بسم الله الرحمن الرحيم

بعد اللي شفناه اليوم صراحه صدمنا
حاله يرثى لها الصراحه أشباح بالملعب تغييرات غريبه من كالديرون
مافي أداء ولاروح ولا قتاليه بالملعب مركزين على الكرات العرضيه والدخول من العمق
مع أن اللاعبين الإيرانيين متميزين بالشي هذا مافي حلول فرديه ولا جماعيه ولا لعب
الكرات القصيرة وكالديرون مركز على الشلهوب بخانه ماهي له !!!!
حاله الفريق من مباراة الفتح وهو سيء شالسبب ؟؟!!!!
إذا أستمر هالوضع وحنا قدامنا مبارايات قويه الفترة الجايه بكل البطولات
وعندنا ضغط رهيب شراح نسوي اللاعبين متى راح يحسون فينا نحترق عشانهم ويلعبون بأعصابنا
ياخي اللي مو قد الفانيله الزرقاء مع السلامه
أهداف ماتجي حتى بالحواري بطء باللعب وإتكاليه ولاعبين مالهم خلق تقول فايزين 10
وكل هذا الخسارة على أرضنا وبين جمهورنا
ويطالبون الجمهور يحضر وإذا حضرنا خيبو الظن للأسف هذا هو حال لاعبين نادي القرن !!
ما أقول غير الله يرحم زمانك ياسامي وزمن ابو يعقوب
أبو فيصل وأبو عبدالله تكفون شوفو لنا حل مع هالأشباح وربي كل سنه نقول هالسنه هذي لنا
تبتعد سنين إذا اللاعبين مو قد هالبطوله لانشارك من الأساس
أدري أن الوقت بدري والمشوار في بدايته لكن الكل عارف نقطه ضعف الهلال وخصوصا في البطوله الاسيويه
الكرات العرضيه وتقفيل المساحات قدام الهلال للأسف مالقينا لها حل

أخيرا يالاعبين حسوا فينا يكفينا ماجانا