هنا النقد الهادف للقرارات الملكيه " القطاع الخاص - العاطلين - قروض البنوك) (مواضيع مدمجه) - نادي الهلال السعودي - شبكة الزعيم

دوست دارم · #1 18/03/2011, 03:05 PM

السلام عليكم ورحمة الله وبركاته..
الحمدلله والصلاة والسلام على رسول الله اما بعد ..

كلنا سمع المكرمة التي يتكلمون عنها وعن الاوامر الملكية .. التي يتغنى بها من لايعي ماهي حقيقتها..
لن اطيل بالكلام ولكن يؤسفني ان ارى النفاق والتطبيل بان الملك فعل العجائب واكرم الكرم الكبير..
بكل بساطه واختصار ..ا
شكر للملك عبدالله على الذي فعله فشئ أفضل من لا شئ..
هي كلمة كنت اتمنى اسمعها في المكرمة ولكن للاسف لم أسمعها ولم اسمع بها ابدا بتاريخ المكرمات..
وهذا الشي لا اقول انه نابع من سياسة جوع شعبك ...ولكن لعل وعسى انه لم يفطن احد لهذه النقطة المهمة..
والتي اعلم انه لو ملك الانسانيه علم بها لسارع بها حالا واضافها مع الاوامر الملكية ..
والنقطة التي اشير اليها هي القروض فكل مواطن سعودي اول راتب يستلمه
الراتب الثاني يكون قد اخذ قرض
يسد فيه الثغرات الهائله التي كانت في حياته قبل الوظيفه واولها اقتناء سياره تعينه على قضاء حوائجه
كل مواطن هنا عليه من الدين ماالله به عليم وقروض من البنك مهلكة والراتب مايقدر عليها وهو كامل فما بالك
لما يقتص من راتبك الفين شهريا واكثر..
كان من الاجمل ان يخصم نصف القرض ان لم يسقط كامل القرض عن الجميع..
هو هو الحال ونفس الوضع ماتغير واللي فرحانين بالزيادة الراتبين بتروح للبنك لانه يطلبنا دين ماله نهاية
يعني المكرمة منهم واليهم..
انا سعودي حبيت اشارك باحساسي بدون اي نفاق او مجاملة ليس هذا ماتمنيناه أو اردناه حقيقه..
شارفت على الثلاثيين ولا استطيع ان اجمع مهر للزواج وانا موظف .. فما بالك بالعاطلين..؟
اليكم التعليق والحوار مفتوح.

(اسير& المحبة ) · #2 18/03/2011, 03:22 PM

انا معترض على شغلتين الاولى المفروض الحد الادنى لرواتب الوظائف الحكوميه 5 الاف 3 الاف اش تسوي الحين ماتعيش عزوبي فما بالك واحد يبغى يتزوج ويبغى يفتح بيت الله يعين بس

الثانيه القطاع الخاص ماشملهم ولا شي يعني ماهو من زين الراتب ولا هو من زين الدوام وفوق هذا ماشملنا شي من الحكومه يعني ياادبر واسطه واخش وظيفه حكوميه يااني اتبهذل في القطاع الخاص على الاقل نبغى مكافاه مقطوعه ولا راتب شهر زياده مانبغى شهرين شهر على الاقل الله يعين بس

باسكن روبنز · #3 18/03/2011, 03:28 PM

من واجبات الحاكم يوفر الأمن والراحة والسعادة لجميــــع المواطنين

بناء وحدات سكنية ومستشفيات وغيرها ، هذه من واجبات الحاكم على شعبه .

( فئة القطاع الخاص )

أعتقد ربع الشعب السعودي يشتغل بقطاع خاص ؟؟ وين حقوقهم ؟

وهم يكرفون واحيانا ينذلون عند الاغنياء والاقطاعيين براتب الفين والفين وخمسمئة !!

