تعاملت مع الأمير عبدالله بن سعد . عن قرب
كنت بعز مراهقتي ، كان النادي للجميع من قبل وبعد ولله الحمد وهذا سر من أسرار الهلال النادي الآسيوي الكبير وحب وإرتباط جماهيره به وانا واحد منهم .
حصلته في مكتب صغير تحت المنصه بالضبط قبل دخول المدرج على اليمين .
بصراحه تفاجأة فيه قدامي سلمت قال هلا هلا وسهلا .
صافحته شدني له رحمه الله وسلمت عليه قلت طال عمرك .
وين الأستاذ صالح الشنيفي ؟
ضحك وقال تعرفه قلت نعم كان عندنا بمدرستنا ؟
قال يدرسكم شي . قلت : لا ؟
بس كنت بسجل بالهلال عن طريقه لوجودي بمنتخب المدرسه بس اني أحتياط لصغر سني .
( كنت مطقم هلال 24 ساعه ورقم 5 رقم أمبراطورنا الكبير صالح النعيمه
وكنت حتى البوت كان تذكرون الشراع الأبيض أبوثلاث خطوط خطين زرق وبالوسط خط أحمر كنت أشيل الخط الأحمر تنتيف ) عشان تبقا بالألوان اللي أبيها .
المهم ما انتبهت الا انا قاص له قصة حياتي وهو رحمه الله يضحك . ومن يومها وانا أعز وأقدر هذا الرمز الهلالي الكبير . المراد بالله ماله حق علينا بمتصفح مستقل على الأقل للترحم عليه غفرالله له آمين .
وأسكنه فسيح جناته .
فقط ادعوله بالرحمه والمغفره . رحمك الله ياعبدالله بن سعد وغفرلك وأموات المسلمين أجمعين .
والسلام عليكم ورحمة الله وبركاته . تحياتي لكم جميعًا ودام عزك يالهلال .