بسم الله الرحمن الرحيم
السلام عليكم ورحمه الله وبركاته وبعد
انا ماحب ادخل بالمقدمات واتفلسف انا عندي عده نقاط ابي اقولها للجمهور والأداره والمدرب
اولا:انا اعتب على جمهورنا العظيم اللي يحمل الاعبين خساره المباراه امام سباهان ابيكم تفهمون انه يوم
لكم ويوم عليكم والاعبين مو الآت نحركها وين مانبي الاعبين بشر مثلنا يأدون اللي عليهم بس ربي ماكتب نصيب لنا بالفوز وهذا قدرنا وحرام نعترض عليه
ثانيا:الجمهور اللي طلع من الملعب قبل نهايه المباراه كيف تبون الاعبين يفلحون وانتم الداعم الأساسي لهم ليه مانشجعهم ونؤازرهم علشان يحسون اننا واقفين معاهم ويزيد احساسهم بالمسؤليه طيب احنا طلعنا من الملعب
يعني كذا راح نحطمهم وراح يلعبون المباراه الجايه واهم شايلين همنا وراح يتسرعون في كثير من الألعاب ودهم يفرحونا بس راح يزعلونا وكله علشان خاطر الجمهور اللي يحمل الاعب مسؤليه فوز وخساره
ثالثا:الشخص اللي يقول انا هلالي وينتقد الاعبين اذا خسروا ويمدحهم اذا فازوا هذا مو هلالي صميم
تكفون تكفون تكفون ياجمهور الهلال اللي يبي يحضر للملعب ويبي يطلع قبل لاتنتهي المباراه لايحضر من الأساس
لأنه احنا السبب في الخساره مو الاعبيناهم شي النفسيات قبل كل مباراه ونحسس الاعبين انهم قد المسؤليه
رابعا:عتبي ع الأداره في الاعب احمد علي انا ماحب انتقد بس الاعب هذا مو بمستوى الهلال ياليت ننهي اعارته ونتعاقد مع لاعب بحجم الهلال وجمهوره وانا اتحدى انه اسوأ مهاجم بالأنديه السعوديه افضل من احمد علي
خامسا:كالديرون تغييراتك اليوم غير موفقه كان من المفروض دخول الاعب خالد عزيز وعيسى المحياني من بدايه الشوط الثاني والمفروض رادوي يساند الهجمات مع بقاء خالد عزيز بمنطقه المحور وكذا يزيد الضغط ع الفريق المنافس وبعدين مانبيك ياكالدي تذبح الشلهوب الموهوب ياتلعبه بمركزه وسط ايسر ياتركنه بدكه البدلاء
سادسا واخيرا:هزيمتنا اليوم والله العظيم اسعدتني اكثر لأنه احنا بأول الطريق وبكذا يحسون الاعبين بقيمه كل مباراه ومايتهاونون بأي فريق صغير او كبير وانا متفائل ببطوله آسيا بشرط مؤازره الجمهور وبث روح الحماس في الاعبين مو ننتقدهم احنا جمهور عظيم ووافي مع الفريق ع الحلوه والمره ونبي نكون قدوه للأنديه الثانيه مانبيهم يقولون عنا يتباكون مع كل هزيمه ومغرورين وانشألله بأذن الواحد الأحد هزيمتنا خيره علينا ياررب

رساله الى المشرفين ارجوا منكم حذف اي موضوع ينتقد الاعبين وحذف اي عضو يجرح في الاعبين
ولكم ودي