تفاعلا مع قرارات ابو متعب التاريخية السامر يشدو بقصيدة رائعة بهذه المناسبة تحت عنوان (( خــادم بيـوت الله ))
بمناسبة القرارات الملكية التاريخية التي طاصدرها ملك الإنسانية ابو متعب اطال الله عمره وحفظه لنا ولبلادنا جادت قريحة الشاعر الكبير وعضو شرف نادي الهلال الأميرعبدالعزيز بن سعود بن محمد آل سعود (السامر) بهذه القصيدة الرائعة
كل ما يتطلع لقدسية هذا الوطن وشعبه الوفي أثلج صدره خطاب خادم الحرمين الشريفين وما تضمنه من حميمية التكافل والأوامر الملكية التي أثلجت قلوب الشعب وقلت:
حبيب شعب المملكه ماله امثال
خادم بيوت الله بفضل وفضيله
عبدالله اللي يوم قالوا وهو قال
يفرق عليهم بالحبال الطويله
يارد على الجمه بتوثيق الأعمال
ويعدّل اللي ما لقوا فيه حيله
أكبر هدايا دارنا راحة البال
وأمن وأمان ٍ ما يوصف مثيله
مردود رايه يبهج الناس بالحال
وأوامره في كل وقتٍ مهيله
تشرف به الحكمه على راس ماطال
عدله سبق في كل الاحوال ميله
عنده على كل الخطايا سعة بال
دينه على حل المشاكل دليله
حبيب شعب المملكه طيب الفال
طابت به نفوس العباد العليله
أكبر دلايل حبهم شوف الاقبال
منهم يزود بكل يوم ٍ وليله
ايترجم أقواله على الطول بافعال
أوامره مثل المطر بالمخيله
تمطر مراسيم ٍ على الدار همال
تنبت مصالح دار في كف جيله
يرفع بها الرجال راسه ويختال
ومن طاعة الخلاق يجني حصيله
أوامر ٍ من عاشها راح مهتال
ما جات من مدات كفٍ بخيله
هذا الوفا هذا الولا ما به اشكال
ما دام كل عيون شعبه تخيله
ابنك المخلص /عبدالعزيز بن سعود بن محمد آل سعود
شكرا لك ياشاعرنا الكبير ويستاهل ابو متعب هذا الحب والوفاء
الوضع العادي
