هآم لشبيه الريح ولشركة موبآيلي // الدخـول في مباراة سباهان الإيرآني يوم الثلاثاء يجب أن يكون ( مـجـآنـي ) لـعـدة أسباب ........... التفاصيل - نادي الهلال السعودي - شبكة الزعيم

شمشوم الهلالي · #1 26/02/2011, 12:31 PM

السلام عليكم ورحمة الله وبركاته :

إإتمنى من شبيه الريح أبو فيصل والشريك الاستراتيجي مـوبـآيـلـي أن يـعـلنوا الدخول مـجـانـاً لمباراة الهلال الأولى أمام سبهان الإيراني يوم الثلاثاء في دوري أبطال آسيا لعدة أسباب :
1- المباراة ستكون يوم ثلاثاء وجمهور الهلال ( بالرياض ) مستحيل الحضور يتعدى 10,000 متفرج في يوم يكون ليلة دوامات ,, هذآ مع إن المباراة تنتهي الساعه 10 وكل الموظفين والطلاب في الألفيه الجديده ما ينامون قبل 12 ومع ذلك أهل الرياض رآعين استراحات ومقاهي وبيت ..
2- إذا صار الحضور مجآني صحيح بيجون أعداد كبـيره ما يفهمون كوره ولكن : على الأقل يجون يشجعون ويرقصون وهم ما يدرون من اللي يلعب ولـكـن بعض اللي يحضر بفلوس يجي علشان يتفرج ويقشم حب ويطلع قبل ماتنتهي المباراة بـ 10 دقايق سواءً الفريق فآآيز أو مهزووم علشان يمشي قبل الزحمه !!!
3- تكون هديه من موبايلي لجمآهير الزعيييم بمناسبة عودة خآدم الحرمين الشريفين سالماً معافا إلى أرض الوطن ..
4- جمآآهير الهلال بالرياض في تصوري أنها لن تحضر بكثافه كما اعتدنا في السنوات الماضيه في البطولة الآسيويه بسبب أنها يأست من هذه البطوله , وقد يكون الدخوول المجاني محفز للبعض للحضور ..

أخيراً حتى لو الدخول مو مجآآآني تكفووووووووووون يآ أهل الرياض والخرج وسدير والمزاحميه أحضرووا يوم الثلاثاء لعيووون عبدالرحمن بن مساعد اللي عآآد للرئاسه بسبب كلمة ( مآعاد نبي آسيويه .. نبغآك أنت يآ شبيه الريح )

فلآ تخيبوا ظنه ودعووها بدآية خير يوم الثلاثاء أمام سباهان الفريق الأقوى بالمجموعه ..

ولآ تنسون النصر مشآرك في البطوله وأكيد نآوين يتعدون جمهور الهلال في الحضوور ,,
وحــلآتــهــآ الهلال يكون بطل لآسيا 2011 بوجود الأصفرين معاً ..

حمـ(الهلالي)ــد · #2 26/02/2011, 03:15 PM

رأيك ويحترم .. لكن اذا صار مجاني انا احد الجماهير اللتي لن تحضر .. المجاني يأتي لنا بمخلوقات من بعض أحياء الرياض سيئة ومسيئة وغريبة ولاتهما كرة القدم ولا لهلال وانما حضورهم لأمور يعلمها الجميع ولانود التطرق لها ..

واحد من جمهور الزعيم · #3 26/02/2011, 03:24 PM

اتمنى حضور 50 ألف << يحلم

طيب 25 ألف << ممكن

مع اني عارف ان الحضور ماراح يتعدى 15 ألف
لان جمهور الرياض راعين مقاهي و استراحات
الله يعين و ياليت يخيبون ظني و نششوف أكثر من 15 ألف مشجع و ليس متفرج

هلااالي مدريدي · #4 26/02/2011, 03:25 PM

انا مع الاخ حمـ(الهلالي)ــد

ومن الاسباب اللي بتمنع الحضور المجاني كثرة المندسين وكثرة الاطفال وغيرها من الاسباب

عموما
معروف جمهور الرياض يحضر في الاسيوية بشكل كبير
حتى لو كان يوم دوامات

واعتقد الحضور لن يقل عن ال15الف

وان شاء الله اكثر

الحمدلله اني هلالي.! · #5 26/02/2011, 03:34 PM

جمهور الهلال في مباراة دعم الرشيد مع حملات للمباراة ويوم اربعااء ومع ذلك كان أقل من 10الآف
فما بالك في مباراة يوم ثلاثاء ومباراة افتتاحية لبطولة ع مدار موسمين!!!!وفي الرياض!!!
اتوقع الحضور 9الآف ان تعدى التسعة الآف زيييييييين والله

أسير الزعامه · #6 26/02/2011, 03:44 PM

طول هالسنين وجمهور الرياض يحضر بـ 75 ألف و50 ألف و40 ألف والحين صار جمهور مقاهي وبيت وأستراحآت

الله يخلف عليك أنت وياه ^_^

...وافي... · #7 26/02/2011, 03:51 PM

لا والله لا يفتحون الملعب ولا هم يحزنون ...

