مساء الخير أحبتي عشاق زعيم نصف الارض ...

اعتقد من العنوان الكل استغرب من هو هذا المندس الشجاع اللي يكتب ويعلن عن نفسه امام الالوف المؤلفة من عشاق هذا الكيان العظيم ... لكن مادفعني للكتابة واختيار هذا الموضوع بعض الاعضاء هداهم الله وفقهم الله ..

يأخوان انا اأعشق الهلال حتى الثمالة .. واتعب كثيراً لخسارة الزعيم واحياناً من فوز الزعيم دون مستوى يرضى طموحاتنا ..

مادعاني لكتابة هذا الموضوع ان هناك مجموعة قليلة من الاعضاء اذا طرحي ماعجبه أو طرح احد الأعضاء قال هذا مندس ..
أو إذا انتقدت لاعب معين قال انك مندس ..
أو اذا طرحت موضوع ومافهم فيه شيء قال انت مندس ..

أخواني ارجو عدم اتهام اي احد بيننا بذلك واعتقد ان مشرفينا الافاضل حريصين على المنتدى من تلك الاشكال ..
لكن لابد من اولئك الذين يطلقون التهم جزافاً .. ان يفكروا جيداً قبل ذلك .. وان يؤمنوا بحرية الرأي والنقد وان يتقبلوا أختلاف وجهات النظر ..
وإذا معجبهم الموضوع لايرد ويقعد يكتب مندس وكلام ماله داعي ..

اجتمعنا على حب الهلال فلنبقى عليه .. هذا الموضوع طرحته الآن لانه بصراحة بعض الاخوة الاعضاء دعاني لذلك ..

وتقبلوا خالص تحياتي ومودتي .. والله يوفق زعيمنا دوماً ..

شكرا يادارتي الفاضلة ويعطيكم العافيه ...

بس انا وضعت العنوان ( أنا مندس ) عشان الاخوة الاعضاء اللي قصدتهم يدخلوا ...

اكرر شكري لكم واحترم رأيكم ووجهة نظركم ... والله يعينكم ويقويكم .. ومشكورين على الرفع ..

حبيبي يعني تريد من ان نصدق كلام المندس يوم يقول اقيلوا كالديرون وجيبوا كوزمين وعلى الامير عبد الرحمن بن مساعد ان يستقيل ......... هذا يدل على انه مندس ومندس بدرجة الشرف

إقتباس الرسالة الأصلية كتبت بواسطة boy-asir حبيبي يعني تريد من ان نصدق كلام المندس يوم يقول اقيلوا كالديرون وجيبوا كوزمين وعلى الامير عبد الرحمن بن مساعد ان يستقيل ......... هذا يدل على انه مندس ومندس بدرجة الشرف

انا اقول اقيلوا كالديرون وجيبوا اي مدرب غييره ,
واقول لعبدالرحمن بن مساعد كفيت ووفيت وجا دور غيرك ,

تقدرتثثثبت اني مندس ؟؟!

إقتباس الرسالة الأصلية كتبت بواسطة دحمـ الهلآلي ـي انا اقول اقيلوا كالديرون وجيبوا اي مدرب غييره , واقول لعبدالرحمن بن مساعد كفيت ووفيت وجا دور غيرك , تقدرتثثثبت اني مندس ؟؟!

كالديرون يمكن تقول مو عاجبك طريقته وخططه .. نختلف معك ونتفق ...

لكن لازم نعترف انه مدرب كويس وقدير وحقق نجاحات يادحومي ...

لكن ابو فيصل اختلف معك جملة وتفصيلاً ... لماذا ؟ اقنعني ...

ابوفيصل خلف وره حمل ثقيل للي يبي يشيله الله يعينه .. جعل لنا هلال مضرب امثال في جميع الانديه العربية والاسيويه في الاحتراف واللاعبين المحترفين على اعلى مستوى .. الله يعين من يجي بعده ان لم يكن بقوته الماليه ودعمه القوي ونفس مستوى فكره فالله يعينه علينا اول شيء كجماهير وبعدين النادي ...
وانا ضد ان ابوفيصل يرحل ... فهل رديت يادحومي .. وان شاء الله انك مش مندس ...

أخوي هذه وجهة نظره وواجب ان نحترمها وناقشه بهدوء وعقلانية .. لكن انا نطلق التهم جزافاً ..

أجل انت لو قلت شيلوا ماجد المرشدي اعتبرك مندس والا اقول وجهة نظر ويجب ان نحترمها ..

