السلام عليكم ورحمة الله وبركاتة
ندخل في الموضوع
الهلال اليوم غير الهلال الي دايم نشوفه في الدوري
اللعب يرفع الضغط أي هجمة أحس إنه خطرة على مرمى الهلال
اللاعبين ماأدري وشفيهم هل النقص أثر ؟؟؟؟
راح أعطيكم رأيي في كل لاعب
1- عبدالله السديري :.
حارس صغير في السن وكل يوم يتعلم أكثر وأكثر ماأقدر أقول عنه أيشئ
الهدف الأول مايتحمله بس الثاني يتحمل نسبة من الهدف
بس أكثر من كورة كانت قول واستطاع السيطره عليها
2- ماجد المرشدي:.
الهدف الأول يتحمل نسبة كبيرة منه أخطاء في الدفاع
بس إن شاء الله ترجع مثل أول
3- هوساوي :.
أخطاء في الدفاع بس موب كثيره ما أدري الكبتنية مأثره عليك أو الظغط
مأثر المهم مستواك جميل بس نتمنى ترجع مثل أول
4- شافي الدوسري :.
لاعب ظهير ممتاز بس الظغط الإيراني كان عليه
ولاكان يساند الهجوم الهلالي
5-نامي :.
أيظا عليه ظغط ولايساند الهجوم
6- أحمد الفريدي :.
خلاص كفاية ياأحمد أنا كنت أقول عليك لاعب مهاري وهادئ بس اليوم
عندك إستهتار وبارد أكثر من هجمة كانت قول وبسببك أنتهت باصات خاطئة
أحس يا أحمد تبي الإحتياط عشان تلعب بحماس أتمنى من المدرب جعل تمارين للفريدي خاصة
ولا يدخل التمارين الجماعية إلى بعد مايصير لاعب حماس قتالي
غريبه من المدرب مفروض يطلع الفريدي ويدخل عزيز من الشوط الأول مو الثاني
الحين بيجي واحد يقول الفريدي حسم بطولات طيب بس يظهر في وحدة والباقي يلعب بارد؟؟
7- رادوي :.
لاعب قتالي حاول يقدم كل الي عنده بس في كان يبي مسانده من عزيز
حاول أكثر من مره التسديد بس ماقدر يسجل
8- ولي :.
والله الإيران ماخلوك تتحرك زي ماتبي بس بعد ماغير مكانك سببت خطورة أتى بسببها هدف حفظ ماء الوجه
9- أحمد علي :.
ما أدري هذا مستواك أو متأثر بأحداث مصر
أخطاء كثير أكثر من هجمة كنت سبب في ضياعها
ما أقدر أنقدك لإن يمكن متأثر بأحداث مصر مثل أي واحد يتأثر بأحداث بلاده
10-الشلهوب :.
مدري وين مكانك البعض يقول محور والبعض يقول على الدائرة في كلتا الحالتي مانفعت لا محور ولا على الدائرة
ما أدري يمكن ماكانك يكون صانع ألعاب أو على الأطراف
11-نواف :. لاعب مهاري بس اذا كان الفريق كله موب في يومه ماتقدر تسوي شيء
وجسمك الصغير راح قدام الإيرانين
12- القرني :.
لك مستقبل كبير بإذن الله دخلت وشفنا اللعب تغير شوي
13- عيسى :.
ما أقول شيئ عائد من إصابة
14- وليد :.
لاعب دخل أخر الوقت مانحكم عليك في هذي المباراة
كالديرون :. مدرب أظهر أسماء شابه بس الخطه فيها تخبط أتمنى من سامي يكلمه ويفهم أماكن اللعيبة والخطة الي تناسبهم
بس أبي أفهم ليه مايلعب عزيز
أنا أتوقع إنه خائن
ويعمل ضدالهلال بسبب التخبطات الي مالها معنى ولا بعد الأهداف الإيرانية يضحك
<< مدربين هذا الزمان أكثرهم خائن مثل قرتس و مدرب الأهلي و مدربين كثار >>
أتمنى إذا الأمر كذا لازم يكون في تدخل
من قبل الإدارة
الاعب الي فقدناه هو ياسر القحطاني لاحظة الهجوم ينقصة ياسر حتى في العرضيات ياسر يتمركز صح
(( لايجي شخص ويقول أنت من جماهير ياسر .... أنا مشجع للهلال ولست مشجع للاعب معين))
أحترم وجهة نظركم ولاكن هذه وجهت نظري
تذكروا اسبانيا خسرت من سويسرا بس حققت كأس العالم وإن شاءالله كبوة جواد
خلونا ننسى المباراة ونفكر في يوم الخميس بعد القادم
ضد النصر
الوضع العادي
