعة فهذه مُشكلة وبلشه وكان الله في عونكم

وفي الأخير نعتذر من سمو الأمير عبد الرحمن بن مساعد على الحضور الضعيف ونتمنى أنه ما يزعل


بالمناسبة الأيام هذه المواضيع اللي تنتقد سول كثير وتذكرني بالمواضيع اللي كانت تنتقد ويلي
يا اخوان أصبروا والنقد يكون بروية وتدبر

والسلام

[فـ11ـالكون]

أهم الشئ ما تضيع الصلاة يا أخواني

[دوق فليد]

إقتباس الرسالة الأصلية كتبت بواسطة فـ11ـالكون أهم الشئ ما تضيع الصلاة يا أخواني

كلامك صحيح أخوي فالكون أهم شيء الصلاة يعني ممكن الواحد يحضر ويصلي في الملعب

يعني هل تتوقع أن اخواننا ما يحضرون بسبب أنهم يبغون يصلون في مسجد مُعين ؟؟

[الدوسري عز وشرف]

والله هذي مشكلة اهل الرياض بس حيا الله الزعيم عندنا بالشرقية حتى لو مرة بس تسوى الملايين عوافي ياخوي على طرحك

[دوق فليد]

إقتباس الرسالة الأصلية كتبت بواسطة الدوسري عز وشرف والله هذي مشكلة اهل الرياض بس حيا الله الزعيم عندنا بالشرقية حتى لو مرة بس تسوى الملايين عوافي ياخوي على طرحك

أخوي الدوسري الله يعافيك

حتى اخواننا جالسين يدورون أعذار جديدة ومنهم محمد الهلالي وكمان موضوع مثبت يقول بأن جمهور الرياض يتعرض للضرب والتلطيش عشان كذا ما يحضر !!

تبرير حلو خلاص معذورين يا جمهور الرياض ولا تحضرون نهائياً أي مباراة أحسن عشان لا تنضربون وتتلطشون مثل ما قال الأخ محمد الهلالي

لا تحضرون إلا بعد ما نجد حل للمشكلة هذه من محكمة العدل الدولية ومن الأمم المتحدة وإلى أن تنحل المُشكلة نطالب بنقل مباريات الهلال إلى جدة أو حائل أو الشرقية إلى أن تنحل جميع مشاكل جمهور الرياض

[القنــــ309ـــاص]

إقتباس الرسالة الأصلية كتبت بواسطة دوق فليد أخوي الدوسري الله يعافيك حتى اخواننا جالسين يدورون أعذار جديدة ومنهم محمد الهلالي وكمان موضوع مثبت يقول بأن جمهور الرياض يتعرض للضرب والتلطيش عشان كذا ما يحضر !! تبرير حلو خلاص معذورين يا جمهور الرياض ولا تحضرون نهائياً أي مباراة أحسن عشان لا تنضربون وتتلطشون مثل ما قال الأخ محمد الهلالي لا تحضرون إلا بعد ما نجد حل للمشكلة هذه من محكمة العدل الدولية ومن الأمم المتحدة وإلى أن تنحل المُشكلة نطالب بنقل مباريات الهلال إلى جدة أو حائل أو الشرقية إلى أن تنحل جميع مشاكل جمهور الرياض

اما لو ينقلونها فله
تحياتي لكاتب الموضوع،،

[دوق فليد]

إقتباس الرسالة الأصلية كتبت بواسطة القنــــ309ـــاص اما لو ينقلونها فله تحياتي لكاتب الموضوع،،

الله يسلمك ويبارك فيك اخوي القناص

أنا أبغى أكمل سهر إلى الساعة ستة عشان أصلى الفجر ثم أرجع البيت وأضربها نومه إلى الظهر

[abu_david]

كلامك صحيح

وعجبني تعليقك (اعتبر أنك رحت مطعم فول وطلبت قلابة عشان تسطل كم ساعة)
عموما ان شاء الله اللي ما يبغى يروح الملعب على الأقل لا يقدم اعذار عشان لا يثبط همة غيره اللي يبغى يروح..

[دوق فليد]

إقتباس الرسالة الأصلية كتبت بواسطة abu_david كلامك صحيح وعجبني تعليقك (اعتبر أنك رحت مطعم فول وطلبت قلابة عشان تسطل كم ساعة) عموما ان شاء الله اللي ما يبغى يروح الملعب على الأقل لا يقدم اعذار عشان لا يثبط همة غيره اللي يبغى يروح..

هذه هي المُشكلة والله في اللي يخترعون أعذار جديدة شفت كيف إنهم فرحوا بموضوع محمد الهلالي وطاروا فيه وكأن الهلال هذا هو اللي ناقصه هذه الأيام بأنهم يحصلون عذر عشان ما يحضرون

مع أن حكاية التلطيش من الأمن هذه أول مرة نسمعها والدليل دور في المواضيع القديمة في المنتدى ما تحصل أي أحد جاب طاريها إلا اليوم من أبو الشباب اللي اسمه محمد الهلالي !!

[رحيم المنشاوي]

إقتباس الرسالة الأصلية كتبت بواسطة دوق فليد أخوي الدوسري الله يعافيك حتى اخواننا جالسين يدورون أعذار جديدة ومنهم محمد الهلالي وكمان موضوع مثبت يقول بأن جمهور الرياض يتعرض للضرب والتلطيش عشان كذا ما يحضر !! تبرير حلو خلاص معذورين يا جمهور الرياض ولا تحضرون نهائياً أي مباراة أحسن عشان لا تنضربون وتتلطشون مثل ما قال الأخ محمد الهلالي لا تحضرون إلا بعد ما نجد حل للمشكلة هذه من محكمة العدل الدولية ومن الأمم المتحدة وإلى أن تنحل المُشكلة نطالب بنقل مباريات الهلال إلى جدة أو حائل أو الشرقية إلى أن تنحل جميع مشاكل جمهور الرياض

كلام محمد الهلالي سليم 100%


ومب عذر لعدم الحضور ، لكن لوصف معانآة جماهير الهلال في الرياض ...