الله لنا

كونتراتاك · #4 18/03/2011, 03:35 PM

والله صدقت

صحيح انها مكرمات لكن واجب عليه كأب يعطف على ابناءه ويعطيهم

الحمدلله على كل حال

عـمـآر بـآجـآبـر · #5 18/03/2011, 04:57 PM

والله من جد قرآرآت نص الشعب ما استفآد منهآ

حتى طلآب الجآمعآت والموظفين الحكوميين حـ يستفيدوا بس شهرين بعدين حـ يرجعوا زي أول

الشي الوحيد اللي أقدر أقول عليه أفضل القرآرآت هو وضع حد أدنى للروآتب .. مع إنو المفروض يكون المبلغ عـ الأقل ( 5 ) آلآف

أما الشي اللي موتني ضحك هو صرف الإعآنآت السنة الجآية ! << لآ تعليـق

أما موظفين القطآع الخـآص ما أقول إلآ الله يعينكم ،،

دوست دارم · #6 18/03/2011, 04:39 PM

صدقت اسير المحبة ولا حبيت اذكر اشياء كثيره منها زي ماذكرت الراتب الاساسي 3000؟
اصلا الراتب الاساسي هو 2900 واللي في اردى قطاع 2700 يعني اعلى شي زادوا 300 ريال
ولعدد محدود فقط
اشكرك مرورك وابداء رايك

دوست دارم · #7 18/03/2011, 04:40 PM

صدقت اخوووووووووووووي بااااااااسكن هذي نقطة مهمة ايضا
اشكر لك مرورك عزيزي

دوست دارم · #8 18/03/2011, 07:26 PM

كونتر اشكرك على المرور يالغلا تحيتي لك

دوست دارم · #9 18/03/2011, 07:27 PM

صدقت عمار خاصه انه شي معروف الطلاب اخر سنه ماياخذون شي
يعني نسبه كبيره منهم ماتستفيد ايضا
اشكر لك مرورك

دوست دارم · #10 18/03/2011, 07:28 PM

داق لطمة اشكر لك مروورك وابداء رايك ..
لكن انت لما قلت انه لازم سياره وفشخره .. هل تدري وش السياره اللي شريتها ؟
وكم موديلها ؟؟ ترى ماشريت اخر موديل ولا سياره زينه سياره عاديه ومستعمله
ولا قلنا ننبطح في بيوتنا ونبي رواتب قلنا نبي اشياء افضل من كذا ومن حقنا

يزيد20 · #11 18/03/2011, 07:35 PM

الحمد لله على النعمة

والله يطول في عمر ابومتعب

الحمد لله اغلب الشعب استفاد من القرارت

يجب ان ننظر بعين الجميع مو بعين وحده

انا مع ان القطاع الخاص يستاهلون

ياخوان احمدو الله على النعمة

دوست دارم · #12 18/03/2011, 07:40 PM

يزيد اشكرك على المداخله وابداء رايك

STS2005 · #13 18/03/2011, 07:53 PM

الله يكون في عونك يعني عليك قروض وانت لسه في عمر الثلاثين وما بعد تزوجت هذي مصيبه الصراحه

لكن صدقني حتى لو كان فيه اسقاط للقروض ما راح ينفعك لان قضيتك ليست قروض فقط بل هي حسن تصرف وتوزيع لدخلك المالي.

لان اللي يتعود على القروض راح يستمر فيها حتى لو كان راتبه مليون .

اما من ناحية اسقاط القروض صدقني الاغنياء يبونها من زمان لان فيه ناس قروضهم مليارات من البنوك مو الف او الفين وودهم بهذا القرار .

وياليت في المستقبل نشوف قرارات حازمه للبنوك وطريقة اعطائهم للقروض ومراقبتهم خاصه في موضوع نسبة الفائده الكبيرة اللي ياخذونها من المواطن ويستعبدونه لسنوات طويلة .

الله يكون في عونك ويفكك من شر الديون وهمها .

والحمد لله على كل حال .

اماليا · #14 18/03/2011, 09:22 PM

على ماسمعت انه فيه اجتماااع للملك مع رجال الاعمال .. ان شاء الله يكون خير لموظفي القطاع الخاص .. وزياده السعوده
وعن القروض الامر الملكي السابق فيه اسقاط للقروض على ما اذكر
وان شاء الله هذي بدايه خير .. ويارب تعم جميع المواطنين بدون استثناء

تويجري هلالي · #15 18/03/2011, 09:38 PM

انت قلتها شي آحسن من لآشي كنآ بآنتظآر قرآرآت يستفيد منهآ آلجميع لكن الحمدلله على كل حآل ..