السلام عليكم ورحمة الله وبركاته

اولاً مبرووك على الفوز وعلى المستوى الرائع الذي قدمه الاعبين

انا حبيت اطرح هذا الموضوع واشوف من اللي معاي في وجهة النظر ومن اللي ضدي

التدخين في الملاعب والله شي مايحتمل صراحه واحد يخلص الثاني يشبك وكلا كذا الى ان انتهت المباراه (امس طبعاً)
طيب انا داخل اشوووف مباراه ولا داخل قهوه؟
والشي الثاني اللي هو الوقوف طوااال وقت المباراه حنا دافعين 20 ريال حق نظل واقفين وش الفايده طيب خل الفلوس على جنب التعب 90 دقيقه واقف وان قعدت ماشفت شي

صراحه هذا التخلف لا يطاق

وانا من الآن اقولها لن ادخل الملاعب مره ثانيه الا بعد قرار منع التدخين في الملاعب

وفي الختام السلام

أحترم اي وجهة نظر ولو كانت ضدي

الان مرحلة حسم للزعيم

ونطالب بحضور الجماهير

وانت تسوي حملة لن نحضر المباريات

عشنا وشفنا

والله انك صادق ياخوي

بالنسبه للتدخين من 5 سنوات
اول مره احضر والي جنبي مافي حد يدخن
وربي جالس التلفلت يسار يمين واحمد ربي

بالنسبه للووقوف وربي تعبنا
في ناس ماتفهم ياخي شف لك كرسي حتى لو تروح الدرجه الثانيه ماعتقد فيها اي مشكله
المهم تجلس ولاتخلي كل واحد يصدع راسك طول المباره

يعطيك العافيه على الموضوع

فله..شمعه.. منوره ..طبعا معاك -_-

الهلال في وقت صعب اكامه مباريات الدوري و ولي العهد و اسيا و انت تسوي حمله لن نحضر المباريات

حبيبي ماتبي تحضـر بسلآمتك فيه مليون مشجع بيحضر غيرك الله لآيهينك !

انا معااااااااااااااك لا مرحله حااسمه ولا هم يحزنوون والله انا ماني بايع الرئه عندي يعني انا والله ما احضر لسبب هذا ويجونك نااس يووقفوون تنكتم الله يعين بس

ياساتر حمله لعدم الحضور شكلك ماتعرف جماهير الهلال
معاك ياهلال بالحلوه والمره
التشجيع والحماس في الملعب والجلوس وشرب الشاهي في البيت

السلا م عليكم ورحمة الله

اسعد الله صباحك,, اعتقد انه من الاجدر وضع حملة لا للتدخين فى الملاعب , بدل نهج المقاطعه التى لا تجدى

وبالاصح لا تهدف للهدف الاسمى وهو منع التدخين .

وانا اعتقد انه من الاساس والمفترض بوجود قانون يمنع التدخين فى الاماكن المغلقه اولاً واماكن التجمعات مثل الملاعب وغيرها


افكار بسيطه :

توقيع فى المنتيدأت (ابسطها )

لافتات او شعارات تعرض اثناء المباريات ( تؤدي الغرض بمصاحبة وتركيز الاعلام )

المشاركه فى القنوات الاعلاميه الرياضيه وطرح هذا الموضوع

عريضة تقدم إلى رعاية الشباب ( سوف تلقى الاثر الاكبر)

اتمنى ان يقوم اي عضو يؤيد هذه الفكره بعمل احد هذه الافكار وسوف تجد الاثر الكبير

اتمنى ان يدلى الاعضاء ببعض افكارهم

أخوي انت غشيم اصلا المشجعين الشباب اغلبهم مدخنين واللي مايدخنون اصلا هذولا مايجون للملعب لان اهلهم مايسمحون لهم بالخروج ..................لذلك التدخين لن يمنع وانصحك تصير باعلى المدرجات علشان الهواء وتبتعد عن الزحام وغيركذامستحيل

بس سؤال صغير اهو ما همته صحته وقاعد يدخن

تبيه ما يدخن عشان صحتك

بالعقل ما تصير صدقني صعبه مره ..

لا تحضر انت كيفك لكن حملة على وشو ><
المفروض تشجعهم على الحضور مو حملة لا للحضور
الهلال مقبل على منعطف هااام سوآء في الدوري او كآس آسيا
و منع التدخين انا اقولها لك صعب صعب


العنوان ؟؟؟؟؟؟؟؟؟؟؟؟

أي حملة يرحم والديك احنا نبي الجمهور يحضر وأنت تقول حملة أوكيه حملو لمنع التدخين وليس لعدم الحضور أحترم وجهة نظرك ولكن ليه ما تغير مكانك أحسن هذه وجهة نظري

انا عارف الحين اكثر اللي ردوا مدخنين وبعضهم مغرمين بالهلال وانا قلت احترم كل وجهة نظر ولكن نحن نريد رفع خطاب او تصريح او اي شي يقولوا للمدخنين ممنوع التدخين واللي يبي يدخن يطلع بين الشوطين يدخن ويرجع

وانا مااقصد الحين نقاطع الهلال ولا احد يطب ملعب عشان مجرد دخااان لا والف لا والهلال يسواهم كلهم لكن لا نريد تدخيين وبس