انت بس تبينا نطبل ولا ننتقد أحد ابداً ..

وبعدبن اللي قال شيلوا كالدي وجيبوا كوزمين مندس .. عجيب والله .. كوزمين مو جاب البطولات للهلال والا ضر بالهلال ..

المقصود وانا اخوك يجب ان نحترم وجهات النظر من جميع الأعضاء .. وشاكر لك مرورك وحرصك ...

حبيبي اتذكر جيدا بعض من قال كوزمين قتل الهلال بالطريقه الدفاعيه والاهداف ايام كوزمين تجي بعد طلعت الروح ونبي مدرب هجومي

الان بعد ماتى المدرب الهجومي جريتيس وكالديرون يريدون مدرب دفاعي ..!!!
وكوزمين جاب بطولات محليه وليست خارجيه وكان الهلال غير ممتع

حتى بالعقل والمنطق تنهي عقد مدرب وسط المنافسات اكبر خطأ ..!! لا احد يطلب مثل هذا الطلب الا واحد مندس ..!!


على العموم اتمنى انك تتقبل وتؤمن بوجود المندسين فهم كثيرين جدا في هذا الصرح الشامخ

اقول الله يرد كيدهم في نحورهم ويخذلهم ..

لكن ياغالي انا معك ان الهلال له سنتين وهو اروع نادي يقدم بكرة جميلة وممتعة .. لكن عصبية بعض الاخوة الاعضاء وحماسهم الزائد وبالتحديد بعد تخبط كالدي في مباراة سبهان وعدم قراءته الجيده للفريق الايراني هي اللي دعتهم لقول ذلك ..

ومع هذا يجب ان نحترم ارائهم وتاكد\ بأن إدارة الزعيم إدارة واعيه .. وإدارة منتدانا ومشرفينا الافاضل قادرين على صد المندسين وحجبهم نهائياً ..

واشكر لك مرورك مجدداً .. وأختلاف الرأي لايفسد للود قضية .. دمت بود وسعادة أخوي ..

محد يقولك مندس إلآ إذآ خرجت عن آلمألوف !!

و جبت شي " مآ يذكره عقل هلآلي " ...

و إذآ مآتبي أحد يقول لك مندس أحترم عقول إللي أمآمك ...

تسخطون آلنآدي بـ من فيه و تقولون هلآليين !

أي هلآليه تتكلم عنهآ ...

؟؟؟؟؟

التعميم مو زين اختي .. مدري احس انك تقصديني .. ومعصبه مره أختي ..هههههههههههههه

الله المستعااان بس ...

ماحد يتهمك بانك مندس الا من يمثل نفسه

ولا احد يعارضك اذا كان هناك نقد

واساسا لايوجد هناك نقـد


كلهم مراهقين يجرحون في اللاعبين والمدرب بدون معرفه شي لمجرد خساره واحده

يعطيك العافيه اخوي سلطان ماقصرت .. وان شاء الله مهوب موجودين بينا اللي تقول عنهم ..

انا اتوقع ذلك حماس زائد ياغالي ... والله يوفقنا لما يحبه ويرضاه ولما في مصلحة هالكيان ....

ومشكور اخوي على مرورك ومشاركتك لاخلا ولاعدم ...

يعني بعض الاعضاء مسجلين من عام 2000 وعنده 86 نقطه ويجي ويقول نطالب الامير عبدالرحمن بن مساعد
ان يستقيل وش تفسر ها الشيء يعني صاره 11 سنه و86 نقطه ويطالب من افضل رئساء الهلال باستقاله اكيد الموضوع
فيه انه ولا اطردوا رادوي افضل اجنب مره بتاريخ المملكه نطرده انت وش تفسرها .

انا معك بعض الناس تشك فيهم .. بس وانا اخوك انا أقصد بعض الاعضاء هداهم الله ياويلك لو تنتقد ياسر اذا نزل مستواه وياويلك لو تنزل موضوع ضد العابد وياويلك لو تكتب موضوع ومافهمه قال بس هذا مندس ...

وبخصوص المشاركات اخوي مو مقياس بعض الاعضاء منتسب بالمنتدى ومو هاوي كتابه كثير يحب يدخل ويشوف اخبار الزعيم ويطلع .. فماهو مقياس ابدا ..

نقول الله يصلح اخواني الاعضاء المقصودين ..

ولازم ياجماعة نناقش ونتحاور العضو ليش انتقد وبعدين احكم ....

ومشكور للمرور اخوي ...