#1  
قديم 23/02/2011, 08:53 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
Post «¤¶` سفير النوايا الحسنه " ḾŎĤǍṀẠḊ ".. ضيفاً على / حياة @ نت / بالمجلس العام `¶¤»



فكرة /الماسه الزرقاء
تصميم / معــذبهم
اعداد / الهلالي دائما- الهنوووف

بكل الحب والمودة نرحب بأعضائنا وزوارنا الكرام
وكما عودناكم ها نحن نعود من جديد مع برنامجكم

والذي يحكي فيها ضيفنا عن سيرته وحياته في العالم الافتراضي , عالم الشبكة العنكبوتية وعالمه في شبكة الزعيم .


وضيفنا في هذا العدد عضو مبدع بزغ نجمه في المجلس العام
من خلال مشاركاته الرائعة وحضوره الفعال وتميزه (بالنقاء والصفاء )
كان ضمن فريق اخبار المجلس وهو الآن أحد أعضاء اللجنة الإعلامية بشبكة الزعيم
لحضوره نكهة خاصة وكريزما فاتنه ..يعشق الادب وله ذائقة خاصة جداً ..
ضيفنا و ضيفكم في هذا العدد من حياة @ نت هو الرائع دائماً :

ḾŎĤǍṀẠḊ


والله مدري من وين ابداء او وش اقول من دريت عن الموضوع وانا كل ما اجي ابي اكتبه اتوقف مدري وش السبب ..
لكن نتوكل على الله ونبداء باستعراض الذكريات

** النت عالم مجهوول**

كان عالم النت شي مجهول تماماً بالنسبه لي
كنت اسممع الوالد يتكلم مع بعض الجيران عن هالـ الانترنت
اذكر ذيك الايام ايام الشيشان والاخبار الجهاد والوشسمه ذاك كله <
فارتبط ببالي ان النت للاخبار واستمرت الحياه ع ان النت للاخبار
ليين بديت اسمع من الطلاب عن النت وعن الشات والمواقع وانتظر احد يجيب طاري الاخبار شي
العالم كله تتكلم عن الفله والسواليف والزي منهو
لييين قررت اني اجرب هذا المدعو بالنت بنفسي لكن المشكله ان بيتنا ما فيه نت
اذكر كان عندنا جهاز مكتبي العاب واناشيد وخرابيط
اذكر ان فيه شي كيذا ازرق مدري شلون قايل << علامه الاكسبلولر ومدري وش وظيفتها بالحياه خخخخخ
حاولت اكلم الوالد انا ندخل نت بالبييت لكن كان السوال الي ماله جواب مقنع
وش الفايده منه ؟
ليين ما مره وانا ببيت جدي الله يرحمه اسمع خبر ان خالتي اقنعت جدي ودخلوا النت ببيتهم
وعلى طوول عند خالتي ابي اجرب النت خخخخخ
طبعا بعد ما قلت لامي وصدرت الموافقه من امي بس بشرط ان خالتي تراقبني وانا استخدمه
وانا وقتها والله مدري عن شي بس تراقبني تراقبني اصلا انا ابيها تعلمني عليه خخخخخ
المهم اول موقع كان العم والشيخ والفاسق وكل شي
قووقل اول شي سويته دخلت اسم ابوي بقوقل
لاني اذكر مره سمعت واحد من الجيران يقول يبو محمد منزلين لك مدري وشو بالنت
بس البلا احط اسم ابوي يطلع لي لاعب قطري
اسمه نفس اسم ابوي
عاد ما كملت ربع ساعه الا خالتي تقولي خلاص انتهى الوقت وتاخذ الابتوب وتجلس تتصفح هي
عاد بعدها صرت كل ما اروح بيت جدي يعني تقريبا اسبوعياَ اخذ الابتوب منها شوي واطقطق على هالقوقل
طبعا بدى ادمان النت وصرت احيناَ من زود صله الرحم
بوسط الاسبوع اروح اسلم على جدي وجدتي الله يرحمهم
لييين ما مليت صراحه ورحت كلمت امي
بحكم ان ابوي بذيك الفتره كان كثير السفر فيالله اشوف عشان اقوله بدخل نت بالبيت
وقلت لها اني بشري كونكت بفلوسي << كل ما اتذكر كلمه بفلوسي ذي استحي على وججهي
واني مليت ووش يفرق النت هنا عن بيت جدي ومن ذا الكلام
وتمت الموافقه ولكن تحت التجربه والحممد لله طيحت البييت كله بادمان النت
وبعدها سوينا مظاهره واعتصمنا بميدان التحرير ببيتنا <<
وطقينا مودم مب كل ما احد شبك الكونكت الا واحد فوق راسه اخلص ابيها

