طالبه بالجامعه أبغى حل لمشكلتي جزاكم الله خييير .. - صفحة رقم 3 - نادي الهلال السعودي - شبكة الزعيم

بنت فهد · #31 10/03/2011, 05:19 PM

يااااقلبي قلبببك

أمس كنا مجتمعين احنا والبنات وثنتين منهم سنه تحضيريه ..
نفس معاناتك جاني احباط بيني وبينك لآني توجيهي وفي هالسنه طلع الشيب في راسي وضيقة صدر وهذا وانا ما اطلع الا 1 ونص وسبب لي اكتئاب بسبب طول الدوام ونص الترم أغيب اننحاش من هالكابوس , وبعد ما عرفت انو ما يطلعون الا اربع ونص بغى يغمي علي << ماودي احطمك بس أقولك شعوري

ومن السنه الجايه بيكون الزامي تحضيريه .. حسييت بجد انو جيلنا جيل نحس وفأر تجارب يبتكرون أفكار ويجربونا عليها تنجح أو لا

..

الأعضاء كففو ووفو هم اخبر مني بالنصايح ..
لآني لو بعطيك نصايح من جعبتي بأجزم انك بتتركين الدراسه

فخليني ابلع لساني احسن ..

وبالتوفيييق حبيبتي ..

تقبلي مروري

اللافندر 8 · #32 10/03/2011, 06:41 PM

انا مريت تقريبا بنفس حالتك .. بس جلست بيني وبين نفسي قلت يا ولد اللي صبروا وتحملوا حتى التخرج

في ايش زايدين عنك الجواب ولاحاجه .. الا الطموح والنظره المستقبليه

الشي الثاني فكري فيها انتي .. هذه هي سنة الحياه لابد من مواجهة الصعاب ليست للابد وناسه ولعب وفله

بل لكل شيء وقته .. والان هو وقت الزراعه ومستقبلا ان شاء الله وقت الحصاد

وبالتوفيق ان شاء الله لك في حياتك المستقبليه

سما هواها هلالي · #33 10/03/2011, 06:51 PM

شوفي انا مريت بااصعب من كذا تخيلي نفسك تدخلي قسم ماهو من طموعك ولا اللي تمنيتي من 6 سنوات <<< بس الحمدلله

عدت وانا داحين ماباقي الا 11 ساعة واتخرج

حقولك شي اول شئ خلي عندك ثقة في ربي اكثر بكثير من قبل ولاتنسي تدعين لنفسك فكل وقت وخصوصا بعد صلاة الفرض و في

صلاة الوتر وهذه بالذات حاولي انو تستغلينها ترى ربنا كريم وعلى ذنوبنا استغفر الله الا انو مجيب دعوة المضطر سبحانوه

ثاني شئ حبي نفسك ع كثر ماتقدرين ولا تخلين احد يأثر عليك صدقيني دراسة الجامعة والله مافي اسهل منها حتى لو كان قسمك

علمي وحتى لو كانت رئيسة القسم والمرشدة مو متعاونة مع الطالبات

وقت الخرجة اطعي وانبسطي وفليها ع الآخر ووقت المذاكرة شدي حيلك بس لاتضغطي ع نفسك ووقت اللي تحسي انو مخك قفل

سيبي الكتاب حق نص ساعة وارجعي كملي وحتى لو اتأخر الوقت وانتي ماخلصتي مشي ع المهم بس بتركيز عشان لاتتوتري

بعدين ابغى اقولك شي بس لاتضحكي عليا انا ماابدأ اذاكر وقت الاختبارات الا انا ع سنقة عشرة لابسة ومتكشخة يعني مستحيل

اذاكر وانا باليجامة

الله يوفقك يارب مع اذآن المغرب

اللؤلؤة البيضاء · #34 11/03/2011, 11:20 AM

هههههه يــآ قلبي ذكرتيني في نفسي ..

صَــآرت لي نفس مشكلتك مع الإنقلش و الموآد الصعبه
لكن الفرق أن الصدمه ما جت لي بالتحضيري جتني بالتخصص

التحضيري آعتبريه مرآجعه للأشيــآء اللي أخذتيهَــآ بالثــآنوي لأن كلهَــآ
فيزياء , رياضيات , كيمياء ....الخ بس الفرق أنهَــآ تكون إنقلشْ
و أقنعي نفسك انها سهله و لا ترددين أنها صعبه أبداً لأن الشيء إذا أقنعتي نفسك
أنه سهل راح تلقينه سهل و العكس صحيح ..

