مع احترامي للاخ هشام كشخص مجتهد في المركز الاعلامي وعلى العين والراس

بس تحقيق غير منطقي على الاقل من وجهة نظري
بختصار في نقاط من وجهة نظري الشخصية
1- اعتقد البنت الي تابع كوره عشان لاعب حلو انتهى زمنها او موضه وانتهت الي بتابع للكره لانها تستمتع في المشاهده مثلها مثل الشاب او ماتبعها خير شر
2- اما تعصب الفتيات هروب من الطفش شيء عجيب !!
طيب انا وحده من البنات الي مايعجنبي لا برنامج ولايعجنبي مسلسل !! وش اسوي ؟
احب متابعة الكوره والدوريات الاخرى !! احب ممارسة كرة القدم من خلال البلاي ستيشن والاكس بوكس بس كل هذا ما اثر على طبعي وسلوكي داخل المنزل وخارجه من خلال المظهر او غيره !! ولله الحمد اعرف اميز الصح من الخطأ وما سويت جريمه لما تابعت فريق ما وتعصبت له كـ غيري انا اختي ماتابع كوره وتزوجت واحد هلالي متعصب فصارت تابع معه وغصب عليها تابع معه المباره لانه في الاخير مارح يغير وصارت تفهم كثير في الاحداث الرياضيه طالما اني انا شخصياً واكيد غيري من البنات ماتجاوزنا الادب والاخلاق والتربيه الي ربونا عليها اهلنا وش المانع من متابعة كرة القدم واتعصب لفريقي المفضل وبعدين وش هالنظره السلبيه للبنت بان الي تابع كوره مكبوته احيانا من انها ماتمارس الرياضه
احيانا البنت تمارسها في البيت او في الاستراحه مع جمعتهم مع اخوانها واهلها او في النادي موب كل الاهل متشددين ولا كل الاهل مايدرون عن بناتهم بس فيه ثقه بين الاهل والبنت انا ابوي يتفاعل مع مباريات الهلال ومع انه رجل كبير في سن صار يتابع الكره لاني اتابع الكره والهلال وبذكر موقف بعد هزيمة الهلال من ذوب اهان اتصل على اختي يقولها عشوها انهزم الهلال لانه عارف مزاجي كيف كان بعد الهزيمة !! :d ارجع واقول واكرر في مواضيع تستحق ان تضعها تحت المجهر و لكن هذا الموضوع فيه من السخافه الكثير خصوصاً ان العلقيات تغيرت

انا هذا يعجبني اداءه داخل الملعب
http://img.kooora.com/i.aspx?i=engli...haelessien.jpg

ومع ذالك موب زين :D الا اذا انتم تشوفونه مزيون هذا شيء ثاني :d
بس اداءه داخل الملعب لايختللف عليه اثنين !!

انا لما اشتري تي شريت الهلال او تيشيلسي لاني احب النادي هذا
ولما ادفع مبلغ وقدره 300 الي 400 ريال واطبع اسمي ورقمي المفضل هو متعه وحريه شخصية البس تي شرت لنادي معين او مالبس لاهو تباهي او غيره ولله انا وحده البس تي شرت الهلال كاني لابسه مثلاً من عالم الماركات جوسي كوتر ايش الفرق !! :d
ولله ناس فاضيه للامانه
في شي يستحق التحقيق فيه اكثر من هالموضوع برأيي سخيف جداً

معليش بطلو تدقيق في اشياء تافهه جداً وللحين عقليتنا متحجره لهدرجه يعني
انتهت المشاكل الي عايشين فيها طيب موب احسن للاخ هشام الكثيري انه يحقق في الملاعب ومساوئها او من البلاوي الي تجي من الجمهور وجاين بـ سلاح ابيض وهم رايحين للملعب يستمتعون !! معليش في اشياء اكبر من كذا تستحق النظر فيها وبلاش تدقيق في امور تافهه جداً وصغيره والعالم اصبحت اكثر تفتح

ارجع واقول الاخ هشام الكثيري كـ شخص على راسي من فوق بس الموضوع ماعجبني ..