** عالم ترافيان **


من اكثر الاشياء الي شدتني للنت هاللعبه اللي اسمها ترافيان كانت اددمان بشككل غير طبيعي
طوول الوقت تفكر بالقريه هاه جاها شي لا يكون جاني هجوم وانا مدري متى يمدي اطلع جنود
تمشي بالشارع تشوف الشجر تتذكر الخشب اللي بالقريه اذكر كانت لي اكثر من قريه باكثر من سيرفر
لكن الي استمريت فيها وحسسيت بطعم اللعبه كانت بالسيرفر العاشر
وانتهت المغامره ببيع القريه والحمد لله عوضت الي خسرته فيها من الذهب وغييره

** المنتديات**
ببدايتي بالنت كنت متحممس جداَ
كنت اتابع الساحات العربيه لين ما تقفلت وبعدها حولت على بناء واستمريت على بناء لين فتره قريبه
تقريباَ لين ما بدت الهجمات عليه وحجبه وتغير الرابط لين ما تركته نهائياَ
ايضاَ شاركت بكم منتدى بس غالباَ كلها كم اسبوع وامل واسحب عليهم
ما عدا شبكه الزعييم هي الوحيده الي استمريت فيها


** شبكه الزعييم **

شبكه الزعييم تعرفت عليها من خلال قوقل
بما اني هلالي اكيد راح ابحث عن الهلال في قوقل << مدور على ابوي ما تبوني ادور على الهلال
كنت في البدايه متابع في البدايه لمنتدى الجمهوور لين ما جاء في بالي لييه ما اكتب موضوع
فسجلت لكن مليت من الانتظار مثل اغلب الاعضاء لين ما جتني رساله ع البريد انه تم تفعيل يوزرك بالشببكه
الضاهر بعد ما انلطعت 6 مدري 7 شهور طبعا شفت تاريخ تسجيلي واول مشاركه لي
والا تخيلوا اني للحين اذكر كم انلطعت مثل بعض الاعضاء وبدينا المشاركات بمنتدى الجمهور كردود فقط
طبعا شبكه الزعيم كانت بالنسبه لي هي منتدى الجمهور وما توقعت اني راح احصل في ها منتديات ثانيه او شي
كنت على طوول من قوقل على منتدى الجمهور مباشره
ليين ما مرت علي فتره فضاوه كنت شبه مرافق لجدتي الله يرحمها بالمستشفى
فطبعا كان معي الابتوب والكونكت
ومره ظغطت على رابط بتوقيع واحد من الاعضاء كان موضوع بالمجلس العام
طبعا من اول المواضيع الي شفتها واذكرها للحين موضوع شفته كانت حفله لبنات من المجلس مسوينها
اذكر كان فيه صووره لبيتزا للحين ما انساها خخخخخخخ
حاولت اذكر اسم الي نزل الموضوع عجزت وفيه اسم براسي بس مب متاكد
ومب قاليه خل نشوف شيبان المجلس اذا يذكرونه او لا
المهم بعد هالزياره صرت كل ما خلصت من منتدى الجمهور اسير على المجلس
وكنت اكتفي بالمتابعه فقط
ليين طحت ذاك اليوم بمسابقات ثقافيه كانت تصيير كل اسبوع بالمجلس على ما اذككر
وبرظوا كان فيه مسابقه ما اذكر وشي بالظبط
بس كانت هي سبب تعرفي على اول شخص بالزعييم اللي هو الغالي الغايب : هلالي 911
ومن بعدها بديت مشاركات بالمجلس وطبعا ردود فقط
ما عادا موضوع واحد فقط
الي هو مليونيه المجلس العام فييه احلا من هييك موضوع ؟


