02/03/2011, 10:25 AM
|
زعيــم نشيــط | | تاريخ التسجيل: 14/04/2008 المكان: UK. London
مشاركات: 552
| |
[ .. جماهير ابو ريالين والليمون ! .. ] - بسم الله الرحمن الرحيم
صباح ومساكم خير يارب ..
دايم اتجنب دخول المنتدى بعد أي خساره لأني متأكد ان غالبية الموضوع بتزيد زعلي على الخساره ..
الموضوع ماهو مرتبط بالخساره الآسيويه بل هو سيناريو يتكرر بعد كل مباراه يخسر فيها الهلال
ماابي اتكلم عن النواحي الفنيه في مباراه "سبهان" واعتقد كل واحد عنده وجهة نظر مختلفه ، اللي حملها المدرب واللي حملها لتخاذل وبرود اللاعبين وكل واحد له اسبابه
ماعلينا ..
ابتكلم عن موضوع بنظري أهم وهو فئة "جماهير ابو ريالين" ..
مااعتقد انه حد منكم يدخل محلات ابو ريالين وهو منتظر انه يشتري شي ماركه أو شي بجوده عاليه
قبل لا ابدأ ماابي يجيني حد "مطفي النور" ويدعي اني انتقص من جمهور الهلال أو احاول امارس اسقاطات معينه على الجمهور .. ابداً
وأتصور ان هالظاهره موجوده عند كل جماهير الأنديه الأخرى .. لكن لأننا نتكلم في الشأن الهلال فالموضوع هنا يختص بجمهور الهلال .. أو فئه من جمهور الهلال اتمنى ان نسبتها لاتمثل شيء كبير من المجمل العام لجمهور الهلال العظيم
- جماهير ابو ريالين في الواقع هي الجماهير اللي طلعت من الملعب امس وباقي اكثر من نص شوط بطريقه مستفزه لنا حنا كهلاليين ناهيك عن مخرج المباراه اللي مركز على تصوير اي لقطه لخروج الجمهور الهلالي اثناء المباراه
ولا الومه ابدا ، فالظاهره سيئه جدا ومخجله في حق جمهور الهلال.
- جماهير ابو ريالين في المنتدى هم الجماهير اللي انطلقوا بدون اي وعي في المنتدى ويشتم هذا ويحبط هذا ويحلل بطريقه سخيفه جدا.
- جماهير ابو ريالين هي الجماهير اللي مالها خاتمه مع حد ، يعني لو س من اللاعبين امس سجل هدف جاب بطوله يرفعه السما ، ولو نفس اللاعب اداءه كان سيء اليوم بكل بساطه ينزله اسفل السافلين!
استغرب من هالسلبيه وطريقة التشجيع السيئه من البعض ،،
تقليل من امكانيات المدرب ،،
ذم في اللاعبين بطريقه سيئه ،،
جحود بشكل غريب لبعض الاسماء ، بل وصل البعض الى اقصى درجات الجحود وبدأ من الانتقاص من مجهودات الامير عبدالرحمن بن مساعد وطالبوه بالاستقاله بعد !!
رساله بسيطه يااخوان ..
شجعوا وحبوا فريقكم وادعموه ، وافرحوا بالانتصارات وازعلوا على الخساير لكن كل شي بعقل ومنطق وبدون مبالغه سواء في الفرح او الزعل
الجماهير اللي في الملعب ، اللي يبي يطلع قبل نهاية المباراه رجاء لانشوف رقعة ويهه في الملعب .. اقعد في بيتكم واستانس
والجمهور في المنتدى ، اللي يبي يدخل يشتم ويسء لللاعبين بعد اي خساره ، رجاء مر على مطبخ بيتكم واشرب ليمون وروق وهدي اعصابك والا روح نام وتعال ثاني يوم بعد ماتهدأ وارجوكم لانستغل مساحة الحريه اللي معطيتها ادارة المنتدى للأعضاء ونستخدمها بشكل خاطيء
اعذروني على عدم الترتيب بس من امس وانا منبطه جبدي من وضع المنتدى والمواضيع اللي نزلت فيه ومن هالجماهير اللي طلعت من نص الشوط الثاني وكأن النتيجه 5-0 للفريق الإيراني
وبالتوفيق للزعيم ان شاء الله .. وعساها خيره خسارة امس
وشي يصير من البدايه احسن مايصير في ادوار متقدمه وحاسمه وتصير الغبنه اكبر
فالكم طيب ان شاء الله
|