اخي الكريم ..

حنا ما علينا ما آآسيويه ولا غيره ...

حنا نحظر لهلالنا ...لمتعتنا ...

وليس كمن يحظر من اجل بطوله او من أجل فوز في مباراة معينه ..

الحمد لله فايزين طول الموسم والبطولات متزعمين آسيا فيها ...

اخشى ما اخشاه اخي الكريم ...من جمهور اولائك الأنديه....

على العموم يعطيك العافيه ..

وافــــــــــــــــــــــــــــــــــــــــــــــــــــــــــــــــــــــــــــــي

3ash8.alz3im · #8 26/02/2011, 04:19 PM

إقتباس

الرسالة الأصلية كتبت بواسطة حمـ(الهلالي)ــد


	رأيك ويحترم .. لكن اذا صار مجاني انا احد الجماهير اللتي لن تحضر .. المجاني يأتي لنا بمخلوقات من بعض أحياء الرياض سيئة ومسيئة وغريبة ولاتهما كرة القدم ولا لهلال وانما حضورهم لأمور يعلمها الجميع ولانود التطرق لها ..

صصدقت وآلله ..

بيجوون نآآس مآيعرفوون آلكوره ولآتهمهم بسس بيجوون يخربوون سمعة آلهلآل وآلسعوديه عآمه ..

لكن آن شآء آلله بينتلي آلملعب ونفووز آن شاء الله ,,

وبتوفيق للهلال ~

عالي الشان · #9 26/02/2011, 04:26 PM

اتوقع اذا المباراة بتذاكر بيكون الحضور 7 الالاف بالكثير

لكذا سبب :
مستوى الهلال السيئ في المباراة الاخيرة
غياب النجوم واهمهم ياسر ( لما تتذكر ان المصري والجيزاني روس حربه تتشائم )
الحماس لكاس اسيا مهوب مثل العام الماضي واللي قبله
موعد المباراة ( ثلاثاء وليلة دوام )

اذا المباراة مجانية ممكن الحضور يتضاعف ويوصل 15 الف ولكن كثير منهم من عينات الشكشكه واللي ما يدرون المباراة بين مين ومين

زعيـــم الملاعب · #10 26/02/2011, 04:49 PM

المسألة موب مسألة دخول مجاني ولا موب مجاني
بالعكس افضل انه مايكون مجاني لأن على ماقال المشرف العزيز بيجونا جماهير المسيار
لكن يوم البطوله جدن غلط جاي يوم ثلاثاء فصعبة نوعا ما
بس ان شالله جماهير الهلال ماتقصر ولا يوقف بوجهها لا ثلاثاء ولا غيره

عبدالله 16 · #11 26/02/2011, 04:57 PM

ما اتمنى يكون مجاني

وجمهور الهلال بيكون حاضر بكثافة بسبب انها الاسيوية وما اعتقد الطموح بيكون اقل

العام والان المتسوى متقارب بشرط القتاللية والروح

ارين14 · #12 26/02/2011, 05:22 PM

انا مع الاخ حمـ(الهلالي)ــد

ومن الاسباب اللي بتمنع الحضور المجاني كثرة المندسين وكثرة الاطفال وغيرها من الاسباب

عموما
معروف جمهور الرياض يحضر في الاسيوية بشكل كبير
حتى لو كان يوم دوامات

واعتقد الحضور لن يقل عن ال15الف

وان شاء الله اكثر

هـ 3boodiـلالي · #13 26/02/2011, 05:50 PM

مـآنبي دخـؤل مجـآنـي

فـآآضيين للمحنسه

والقرؤشه

شمشوم الهلالي · #14 26/02/2011, 07:07 PM

أنا ما قلت أتمنى الحضور مجاآني إلا لأنه بيزيد عدد الحضور بشكل كبير ,,

والمحنسه وطقتهم بيجون يشجعون ويصارخون احسن من اللي يدفع مبلغ التذكره ويقعد طول المباراة ساكت ولا يشجع ..

أحترم آرائكم ولا كنت لا زلت عند رأيي

ولد راشد$ · #15 26/02/2011, 07:14 PM

انشالله حاظرين حاظرين مجاني ولا بفلوس الله لايعوق
بشرر