دايم اسال نفسي .. ليش ..؟! - نادي الهلال السعودي - شبكة الزعيم

@ هلالي @ · #1 19/03/2011, 12:28 PM

السلام عليكم ايها الشعب الازرق العزيز ..
من النهاية وبدون مقدماات .. وتضييع وقت .. وظرافه مالها سنع ..

بصراااااااااااااااااااحه .. الموضوع في نقاط سريعه :

** جمهور الهلال .. والتشجيع الله بالخير .. (( ما ادري متى بيضبطون ))

يعني الجمهور ما تسمع له حس الا اول 30 دقيقه .. اذا سجل الهلال هدف .. ويصفرون اخر المباراة (( اذا صار الهلال متقدم بالنتيجه ))

والاغلبيه .. اللي قاعد يفصفص .. والثاني يقول الباقين يشجعون .. والثالث حاط رجل على رجل .. وما غير يسب الحكم واللعيبه ..

** الرابطه << صوتهم ما يتعدى 5 امتار ..
وما ادري ليش رابطة المشجعين مالهم اي تفاعل بالمنتدى .. ولا تواصل مع الجماهير ..
و لا عرض وتحديث لاغاني التشجيع .. ولا تحس اصلا انهم متحمسين ..
مع ان المفروض الرابطه تغني والجمهور يردد

صار واقع الجمهور سلبي على اللعيبه ..
الاعب يبي ناس تعطيه دفعه معنويه .. ما يبي ناس تقلبها نفسيه ..

انا متاكد صوت 10 الاف اتحادي .. سيغطي على 30 الف هلالي ..

لكن تكفوون .. يا جمهوور الزعيم .. غيروا النظام اللذي اثبته فشله من 3 سنوات .. واخرتها مبارة الاسيويه العام الماضي ..

نف ـاثة الهـــلال · #2 19/03/2011, 12:37 PM

إن شاء الله يغيرون التشجيع النايم
بالتوفيق للزعيم الهلالي

هلاليه زي القمر · #3 19/03/2011, 12:38 PM

لانه بكثافته وصمته يصير جمهور سلبي على الفريق

اول مايجي على الهلال هدف تدور الجمهور تلاقيهم موجودين لكن للأسف عالصامت وكانه مافيه والامشجع وهذا ما يسبب هزه لدى الاعبين

ارجع وشوف مباراة بونيدكور وشوف الجمهور لما زلزل الملعب وارجع وشوفهم مباراة ذوب اهان فرق شاسع

عشان كذا نطالب الجمهور بالتفاعل والتشجيع حتى لو تأخر الفريق بهدف صدقوني بيرجعون للمباراة وبيقلبونها فوز

اما اللي يجي ويجلس يتفرج ترا الفريق مو بحاجته يقعد بالبيت يتابع لانه عدم وجوده افضل من وجوده

عندك الانديه اليابانيه حتى وهم خسرانين يجشعون لانتهاء المباراة صراحه يعجبوني

بالتوفيق للزعيم في جميع مبارياته وان شاءالله نشوفهم عالمنصات في المركز الأول

يعطيك العافيه

هلالي فوق الجبال · #4 19/03/2011, 12:40 PM

الرابطة تحتاج الى تغيير , نبي قائد رابطة قوي لانه هو الاساس بالرابطة مثل حق الاهلي و الاتحاد

Ms. Star · #5 19/03/2011, 12:49 PM

نتمنى يغيرون البطاطي حنا اللي خلف الشاشات جانا النوم ~

أسير الزعامه · #6 19/03/2011, 12:55 PM

والله من جد , ملينــآ من البطآطي .. اللي لايودي ولا يجيب ..

صابر هلالي · #7 19/03/2011, 01:00 PM

صراحة رابطة فاشله وكلكم يازعماء تشوفون لماتجي الرابطة البحرينية كيف يصير التشجيع

واحد من جمهور الزعيم · #8 19/03/2011, 01:06 PM

كفو يابطل

صادق في كل كلمة قلتها للأسف

--------------

انا متاكد صوت 10 الاف اتحادي .. سيغطي على 30 الف هلالي ..

لكن تكفوون .. يا جمهوور الزعيم .. غيروا النظام اللذي اثبته فشله من 3 سنوات .. واخرتها مبارة الاسيويه العام الماضي

(( ياجمهور الهلال .. غيروا نظرتنا لكم .. شجعوا .. شجعوا .. لانريد سكوت و صمت حتى اذا تقدم الاتحاد ))

حسن8 · #9 19/03/2011, 01:19 PM

أنا أتحدآك ان جمهور الأتحاد راح يفووق جمهور الزعيــمم ..

والحضور والمؤازره وفي نهــآية المبارات نحتفل بالدوري

(( إن شــــــــاء الله))

رجل مهم · #10 19/03/2011, 01:29 PM

الموضوع تمت مناقشته سابقاً عدة مرات
يعني لاجديد
أشكرك أخي الكريم .. وارجو تقبل مروري بصدر رحب

حبك صعب · #11 19/03/2011, 01:44 PM

العيب مو في الرابطه

العيب في الجمهور

انا جلست مره عند البطاطي
و اقوله حمس الجمهور
مثلا صلح حركة الموج
و يقولي الجمهور ما يتفاعل

قلت طيب جرب و شوف

و الله يا شباب
ثلاث مرات يردد للجمهور
يبغى الجمهور يتفاعل معه بحركة الموج
ولا نشوف احد تفاعل الا جمهور يعد بالاصابع

بوقته التفت علي البطاطي و قالي شف
المشكله مو مني
المشكله من الجمهور ما يبغى يتفاعل

من الموقف هذا
الى هاليوم
صرت ما الوم البطاطي
لان المشكله مو منه
المشكله من بعض الجماهير اللي تجي للملعب من اجل الفرجه لا اكثر ولا اقل

عاشقة ميسي · #12 19/03/2011, 01:45 PM

انا عندي سؤال ليش جاي اذا كنت بتسكت شوفها بالبيت والله اصرف
نبي اللي يجي يتحمس مع المباراة
ونبي تستفزون لاعبين الاتحاد بس طبعاً استفزاز محمود انا صراحه ماسمعت مره جمهور الهلال يستفز او حتى يحفز الا اذا دخل ياسر
ياليت نشوف تشجيع بكرى

هلال البطولات 2011 · #13 19/03/2011, 01:49 PM

الرابطة تحتاج الى تغيير , نبي قائد رابطة قوي لانه هو الاساس بالرابطة مثل حق الاهلي و الاتحاد

تياقو نيفيز506 · #14 19/03/2011, 02:19 PM

اتفق معك اخوي ياليت يتعدل الوضع وان شاء الله بكرا نشوف التفاعل من اول دقيقه لين اخر دقيقه

FAI9AL_ 20 · #15 19/03/2011, 02:27 PM

اولا يعطيك الف الف عافية
ثانيا الملعب مايتملي الا في مباارة وحده في السنه ويجي ويكون طولل المباراة صااامت
فا ااكيد انه بيكون سلبي على العيبه بسس تخيل انا في كل مباراة للهلال يكون الحضوور فلل ومتفاعل مع المباراة
صدقني راح يكوون جمهوور ايجابي 100%
ثالثا شكرا...