** الاخبار **

بدايتي بالاخبار
من خلال رد الغالي هلالي من ارض اليمن بواحد من الشاتات
انهم بحاجه لمعدين اخبار صحف قلت ورى ما أجرب
وارسل لطارق << طبعاَ ايام اليوزر الفضي
المهم ارسلت له وانظميت لفرييق اخبار المجلس استمرييت باخبار المجلس حوالي السبع شهور
كانت من احلى الايام بالنسبه لي بالنت ومتاكد ما راح ترجع
ليين ما عرض علي الغالي سامي ( رسام الاحاسيس ) اني انظم للجنه الاعلاميه بالموقع
وصراحه ترددت كثير لكن الحممد لله لقيت الدعم من الغالي سامي الي ما قصر معي باي شي
وبرضوا من اخوي وصديقي الغالي ماجد مقبل اووه اقصد الهلالي دائماَ
وللحين مع هاللجنه الي الواحد يفتخر انه عضو فيها


** صداقاتي بالمجلس **

من الطبيعي انه يكون عندك صداقات بالنت
وبعضهم تتطور العلاقه معهم لين تصيير مطعم هندي او كودو بالمدينه
حقيقه بالمجلس العام كسبت اخوان لي ولهم معزه وتقدير
والحممد لله تعرفت على كثير من الاعضاء سواء على الماسنجر او بالجوال او حتى قابلتهم وطلعت معهم
من اكثر الاعضاء الي لي علاقه فيه ونادر ما يمر يوم بدون ما اسولف معه سواء جوال او مسن هو الغالي عبدالله ( فيلسوف زمانه )
وبعد الغالي ماجد مقبل صديقي الصدوق راعي الكرم والجود << يبي لها صح مسلا ذي يبو مقبل
و الغالي سامي رسام الاحاسيس
وياسر وعادل والمعرس هلالي مدريدي
وأبو زياد ( عطارد ) وراعي البندول المشاغب
الخ الخ الخ تعبت والله وانا اذكر


في الختام
محمد مجرد انسان ان كان في يوم اخطيييت على احد بقصد او بدون قصد
اتمنى منه انه يسامحني وان كان يبيني اعتذر له انا حاضر

كل الشككر للغالي الهلالي دائماَ على هالفرصه
وايضا الشكر لجميع مشرفي واستشاري المجلس

نستقبل جميع الملاحظات وصبااحكم فل
<< من زمان عن النقاء والصفاء

ونحن بدورنا نشكر المتميزḾŎĤǍṀẠḊ
على هذا الحديث الجميل ومشاركتنا في حياة @ نت
متمنين له دوام التوفيق والنجاح .

للإطلاع على الحلقات السابقه لـ ضيوف حياة@نت

«¤¶`أرشيف حياة نت " `¶¤»


تقبلوا أرق التحايا وأطيبها من
مشرفي واستشاريي
منتدى المجلس العام


  #2  
قديم 23/02/2011, 10:13 AM
الصورة الرمزية الخاصة بـ الوليد الهليل
عضو لجنة التغطيات بالموقع الرسمي لنادي الهلال
تاريخ التسجيل: 25/10/2009
المكان: هنا الرياض
مشاركات: 3,086
فكرة /الماسه الزرقاء
تصميم / معــذبهم
اعداد / الهلالي دائما- الهنوووف

جهود جبارة تستحقون الشكر عليها ,,
رعاكم الله ,

ḾŎĤǍṀẠḊ
اجبر الناس على حبك ,
من اعز الاشخاص فـ الموقع ,
مميز بطرحه مميز بمشاركاتة ,



تحياتي لكم طاقم المجلس العام ,

الوليد العنزي
  #3  
قديم 23/02/2011, 10:15 AM
عضو تحرير مجلة الزعيم
تاريخ التسجيل: 21/08/2009
المكان: الرياض
مشاركات: 2,438
أإهلآ وسهلآ بـ ḾŎĤǍṀẠḊ

حيأإتك بهالعالم جميل جدا .. وبديآإتك أإيضا ..
أإعجبني أإسلوبك الرائع .. في كاتبة ماإعلآه
هههههههههه ذكرتني ببدآإيآتي هنآإ .. مآأإعرف الا منتدى الجمهور ..



