الصراحه ماكان ودي اتكلم عن بلاتشي ابدا بس اللي شفته ماينسكت عليه الصراحه مستوى الهلال سيء سيء وطريقته وخطته غير مجديه خصوصا مع الهلال لانه يملك عناصر هجوميه فعاله ويمكن طريقته تنفع مع النصر او الاتفاق بس مع الهلال ماتنفع .انتم لو لاحظتو مباريات الهلال مع بلاتشي تجدون نسبه امتلاك الكره تكون اكبر للفريق المقابل دائما ولاتقولون ان المهم النقاط وليس المستوى هذا الكلام غير صحيح , الفريق لما يمتلك الكره اكثر معناها انه متوزع صح وانه يلعب بخطه وتكتيك معروف ومحفوظ لدى اللاعبين اما طريقه السيد بلاتشي فهي عقيمه جدا لانه يعتمد على مهاجم واحد وخمسه لاعبين وسط ممايؤدي الى لخبطه الادوار والاتكاليه والى ضغط الفريق المقابل على الفريق , ايضا وجود مهاجمين اثنين ثابتين يؤدي الى تراجع خط الدفاع والمحاور وبقائهم في ملعبهم , المشكله ان الهلال كان طول عمره يمسك اللعب مع اي فريق ويحرقه بالهجمات من كل الجهات ويضغط لحد مايسجل ويفوز حتى الاتحاد كان ماسك اللعب وضاغط لحد ماسجل التعادل نفس الشي النصر كان الهلال متقدم وضغط النصر لين ماسجل التعادل .... الى متى الهلال يدافع يدافع وهو الزعيم وافضل فريق حاليا راحت نقاطنا بتعادلات مالها اي داعي ببركات السيد بلاتشي حتى سامي المسكين كان يقاتل وحيدا مايدري هو يروح للجناح او يرجع نص او يثبت داخل الصندوق الحقيقه بلاتشي دهورنا وبس . احرج يوسف يوم نزله قدام الاتحاد اساسي مو انتقاص بحق يوسف بس يوسف محله خلف المهاجمين اي صانع العاب ولازم يكون فيه مهاجمين علشان يرشهم بكراته السامه لكن المصيبه انه لعب يوسف مهاجم متأخر مما ضيع لياقته عالفاضي .المفروض كان نفوز على النصر والاتحاد اقل شي 3 او 4 لان لما تقدم الهلال بهدف ليش يدافع وليش يخلي الخصم يضغط ليش مايستغل اندفاع الخصم وليش مايدافع بالهجوم الدفاع عمره مانفع للهلال حتى انكم تلاحظون ماعمر الهلال حافظ على تقدمه ابدا لازم يكون متأخر وبعدين يقلبها اللي ابي اقوله ان طريقه بلاتشي الدفاعيه تبي تودينا بداهيه وفريق يلعب له سامي والجمعان والشلهوب والدوخي والثنيان والتمياط والخثران لازم يحرق بالفرق كلها مهوب العكس وسلامتكم

والله انك صادق .... بس ما باليد حيله مع هالمدرب العنيد .....
لأن طريقته عقيمه واول ثمارها ضياع اربع نقاط مهمه جدا (اخاف نندم عليها)
نرجوا من الأداره التدخل باسرع وقت ممكن لحل هذه المشكله

اخوي بدر.
لاتستبق الاحداث بالاتشي مدرب معروف اللي تصدر الدورالاول واكثرالدور الثاني بدون لعيبة المنتخب داهيه ولاهو بعجزان يحقق بطوله في وجود النجوم .
اماسران النصر يضغط على الهلال هذي مافيها اسرار عندهم عسل يخلي الواحد يطامر من يوم تبدء المباراة الى ان تنتهي لا ويروح لبيتهم كعابي !!!!!