اما صرااحه تحقيق غريب عجيب اما انا مرضي نفسيه كثر منها
انااا انساانه متعصبه للكره بس مو لدرجه انها اثرت بلبسي وغيره
وصح فيه بنات بالمدارس او الجامعات يلبسون اساور او اي شي يخص فريقها اذا فاااز بس مو طوول الوقت وهن قله تنعد علي اصابع اليد الوحده
وانا راح اروح لمتجر الهلال وبشتري لبس الهلال عناااد باللي كاتب الموضوع

يآسلااااام يآإنّ البنآت وفّروا علي كلام كثييير بقوله
لبى قلوبهم بسس برّدوآ قلبي الله يبرّد قلوبهم:ba1:
ذوق وأخلاق وهلاليآت بعد:wub:
شكرآ من الأعمآق الهنوووف:smilie47::rose: ،بطلة:smilie47::rose: ،مهره الهلالية :smilie47::rose:
قلتو اللي بقوله وزيآدة حسيتكم دآخلين في مخّي وتكتبون الردود<<لآيكثر
لآمن جد لو كنت برد قبلكم مآرآح أزوّد على كلامكم شي
وليه تحآولين تكرهينه ليه ؟؟!!
بالله إذآ مأحبينآ الهلال نحب مييين؟؟!! علموني بسس

مافيها شي اذا البنت تتفرج كرة القدم

دامها في اغلب الاوقات محبوسة بين اربعة جدرااان

بس انا ضد حضوور النساء للملاعب

لان الفكرة مالها داعي ابدن

بصراحه انها تعجب بلاعب معين احسن لها تعجب بواحد بالتلفوون والا صديقتها بالمدرسة


بس اعجبتني البجامة البناتيه ورقم محمد نوووور ههههههههههه


باختصار من حقهم

وَ مع العيب أن كانت الفتاة تشاهد المباريات ؟؟

بصراحه في بنات كثير يشغلون نفسهم بتفاهات وَ بعضهم من الفراغ تلقاهم يدقون من رقم في رقم فما المانع أنها تشغل نفسها بشيء مسلي ولا فيه عيب وَ مالعيب فيه ؟؟

بصراحه أنا أختي كانت تشجع وَ كنت مرره مبسوط كل شيء جاهز قبل المبارات وحماس حتى أني ما أروح لمقاهي وَ لا أستراحات لأني ما أتحمل الضغط من أصحاب الميول الصفراويه .. أختي تركت التشجيع بعد ما أنطرد ولد الشيوخ كوزمين وَ الحين أشغلت نفسها بأشياء جد جد تافهه يانكت ع البي بي يا كل يوم شاريه لها كريم ومدهنتن نفسها لدرجة مانسميها الا الفلبينيه .

والحين أمي صارت تشجع وماغير أعصاب بالمباريات وَ من يوم تخلص المبارات تسألني شرايك بالمستوى لاتقول أن ويلي مالعب ترا الحكم ماشاء الله داقن حنك مع فيصل بن تركي لا ويقول فيصل أنه كان يهنيه بعودة الملك ماشاء الله راعين واجب :P
لكن صح في بعض المرات يرتفع ضغطي زي ذاك اليوم علي ماث أختبار نهائي الفصل الأول وقاعد اراجع دخلت شفت وقفوا مدري مين ووو وووو ثمن ألتفت قلت حرام بدل ماتقولين الله يوفقك جالستن تشوفين محللين الغفله s121s < يبي يقول لكم أنه مايتابع برامج رياضيه < أحس أن ثقافتي ماتسمح لي أتنزل بعد الشنيف محد ملى العين

حتى أذكر جدتي كل ماتشوف أختي تهزئها فـ خلاتي يقولون لها خلها تشغل نفسها بشيء مهوب حرام .. ترا الفرااغ يضيع

لا تحاربون المرأه بكل شيء ترا هي نصف المجتمع وَ النصف الثاني لكم كلن له ميول يعني تخيل يجي أبوك وعمانك يقولون الا تشجع النصر لا ولا تلبس غير الثوب ومحد بيبيع الحلال غيرك ولا تنسى التمر من المزرعه للسوق بعه وووو مابتحس ان حياتك مو ملكك

فليش تبي تقيد المرآه وشخصيتها ترا هي بشر .. وأن شجعة الهلال أو البرشا محد له سلطه عليها .. وترا مهوب عيب

فكو البنات شوي أن طلعت للسوق قلتو .... وأن شجعت قلتوو .... وأن نامت قلتو .... وان طبخت قلتو الله عليك مليت بطوننا ..

ياخي مهيب شغاله ماغير تدح ببطونكم !!

< ياخي ترا مقفلتن معي ولا أعرف وش اقول

وحبيت أقول شيء بعد ترا في فرق بين البويه واللي تشجع ..

