زي ما شفنا في آخر مباريات للهلال..

أتمنى ان ياخذ اللاعبين الصغار في الفريق مساحة أكبر في المشاركة في دوري آسيا..

وإراحة أكثر لاعبي الخبرة (الكبار) وذلك لما شاهدناهـ من روح ظهرت جلية في آخر اللقاءات..

بالعامية.. الهلال مو فريق (تقديس) أسماء وهذا الفرق بينه وبين الفرق الثانية اللي مالهم شغلة ولا مشغله الا المقارنة بين النجم الفلاني ونجوم الهلال اللي كفوا ووفوا..

لما ياسر يضمن خانته سواء أدى أو ما أدى.. في الأخير أكيد ياسر ما حيأدي على الوجه المطلوب..

ولما المرشدي يلعب وهو متأكد أن الدكة مافيها بديل لخانته.. معناته راح يلعب وباله خارج المستطيل الأخضر..

لكن لو ياسر يقعد بجنب كالديرون لحد الدقيقة 60 وبعدين ينزل بديل للجيزاني، أكيد إنه راح يسجل قول.. أو إنه يصنع قول للمحياني..

ولما يكون المرشدي في قمة عافيته وقاعد للجهة الثانية لكالديرون (يعني الجهة اليسار موب قلنا ياسر يمين؟) ذيك الساعة راح نشوف وشلون ينزل وهو تركيزهـ كله على الكورة وبس..

انا ضربت مثلين بياسر والمرشدي مو لأنهم انتهوا.. لا بالعكس.. الا الأثنين تمام التمام، وهنا مربط الفرس ياشباب..

اللاعبين الصغار روحهم أقوى.. ومستوى البذل لأجل اللون أعلى.. وإصرارهم على الخروج بأفضل النتايج واضح كل الوضوح..

أهنيك ياكالدي على اللي تسويه.. وأتمنى أنك تواصل على هالشي وكل مالها الأيام تثبت أنك فعلا ضالة الهلال..

وليس مدربين آخرين أكثر أجراً.. وأكثر إزعاجاً.. الله لا يرد أيامك ياقيرتس واللي سويته في الهلال..

الهلال يوم يكتمل ياهلاليين.. دايم يروح ضحية غرور التكامل.. والتواكل كل لاعب يتواكل على الثاني..

بالتوفيق يارب قدام سابهان.. وصحيح الهلال دايم مطمئن في بداياته.. ولكن هالمرة مدري ليش خايف من سابهان وخصوصاً إنه هازم ذوبهان..

عموما بالتوفيق يازعماء..

كلام سليم بس مو مرره نلعب ب11 لاعب من الصغار هوو لازم يكون فيه مزج بين الاثنين
بس الاسيويه مو وقتها بيني وبينك نلعب ضغاااار بطوله قاريه تدخل بكل ثقلك
عندنا ولي العهد والدوري ممكن نلعب بعناصر من الصغاررر لاباس
بالتووفيق

لاإلهـ إلا الله محمد رسول الله,,


يــاناس ,,


ياعــالم,,


يـاجمهور,,


دعوا الأمور الفنية للجهـــاز الفني ..


وأتركوا الفرضيات التي لاتأتي إلا بالتحطيم للاعب,,


الفريق مُقبل على بطولة قوية والواجب مُساندة جميع اللاعبين..


صار ياسر والمرشدي والفريدي علكة في فم من هو فاضي...


ياخي أبشركـ ياسر مابيعلب يوم الثلاثاء حتى ولوكنت جاهلاً عساكـ ارتحت..


حتى وهو مُصاب لابد أن تذكرهـ بالسوء لكي تزيد عدد الردود في الموضوع..

والمرشدي أفضل الموجودين بكرة القدم..


والفريدي بإذن الله سوف يتركـ البرود عنهـ ويلعب لعب رجولي,,


ياخي الفريق بأمس الحاجة للجمهور وللدعم وأنت جاي تقول لي يضمن خانته..


الهلال يوجد بهـ جهاز فني وجهاز إداري أفضل منك،وأدرى بمصلحة الهلال,,


أتمنى حضوركـ للملعب لمساندة الزعيم ولاترى الكتابة من خلف الشاشات سهلة جداً,,

يآرب التوفيييييييييييييييييييييييييق بوووكرآ

اتفق معك تماما ..
التبديل بين الاعبين يخلق جو منافسسه ..
وكلنا شفنا الروح الممتازه عند الاعبين ..
عموما بالتوفيق للزعيم ..

الله يعافيك ع الطرح

واتفق معك بكل نقطة

وبالتوفيق للزعيم غدا