أجيب أقرب مثال أمس بين شوطي مباراة الهلال والشباب طلعت بآخذ لي 2 شاهي لي ولخويي تدفينآ في ذا البرد


والله العظيم والله العظيم والله العظيم

شفت العسكري اللي ع البوابة يرجع الناس اللي معاهم الشاهي والعصيرات يقول آشربو برا وآدخلو بدونهآ ...


قلت بأستأذن منه لأجل آدخل شاهي خويي والا آنا بآشرب برى ماعندي مشكلة



جيته السلام قالي هلا !!!!


قلت أبغي آخذ 2 شاهي لي ولخويي شفه هناك

قال لا آشربهآ برى وآدخل ..

قلت يارجال كله الا شاهي << وآنا آتضحك ومسوي بآحرجه


قال ماعندي الا هذي << جهاز الصعق الكهربائي


ويضربهآ قدام وجهي


والله ثم والله إنه كشح البرق مدري وشهو في وجهي آنا قلت الله لا يعيده شاهي


قلت آجل دامهآ معك ماراح آقربك


وطلعت وشربت برى وعقب دخلت وقلت لخويي السالفة قال ما آبغي شاهي << خواف



ولو آقعد آقولك اللي يصير للي آعرفهم بس مب اللي ما آعرفهم وآشوف وش يصير فيهم ماقلت هذا عذر


لكن اللي مامر بهالشيء من حقه يتريق ويقول كذابين

[دوق فليد]

إقتباس الرسالة الأصلية كتبت بواسطة رحيم المنشاوي كلام محمد الهلالي سليم 100% ومب عذر لعدم الحضور ، لكن لوصف معانآة جماهير الهلال في الرياض ... أجيب أقرب مثال أمس بين شوطي مباراة الهلال والشباب طلعت بآخذ لي 2 شاهي لي ولخويي تدفينآ في ذا البرد والله العظيم والله العظيم والله العظيم شفت العسكري اللي ع البوابة يرجع الناس اللي معاهم الشاهي والعصيرات يقول آشربو برا وآدخلو بدونهآ ... قلت بأستأذن منه لأجل آدخل شاهي خويي والا آنا بآشرب برى ماعندي مشكلة جيته السلام قالي هلا !!!! قلت أبغي آخذ 2 شاهي لي ولخويي شفه هناك قال لا آشربهآ برى وآدخل .. قلت يارجال كله الا شاهي << وآنا آتضحك ومسوي بآحرجه قال ماعندي الا هذي << جهاز الصعق الكهربائي ويضربهآ قدام وجهي والله ثم والله إنه كشح البرق مدري وشهو في وجهي آنا قلت الله لا يعيده شاهي قلت آجل دامهآ معك ماراح آقربك وطلعت وشربت برى وعقب دخلت وقلت لخويي السالفة قال ما آبغي شاهي << خواف ولو آقعد آقولك اللي يصير للي آعرفهم بس مب اللي ما آعرفهم وآشوف وش يصير فيهم ماقلت هذا عذر لكن اللي مامر بهالشيء من حقه يتريق ويقول كذابين

أخوي رحيم كيف حالك

حاشاك أنت واخوانا من الجماهير ما حد قال كذابين ولكن المُبرر ما له داعي أحيانا

واحد من الصومالية اللي يغسلون سيارة أخوي يشجع الإتيحاد مره قال لي أنه دائماً يذهب مبكراً إلى الملعب أيام مباريات الاتحاد ويرابط في الموقع عشان لا يضيع المكان عليه

وعندما سألته عن جمهور الاتحاد اللي يجلسون ساعات طويلة في الملعب كيف يقضون حاجتهم البيولوجية ( الله يعزك ) قال بأنهم يأخذون قوارير موية صحة معهم عوضاً عن الذهاب إلى دورة المياه ونت بكرامة

هي سالفة مقرفة وآسف إني أذكرها ولكن تبين لك كيف أنهم مخلصين للاتيهاد مو مثلكم عشان شاهي تتركون الحضور للملعب

شكراً اخوي ولا تزعل من المزح

[F.C.H]

إقتباس الرسالة الأصلية كتبت بواسطة الدوسري عز وشرف والله هذي مشكلة اهل الرياض بس حيا الله الزعيم عندنا بالشرقية حتى لو مرة بس تسوى الملايين عوافي ياخوي على طرحك

أقول على طـاري الشرقيه ما تخبر لي كاسر ولا شــامي هالاسبوع

[دوق فليد]

إقتباس الرسالة الأصلية كتبت بواسطة F.C.H أقول على طـاري الشرقيه ما تخبر لي كاسر ولا شــامي هالاسبوع

حياك الله اخوي

وعلى طاري البرد اللي يقولون عنه جمهور الرياض هل نزل ثلوج ولا برد فقط !!

>>> تكفى يا اللي عايشين في موسكو

[دوق فليد]

هلالي شرقاوي أنا شايفك متعلق في الموضوع نص ساعة ولكن بدون رد ولا شي !!

[™мя. sαяч]

ياهلا بالزعيم برض القصيم