لو فيه خير ما رماه الطير - نادي الهلال السعودي - شبكة الزعيم

الوميض الازرق · #1 01/03/2011, 11:30 PM

بسم الله الرحمن الرحيم

المدرب كالديرون لوفيه خير مارماه نادي الاتحاد والغى عقده ياناس حنا كنا الموسم الماضي افضل نادي محلي

ومن افضل الانديه الاسيويه والعالميه وكان اجانبنا افضل اجانب على مستوى القاره وافضل مدرب

على المستوى المحلي والقاري ولا كن لادري ماذا اصابنا هذا الموسم لامدرب جيد ولاعبين فاشلين

امثال الجيزاني واحمد علي والمرشدي ونامي اتمنى من الاداره الهلاليه النظر في موضوع المدرب

واللاعب احمد على واعادة تياقو نيفز للنادي هل يعقل ان يفرط نادي في لاعب مثل نفيز على

حساب احمد علي

يا ابو فيصل ترانا تعبنا من نامي والمرشدي وامثالهم

بـيـكـ PiCaSsO ــاسو · #2 02/03/2011, 03:41 AM

إذا تبون آسيـــا

المرشدي OUT
نـــامـــي OUT

حمد القصيم · #3 02/03/2011, 03:47 AM

للتوضيح تياقو نيفيز هو من طلب الرحيل من الفريق ،، واصر على طلبه ،،

شكرا لك

هلاليهـ بجنون · #4 02/03/2011, 03:48 AM

ايوه بس كمان ماننسى انه وصل الاتحاد لنهائي اسيا ...هو مدرب كبير بس مدري وش يحس فيه يوم يغير اماكن الاعيبه ....يعني اني اكتشف موهبه خخخخخ

عاد خلووونا من المدرب الحي لان مستحيييييييييل نغيره الحين بنخسر كل شي .....

AlZ3eemah · #5 02/03/2011, 06:20 AM

اللاعبين لعبوا في غير مراكزهم

خطوط الفريق متباعدة

نجح مدرب الفريق في تفكيك الفريق

و خلق الفراغات للخصم و و هدم ما بنيناه

مع كوزمن و جيريتس دفاعا وهجوما

الهلال مع كالديرون لا دفاع و لا هجوم

مصيرنا مصير الاتحاد بالضبط

عــاشـق الـهلال · #6 02/03/2011, 06:22 AM

صحيح هو مدرب ناجح هو من علي يبده تاهلت السعوديه للكاس العالم كابطله للممجوعه
وهو من تاهل الاتحاد معاه الي نصف النهاي
واليوم كبوه جواد وان اشاء الله معوضه في الايام الجايه باذن الله

Inspector · #7 02/03/2011, 09:10 AM

إقتباس

الرسالة الأصلية كتبت بواسطة بـيـكـ PiCaSsO ــاسو


	إذا تبون آسيـــا المرشدي OUT نـــامـــي OUT

إذا تبون آسيـــا

مثل هالمواضيع OUT
مثل هاتعليقات OUT

sm9sm · #8 02/03/2011, 09:21 AM

من بداية الموسم الحالي وواضح ان الفريق يعاني مالياً وفنياً

ويكفي صفقتي الجيزاني واحمد علي

وكل خطوط الفريق ضعيفه ما عدا الوسط فقط

أظهره + مرشدي + محياني+ الجيزاني+ المحترف المصري لابد من تغييرهم

هلالي اكاديمي · #9 02/03/2011, 09:28 AM

الدوري ويخب على الهلال للاسف
اتمنى ان نكون واقعيين
الهلال السنة هذي يركز على الدوري افضل وينسى اسيا
اخ يالقهر من جيريتس وتيفيز الى كالديرون واحمد علي

الوميض الازرق · #10 27/05/2011, 02:00 PM

صدقتوني الحين يوم اقولكم ان ما عنده سالفه

ابوعزوز2020 · #11 27/05/2011, 02:15 PM

لاتنسى الهللال جااب كالديرون لانه يعرف خفايا الدوري السعودي
وكالديرون نجح مع الهلال بتحقيق بطولتين
واذا تقوول البطولات جاات بمجهودات الاعبين
طيب وين مجهودات الاعبين اما الاتحاد
وتراكم الزعجتونا بنفيز بالعربي نفيز مايبي الدوري السعودي
لان مدرب منتخب البرازيل يقوول اذا بتلعب مع المنتخب اللعب بأروبا او بالدوري البرازيلي

ALRAQI · #12 27/05/2011, 02:28 PM

شكرا لك

كالديرون احسن مدرب وافضل من قيريتس

وين قيريتس حقك ما جاب لك اسيا الموسم الماضي

تقبل مروري

teva4ever · #13 27/05/2011, 02:42 PM

إقتباس

الرسالة الأصلية كتبت بواسطة الوميض الازرق


	بسم الله الرحمن الرحيم المدرب كالديرون لوفيه خير مارماه نادي الاتحاد والغى عقده ياناس حنا كنا الموسم الماضي افضل نادي محلي ومن افضل الانديه الاسيويه والعالميه وكان اجانبنا افضل اجانب على مستوى القاره وافضل مدرب على المستوى المحلي والقاري ولا كن لادري ماذا اصابنا هذا الموسم لامدرب جيد ولاعبين فاشلين امثال الجيزاني واحمد علي والمرشدي ونامي اتمنى من الاداره الهلاليه النظر في موضوع المدرب واللاعب احمد على واعادة تياقو نيفز للنادي هل يعقل ان يفرط نادي في لاعب مثل نفيز على حساب احمد علي يا ابو فيصل ترانا تعبنا من نامي والمرشدي وامثالهم

ياخوي تياقو مايبي الهلال ... غصب نجيبه يعني ؟

تحسسني انك ماتدري عن اللهلال شي

يعني تياقو مصرح وقايل لو بجي بيكون تفكيري في البرازيل .. يعني مابي اجي

وبالنسبه لقيريتس ... كان مع الهلال مضبوط ... وهو اللي طلب يرحل .. نربطه ؟

وعلى فكره

مو كل مدرب يفلح علطول

شف قيريتس مع المغرب جايب ام العيد ... ويمكن يقيلونه على فكره

فكر بعقلانيه شوي ... السالفه مهيب جيب ويالله اشتغل

المرشدي ونامي من زمان نقول اوت لكن !ّ!

فتى الثوير · #14 27/05/2011, 02:42 PM

أنا والله أحس اللاعبين خذلوا عبدالرحمن بن مساعد سوالهم كل شيء ( مدرب عالمي ، أجانب على أعلى مستوى ، مكافئات عالية عند تحقيق كأس آسيا ) وبالاخير يكتمون أنفاسنا بقطر و بإيران يضيعون بلنتي وينهزمون وبالرياض نملا الملعب ونطلع مهزومين ....... آسف على الاطاله

عشق للا ابد · #15 27/05/2011, 02:57 PM

إقتباس

الرسالة الأصلية كتبت بواسطة حمد القصيم


	للتوضيح تياقو نيفيز هو من طلب الرحيل من الفريق ،، واصر على طلبه ،، شكرا لك

طيب اننته قلت هوه من طلب الرحيل صح طيب .. الاداره الهلاليه ليش ماتتخذ فيه قرار طالما احنا موقعين عقد معاه لمدة 4 سنوات جاء جمعلهم كم قرش وقال خلاص ابغى اروح وبرضاه وبعدين يبغى يروح بكيفه ليش السكوت على مثل هولاء الاعبين...نفيز من يوم ماراح من الهلال الوسط تايه......