جمهور الرياض يرد على جمهور الأحساء... - نادي الهلال السعودي - شبكة الزعيم

فارس العمران · #1 27/02/2011, 03:17 PM

بسم الله الرحمن الرحيم

السلام عليكم ورحمة الله وبركاته:

أتمنى من الجمهور بالرياض خصوصا والمناطق المجاورة وكل أنحاء المملكة عموما من يستطيع الحضور ان يحضر واتمنى من جمهور الرياض ان يرد على جمهور الاحساء ويحضر بكثافة خصوصا للاسباب التالية:
1- ان الهلال من الرياض فمن المفترض ان يكون الحضور اكثر
2- هذي المباراة اهم من مباراة الفتح لانها في آسيا
3- جمهور الاحساء ماقصر يمكن وصل عدد الجمهور كأقل تقدير إلى 18 ألف نبي الرد يكون لجمهور الرياض وان يحضر على الاقل 20 ألف

جمهور الهلال الحضور ثم التشجيع

التذاكر ستطرح اليوم في الساعة الرابعة والنصف عصرا

وتشكيلة الهلال في المباراة وصلتني من مصدر خاص انها ستكون هذي اقرب تشكيلة وهي:
1- العتيبي
2- شافي
3- المرشدي
4- هوساوي
5- نامي
6- عزيز
7- رادوي
8- الشلهوب
9- العابد
10- ويلهامسون
11- أحمد علي

على العموم بالتوفيق للزعيم.
ولاتنسوا الحضووووووووووووووووووووووووووووووور..

wem11 · #2 27/02/2011, 05:41 PM

جمهور الهلال مايحتاج لدعوه وان شاء الله بيكون ع الموعد

هلالي رووق · #3 27/02/2011, 05:44 PM

الجمهوور مايحتاج دعوه

وانا اول الحاضرين ان شاء الله

بالتوفيق للزعيم

هند الشمري · #4 27/02/2011, 05:44 PM

بالتوفيــق للزعيم

وإن شاء الله يبيضون الوجـه جمآهير الريـآض ( مع إني ماظنيت يتعدون الـ 10،000 )

.

عوافي

.

نواف الناصر · #5 27/02/2011, 06:03 PM

الله يوفق زعيمنا

تشكر اخوي

بريـsee_youـداوي · #6 27/02/2011, 06:07 PM

صحيح ان جمهور الهلال مايحتاج دعوه

لكن جمهور الرياض يحتاج دعوااااات

وزين اذا امتلئت الواجهه

وشكرا

بالتوفيق لزعيمنا

مجنون بحبك يآ زعيم · #7 27/02/2011, 06:36 PM

والله كنت أتمنى مسقط رآس النآدي في الدمآم بس !

تكفووون مآنبي الوآجهه نبي الملعب كله فل وقسمآ بآيآت الله الي وصلني وبيروحون الريآض يوم الثلاثآء أن شاء الله من الدمآم تقريبآ 32 شخص والي مآ نعرف عنه مدري كم بيكونو هذولآ من الدمآم

تكفون يآ جمهور الريآض نبي الفرحه فرحتين الفوز والجمهور

وارثــ الزعامه ــــة · #8 27/02/2011, 06:40 PM

جمهور الهلال في الرياض يحتاج الف دعوه ودعوه وزود عليها حب خشوم وشرهآآآت ..
لكن نقول الأمل في الله كبير وفي شعبية الهلال في المناطق القريبه من الريآض : )

ميسيدونا القحطاني · #9 27/02/2011, 06:44 PM

اي والله ياشباب الرياض تكفون لاتفشلونا نبي حضور يبيض الوجه لاتنسون السنة ذي الفقراوية مشاركين يعني لو حضر جمهورهم اكثر من جمهورنا بيمسكوها علينا الى عام 2022 ههههههههههه

كابتشينو · #10 27/02/2011, 06:44 PM

تكفون ياجمهور الرياض العشم فيكم
ألحين بيقارنون جماهير الأندية من مباريات آسيا
وإن شاء الله أكون من الحاضرين

مـٍلآمـح شمـآلـيّ · #11 27/02/2011, 06:47 PM

انتو ماتدرون يعني الهلال مبارياته كثيرة بالرياض الجمهور مو فاضي كل اسبوع طاب بالملعب .
عكس المدن الثانية اللي تشوف الهلال بالسنة مرة او مرتين يلعب بملعبها وعشان كذا يلقونها فرصة لحضور الملعب ويكون الجمهور غثير
وصلت الفكرة انشاء الله ...

مخاوي الهلال20 · #12 27/02/2011, 06:50 PM

ان شاء الله حاضرين والله يوفق الزعيم .

وارثــ الزعامه ــــة · #13 27/02/2011, 06:56 PM

إقتباس

الرسالة الأصلية كتبت بواسطة HILALY 3R3R


	انتو ماتدرون يعني الهلال مبارياته كثيرة بالرياض الجمهور مو فاضي كل اسبوع طاب بالملعب . عكس المدن الثانية اللي تشوف الهلال بالسنة مرة او مرتين يلعب بملعبها وعشان كذا يلقونها فرصة لحضور الملعب ويكون الجمهور غثير وصلت الفكرة انشاء الله ...

لا مآوصلت كلهآ : )
جمهور النصر هزيمه ورأ هزيمه من سنين ومع ذلك يحضر في الرياض ويساند فريقه
الأتحاد يملى الأستآد في جده ..
الهلال يفوز ويطرب ويمتع
وين المشكله اذا كل اسبوع طبيت الملعب !!
بدل مانت فآضي لاهنت احضر وساند مو شاطر في التحطيم شيلو هالاعب لعبوا هالاعب ..

EPSON · #14 27/02/2011, 08:36 PM

مع احترامي لك اخي الكريم .... تشبيه جمهور الاحساء او الشرقيه بالرياض ظلم واضح لجمهور الشرقيه ... تقارن جمهور يحضر بي 20الف مع 5الاف او7 على الاكثر ... جمهور الرياض فضحنا

قناص الشرقية · #15 27/02/2011, 08:39 PM

والله اتمنى من جمهور الرياض الحضور بكثافه لكن مع احترامي لهم مخيبين ظننا في كثير من المباريات .

الله يوفق الزعيم