خليني أقول لك سآلفتي .. لما دخلت الجامعه صدق أني تورطت بالموآد بس عادي
شديت حيلي و تفوقت مع أن أدنى درجه أخذتها بمادة الإنقلش

لكن لما تخصصت هنــآ الصدمه الدرآسه كلها إنقلش
و كتب و مجلدآت وانــآ مييييييح

و تحطمت مثلك و نفسيتي صارت زفت .. لكن صدقيني مع الوقت رآح تتقوين في
اللغه تدريجي و من غير ماتحسين ..
اذكر اني كنت امسك الكتـآب و الأورآق و أقعد أترجم كلمه كلمه و احفظهــآ ..
و الحمدالله الحين امسك كتبي و لآ أحتاج مترجم

لآ تتضآيقين ترا كلنــآ مرينا بهالشيء ..
و مع الوقت بتصير عندك مناعه و تتسهل أمورك بس أهم شيء تعرفين كيف تنضمين
وقتك بين أوقات دراستك و الأوقات الثانيه و لا تخلين شيء يطغى على شيء
عشآن لا تحسين نفسك مضغوطه بالدراسه ..
أنا عندك كل أسبوع عندي إختبارات من السبت لـ الثلاثاء و عادي مع التنظيم
كل شيء ماشي

بالتوفيق يا ريم

..

мя.ħάίţħάм · #35 11/03/2011, 02:04 PM

أكيد انتي تبع الموحد

مكروفين كرف اعانك الله

نصيحه اذا كان عينك على تخصص قوي كطب الاسنان او طب

يبيلها شدة حيل

حاولي تشدين حيلك واذا المادة تسمح جيبي مدرسات خصوصيات

اهم شي لا تفكرين بالهم وباذن الله بتتيسر

الفيز والكيم .. الخ

يبيلها تركيز موب طبعي الله يعيينك يا رب

محمد 22 · #36 11/03/2011, 04:10 PM

(( اذا كنت ملزما فاستمتع ))
اختي توكلي على الله
لاتقولين انهم يطلعون وانا لا عاااااااااادي خذي الامور ببساطه
كلها كم ترم وتنتهي هالفترة
وما في شيء سهل
وتذكري قول الله
(( وخلق الانسان في كبد ))
مافي شيء سهل لازم تمرين بشيء
وان شاء الله تنتهي ظروفك اصبر توكلي على الله
نظمي وقتك خلي اهلك يتعاونون معك
والله يوفق

9متيمة الزعيم9 · #37 13/03/2011, 05:42 AM

ذكرتيني بنفسي أيآم الإعدآد التربوي (التطبيق في المدآرس)

أيآم كآنت متعبة جدآ جدآ لكآن فيهآ الكثير من المتعة والذكريآت الحلوة

< طسي موقت ذكريآتك

الأعضآء قبلي جزآهم الله خير مآقصروآ بآرآئهم
وأنآ مآأزيد عليهم بشي بس بقولك
حطي فـ بآلك إنهآ أيآم وتعدي ان شآء الله
نظمي وقتك واستمتعي من دآخلك
كل وقتك اللي في الدرآسة حآولي تحولينه لمتعة
نفسيآ بترتآحين وتنولين مرآدك ان شآءالله
من كل قلبي أتمنى لك التوفيق والنجآح دنيآ وآخره

ودي وتقديري لك

ابو طـــــلال · #38 13/03/2011, 10:37 AM

انا يوم بالمعهد المهنى اخر ترم جتني حاله ... كنت أفك اللحام .. وماأستوعب وأنهار ..

اها بس بلى دلع ...

مافيك إلا العافيه

ولاتهونون عليها .. الدراسه تبي من يجتهد ويشد حيله .. من طلب العلا سهر الليالي

اما القائل :

من طلب العلا نام الليالي .. وشد اللحاف وقال مالي
أخذت صفراً في الإمتحاني .. والصفر من شيم الرجالي

^^^

هع هع

عقبال مانبارك لك التخرج .. ونشوفك دكتوره