السلام عليكم و رحمة الله و بركاته
الله يصبحكم بالخير و يمسيكم بالرضى
موضوع غريب عجيب لكن صراحه طفح الكيل من اللي أشوفه و أقراه خلاص مليت ...........
طيب خلاص اللي يتكلم عن الرئيس الهلالي بس وش رأيكم خلاص أنا أطلع رئيس النادي الهلالي أوك
و كل اللاعبين أطردهم لأنهم بإختصار أشباه لاعبين و أجيب اللي جالس يحش و يتكلم و ينتقد في اللاعبين ...
و نشوف كيف هل تبدعون و تجيبوا بطولات أو لا ..؟
عزيزي منتقد لاعبي الهلال قد طفح الكيل من كلامك ...
بدل ما تناقز فوق روسنا و تجلس تحش في اللاعبين ورينا شطارتك و اعرض لنا قوتك في الملعب :- 1 - طيب اللي ينتقد الحراس ... ورينا قوتك و صد الهجمات الخطيره أوك .
2 - اللي ينتقد الدفاع ... الله ورينا شطارتك و علمنا أصول الدفاع أوك .
3- اللي ينتقد الوسط ... لا كذا اعجبتني صراحه اصنع كرات خرافيه أوك .
4 - اللي ينتقد المهاجم .. لا بس خلاص أبيك تخترق كل الدفاع و تسجل أحلى الأهداف أوك .
طيب إنتهينا الحين نطلع لكالديرون بس يا استاد منتقد لكالديرون ... بس وش رأيك تورينا مهارتك و تطلع سبيشل ون و تجيب لنا دوري الأبطال الآسيوي أوك .
الحين وصللنا للإداره أوبس هنا خطير لا تشيلوا هم انا بطلع رئيس النادي يصير نكمل دورة الفشل ...
تروه نموذج
لكن بصراحه الأمر غريب حيل هزيمه يعني حرام ينهزم الهلال ...؟
أو حكمة مشهوره قالت إن الهلال ما ينهزم أبد ....؟
هذه كوره ..! تعرفوا وش كوره ..؟ أو مع الخيل يا شقراء ..؟
يوم لك و يوم عليك و خلاص ما نبي مد و جزر .....!
اللاعب بشر و يجي واحد يشكك في أي شيء ما يستحق اللعب ...!
طيب عزيزي المشكك في إخلاص اللاعب ..؟
الحين إنت وش دراك إن اللاعب ما عنده مشاكل ..؟
و إلا المشاكل بس تجينا و اللاعبين ما عندهم مشاكل .؟
لو مره وحده نوقف مع هلالنا و عدم التجريح في اللاعبين خلاص تعبنا و ربي ..؟
طيب البطولات كيف جات للهلال في آسيا ..؟
ما كان فيه نت على ما أظن و اللاعب يلعب بدون ضغط الجمهور
الحين اللاعب قبل المباراه يدخل النت يلقى سب و شتم و كلام يحبطه كيف تبغاه يعطي في الملعب و الناس اللي يشجعوه يحبطوه ...؟
أنا اتمنى من المشرفين الكرام عدم رفع أي موضوع يتكلم عن لاعبي الهلال او الإداره بسوء
حنا هنا لجل الهلال ليس لجل نحبط نجوم الهلال .............
و بالنهايه آسف للإطاله
أبعلن للكل أنا رئيس الهلال القادم و أوعدكم العب كل من ...! 
الحين انا شايب معد انفع
الوضع العادي