إقتباس
فكرة /الماسه الزرقاء
تصميم / معــذبهم
اعداد / الهلالي دائما- الهنوووف

يعطيكم أإلف عآإفية .. نستمتع دوم في أإبدعآإتكم

دمتو في حفظ الرحمن


  #4  
قديم 23/02/2011, 10:23 AM
الصورة الرمزية الخاصة بـ عادل بن ساعد
رئيس تحرير مجلة طله
تاريخ التسجيل: 26/10/2009
المكان: . في قلب من عرفني .
مشاركات: 2,196
سفير النوايا الحسنه




برب
-------------------------------
بآك
أولاً كإعتراف : محمد شخص طيب و كريم , الي عرفني فيه كان يكتب
حرف الذال ( ظ) ، فمثلاً : ذكي يكتبها ظكي
صراحه قلت اكيد ان الآدمي مو عارف ان فيه حرف إسمه الذال
أرسلت له رساله على الخاص أوضح له السالفه
و من وقتها الى يومك و نحن عل تواصل
حيّاة نت جميله و ممتعه ::
و واحد من أعز من عرفت هنا حقيقة
أسأل الله ان يجمعني و اياك يا محمد و الأحبه في الدنيا و الآخره ..
و أن يسعد قلوبنا بمحبته .
شكراً لماجد مقبل و الهنووف
  #5  
قديم 23/02/2011, 12:23 PM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,707
ححححححححححححجز

شكلهآ ليلة سوووده


-------------------------------------------------

بعد الحجز

اولا أحب أن أهني السعوديون عآمة وأهل المجلس خآصة بقدوم حبيبنآ أبو متعب بعد رحلة علاجية تكللت بالنجآح والحمد لله وإن شآء الله صحة دآئمة .

ثآنيآ .!!

الصرآحة شكيت بالعنوآن أول مآشفته محمد سفير نوآيآ حسنة .!؟
لايهمكم بس ترآه ونعم الرجل تصدقون نبي نروح لندن عشآن نكون دعآة .!؟
يعني مآشآء الله عليه إنسآن وش نقول بس علم . أخلاق . روح مرحه .!!

محمد أخي الذي لم تلده إمي وأبي محمد محمد محمد لو كتبت فيك المعلقآت العشر .!! لن أعبر مآفي دآخلي عنك .!!

الحقيقة يآمحمد حيآتك كلهآ مغآمرآت من شفتك تقولي قوقل أخبآر
اثآريك وشسمه من يوم انت صغير بس خآلتك بردت كبدي فيك
يوم أنهآ ربع سآعة وتسحب

بس قوقل يعزك .!؟ تبيه شيخ يمشي تبيه دآشر يمشي تبيه عآلم يمشي تبيه لو الي تبيه يمشي خلاص أنآ بتزوج قوقله >>> هذي المؤنث من قوقل

ترآفيآن يآمحمد أيآم يآحلوهآ سيرفر 10 وسيرفر 11 وسيرفر 6

يآهي تشغل المخ تشششغيل غير طبيعي

وتبدآ تفكر وتحسب برآسك كللل شي

إقتباس
من اكثر الاعضاء الي لي علاقه فيه ونادر ما يمر يوم بدون ما اسولف معه سواء جوال او مسن هو الغالي عبدالله ( فيلسوف زمانه )

والله الشهآدة فيك مجروحة وأخآف أتكلم ولا أوفيك حقك .!! ومآيحتآج أنآ أقول الي بيني وبينك صدآقة أخوة .!! والله يحفظك ويخليك إن شآء الله والطيب فيك لو أننآ مقصرين معك والله


وفي النهآية عندي كلام كتير أوووي بس مآش الوقت مآيسمح واخاف يعلق الموقع على هالفيسآت

وبالمنآسبة ترآ حتى المسن تمتلي المحآدثة فيسآت مدري وش هالحب بيني وبينهآ

وفي الختآم أحب أن أشكر المشرفين والإستشآريين على هذآ الأختيآر الموفق !!
فنعم الرجل المختآر ونعم الأيدي العآملة على هذآ اللقآء وعلى رأسهم الهنوووف وأبو دآيم .!!