وَ انا تابعت أختي وَ بنات خالتي وَ شفت بالمجمعات حتى مبارات الغرافه اللي بقطر كنت شايفها بصحارى الجهه اليمين حريم والله
أن مافي بويه فاهمه واللي أشوفه بنات متنقبات بس جد كانت دموعهم بعيونهم < مبارات ناار .. وَ صحيح في من اللي بس يبون يترززون يعني اني نشجع وهم والله موب لم المبارات بس عشان الناس تشوفهم وهم أقليه بالتأكيد

وأغلب البويات فيهم أمراض نفسيه سببها الأهل ووو .. ولا لاجيت تشوف الصدق ماعندها ماعند جدتي بس شكلها بويه وَ بعض مما لايجدر بي قوله .. والنهايه بس قدام هالبنات المتوسطه تراني بويه وهم يناظرونها وعيونهم قلووووووب !! < دور العائله مهم في بداية سن المراهقه للبنات في بنات والله مايدرون عن الامور الجنسيه ولكن تبي تقلد صديقتها فتدق على شاب ويبدأ هو يلعب بمخها ..

يجب على كل أم توعية بناتها .. يعني جد عيب يجي اليوم اللي أنا مثلاُ أوعي أختي اللي توها بالغه بهذي الأمور خوفاً عليها من الذئاب البشريه!!

^^^

شككتيني بنفسي .. شوفي أنا حالتي النفسيه زفت وهذا أمر خالصين منه لكن مافي أي ضغوط خارجيه :P لا من كلنتون ولا أوباما

صحيح ماعاد نشوف بنت اسمها عاشقة ياسر ولا رونالدو يمكن يوم أعرس ياسر وَ ورونالدو جاه ولد هجدوا وتأكدوا أن القطار فاتهم :D

السلبية في كل شي تسويه البنت للأسف وخصوصاً في كورة القدم البعض يشوفها ( عيب ) لكن إذا كانت البنت تتابع دون تعصب وماانعكس هالشي على سلوكها وصارت رجولية او تقلد سلوكيات ماتنتمي لجنسها مااتوقع بتكون في مشكلة هي حرية شخصية تطالع اللي تبي لكن في حدود ... مثل ماقال خلف ملفي ~

الغريب انه لازال من يشوف مجرد مشاهدة البنت للكورة ( عيب ) اكرر هالشي لاني أنا أعيش في بيت يردد هالكلمة لدرجة انهم يقولون شوفي اللي تبين الا الكورة ’’ شي غريب بصراحة ماانكر خوفهم من اللي يصير هالايام من استرجال البنات لكن الزيادة فالخوف اشوف مالها داعي ويمكن ترتد النتيجة بصورة عكسية >> قال ايش تشوفين رجاجيل طيب والمسلسلات وين راحت حتى شاعر المليون صارعندنا عيب !!!!!!!

اخوي يقول ذات مرّة وفي كل اسبوع نفس الموّال >> ترضين أطالع عرض أزياء
قلت له :: بكيفك
قال :: عيب أنا أشوفك بنظرة لا طالعتي كورة زي الرجال لا طالع عرض الازياء !!!

صراااااحة مقارنة ظالمة مدري وش دخّل جت على ذي أنتو يامعشر الشباب تطالعون اللي ماينقال ولاجت البنت وبكل براءة طالعت كورة قومتوا الدنيا عليها ...


أحنا نقول ونعيد ونكرر اذا تابعت البنت الكورة بدون مايغير هالشي في سلوكها وتصرفاتها الامر وقتها طبيعي ..

انا عن نفسي كنت اشوف بنات ايام ماكنت ادرس بالكلية يلبسون قمصان لاعبينهم وماأأيد تصرفهم لأنه غلط تشجعين شجعي في بيتكم ماله داعي تبينين للناس :mad:



والله اني اعرف بنات ونساء وحريم ( يعني :: شابات وعواجيز ) مايطيقون شي اسمه كورة لكن مباراة الغرافة 4-2 كلهم طالعوها ولا قالوا عيب ومايصير ومايجوز وبحماااس بعد >> وش الفرق عساس انه تمثيل خارجي وكنه منتخب ..

أصلاً حالياً في تناقض كبير بين الناس لا لعب المنتخب قالوا تشجيعه من قبل الرجال والنساء أمر طبيعي ليش يعني واجب وطني من قال !!

{ كلها كورة وش فرق } .. :to:


أحس كل مالهم يضيقون علينا الباب ؟؟؟


والكثيري ذا يوم انه يقول متابعة البنت للكورة تكون في فترة المراهقة وسد أوقات الفراغ وش يقصد ؟؟

أنا تابعت الكورة في ريعان الشباب وبداية الدراسة الجامعية " ليكون وقتها مراهقتي ماخلصت " أو عندي فراغ نفسي وعاطفي !!!!!


أنا أدري انه فالبداية برأ ساحته واختزل الامر على الحدود والمعقول لكن تحقيقه مال أمه داعي يعني وش بيغير المسترجلات بيعقلون مثلا ولا المتعصبات بيهدون اللعب حبتين ؟؟؟؟