  #6  
قديم 23/02/2011, 01:32 PM
زعيــم مميــز
تاريخ التسجيل: 16/05/2008
المكان: فوق الترآب حـآإآليآ |:
مشاركات: 1,707
أستغفر الله..×


يَ هلآ محمد سفير النوآيآ الحسنه أطلق لقب
أستمتعت جدآ باللقآء وماتذكرت نفسي أبد

إقتباس
طبعا من اول المواضيع الي شفتها واذكرها للحين موضوع شفته كانت حفله لبنات من المجلس مسوينها
اذكر كان فيه صووره لبيتزا للحين ما انساها خخخخخخخ



أنآ أول موضوع شفته كآن تحليل الشخصيه من توقيعك بعدهآ
بدأت أخق وأدمن ع المجلس

عوآفي



  #7  
قديم 23/02/2011, 01:47 PM
الصورة الرمزية الخاصة بـ HILALYA ]~
زعيــم مميــز
تاريخ التسجيل: 01/09/2008
المكان: يارب ان متابعه بصمت لقت لي شي اكتبه ض1
مشاركات: 7,450
.







مستحييييييل اخيرا ض1ض1..
شكرا جزيلا لمحمص ولمن خلف الكواليس ض1. .
لي باك ض1ض1ض1ض1ض1ض1..

,,,
باك متاخر ض1 , يالله حيهم يالله حيهم ض1, القهوه يالوشسمكم ض1..
اهلا بسفير النوايا الوشسمها ض1ض1 , كيف الحال والاحوال ض1؟؟!
ماشاء الله ض1 , وش كنت تفتح يوم خالتك فوق راسك ض1؟؟
وليه فوق راسك والله العالم انك ولدن وشسمه ض1ض1ض1 ..
بس حياتك النتيه مثل الوشسمه استغفر الله ض1ض1ض1ض1 ..
بعدين ماش ما فهمت شي ض1 , ليه الحوسه واللخبطه ض1 ؟؟!
بعدين انتم كلكم انلطعتوا تحترون التفعيل الا انا :$ ض1ض1ض1 ..
ما جلست ولا اسبوع ض1ض1ض1ض1ض1ض1ض1ض1 ..
< هذا الي اذكره الا ان كان كنت ادخل من يوزر ثاني والله مدري ض1 ..
ايوه ض1, وهذا الشيء فيه نوع من الفكاهه < فصلت ض1ض1ض1..
وبس خلاص عاد , شكرا وكذا ض1 وكل شي كويس ض1ض1ض1. .

اخر تعديل كان بواسطة » HILALYA ]~ في يوم » 24/02/2011 عند الساعة » 12:50 AM
  #8  
قديم 23/02/2011, 01:57 PM
الصورة الرمزية الخاصة بـ Ṩσσłŧẵή
زعيــم مميــز
تاريخ التسجيل: 22/01/2008
مشاركات: 4,725
_


سوالفك رايقة وطريقة إكتشافك للنت كانت حلوه ،
وحقيقةً متابع لك ولكن مالي علاقة فيك لكن نقول إن شاء القادم أحلى ،
ضيف جميل ومميز ومبدع ،
ذوق مميز ي ماجد مقبل ولا يهون الهنوووف ،
القاددم أحلى بإذن الله ولا يوقف .
  #9  
قديم 23/02/2011, 02:05 PM
الصورة الرمزية الخاصة بـ وينك يالزعيم
زعيــم مميــز
تاريخ التسجيل: 28/02/2004
المكان: بـ آحضُآنْ الرْيآضْ ♥
مشاركات: 14,097
.
.



هلآ وغلآ بـ الغآلي محمد
هلآ بآلقآطع والله - يؤ وين آخبآرك يآولد مآصرنآ نششوفك
ولآ سلآم ولآ كـلآم

..
بدآيه وقصه بدايآتك بـ النت رآئعه

شسمه محمد سآلفه الأخبـآر حقت النت قريب مني كثير
كنت آسمع آخبآر وآخبآر , وفجآه طبيت على العم "قوقل" وسويت العجب

..
وبالنسسيه للقب الجديد "سفير النوآيآ" متعوب عليه والله ورجل يستآهله
شسمه ورآء مآتوقع من الينسيف عقد كمآن

..
ترآفيـآن ومآآدرآك مآترآفيـآن , صرآحه العآلم كآن كله عليه , آمآ انآ
لعبت آبو إسبوع وبعدين طفششت منهآ

..

بالنسبه لشبكة الزعيـم , لآخلى ولآعدم
مدري النت بدونهآ كيف , نجرب نقفلهآ يوم

..

ḾŎĤǍṀẠḊ
حلقه مميزه معـآك
, والله يوفقك يآرب , ولآعآد تقطع
+




اخر تعديل كان بواسطة » وينك يالزعيم في يوم » 23/02/2011 عند الساعة » 03:41 PM
  #10  
قديم 23/02/2011, 02:50 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040


حيا الله محمد ، حياة نتية رائعة

اذكر بدايتي بالنت ، كنت دايما اشوف ردودك

و اقرأ عضو اللجنة الاعلامية ، قلت بخاطري خلاص

هذا اهم شخص بالمنتدى >>>>> اول منتدى لي و مب عارفه السالفه

و بعدها شفت مسميااات كثيرة ، صرت تهون يا محمد ، فيه غيرك أكبر منك

الله يوفقك و يسعدك يااارب

تحياااتي
  #11  
قديم 23/02/2011, 03:50 PM
زعيــم مميــز
تاريخ التسجيل: 10/05/2010
المكان: بريدهـ
مشاركات: 3,979
ماشاء الله .. ضيف مميز
الله يوفقك ..
مشكورين
  #12  
قديم 23/02/2011, 05:59 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453
هـلا والـلـه بـالـمـمـتـع فـي سـرده محـمـد ..

حـيـاة نـتـيـة شـيـقـة ..

انـقـطـعـت عـن الـمـنـتـدى فـتـرة طـويـلـة .. ووجـدت قـامـات شـامـخـة ..

فـرصـة أتـشـرف بـهـا لـمـعـرفـتـك ومـعـرفـة مـاا كـتـبـتـه ..

دمـت بـود يـلـيـق بـصـفـااءك .. ونـقـااءك ..

لـك كل احـتـرامـي
  #13  
قديم 23/02/2011, 06:01 PM
الصورة الرمزية الخاصة بـ ام متعب التميمي
زعيــم مميــز
تاريخ التسجيل: 18/10/2007
المكان: في ــ♥ــه
مشاركات: 2,247
اجل سفير النوايا الحسنه <<اظاهرالي معطيك اللقب ماشاف صفحتك بالفورم
الا شخبار عبودي ونووفي ياسفير النوايا الحسنه


محمـــــــص حياة نتيه طبيعيه جدا وخاصه انك رحت تبحث عن ابوك في قوقل

الظاهر من كثر سفر ابوك ضيعت مكانه

مااقول الا الله يعوض على اهلك وان شاءالله ان فيك الاجر يومهم ربوك




إقتباس
الرسالة الأصلية كتبت بواسطة عادل بن ساعد
الي عرفني فيه كان يكتب
حرف الذال ( ظ) ، فمثلاً : ذكي يكتبها ظكي
صراحه قلت اكيد ان الآدمي مو عارف ان فيه حرف إسمه الذال
أرسلت له رساله على الخاص أوضح له السالفه




هههههههههههههههههههههههههههههههههههههههههههههههههههههه

اجل ظكي ياليت من يطحنه مع ولد اختي يكتب للذن يعني لظن


شكرا هنوو
شكرا ماجد مقبل

سلام
  #14  
قديم 23/02/2011, 07:37 PM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
إقتباس
الرسالة الأصلية كتبت بواسطة المنتدى الاستشاري
المهم اول موقع كان العم والشيخ والفاسق وكل شي
قووقل اول شي سويته دخلت اسم ابوي بقوقل
لاني اذكر مره سمعت واحد من الجيران يقول يبو محمد منزلين لك مدري وشو بالنت



يالبى البراءة يا ناس

منور بو حميد
  #15  
قديم 23/02/2011, 11:55 PM
زعيــم نشيــط
تاريخ التسجيل: 13/01/2010
مشاركات: 797


#

يالله حي آبو حميييد ..

ردي من رد آم متعب .. آجل سفير نوآيآ حسنه ..

ملعوووووب عليهم فيك ..

-

آمآ حآط آسم آبووك في قووقل .. هههههههههههههههههههههههههه ..

وش كنت تحس فيييييييييييه ..

حيآه نتيه جميله .. وتقريبآ نفس البدآيه فـ الشبكه .. لكن مع المرور على الرآبطه قبل المجلس <~ يحتـك
-
فكرة /الماسه الزرقاء
تصميم / معــذبهم
اعداد / الهلالي دائما- الهنوووف


يعطيكم آلف آلف عآفيه ..

#
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:36 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube