اولا ابارك للهلالين هذه الخطوه الجيده ..
وأقول ان الخثران لاعب الهلال الجديد لاعب يمتاز بتمريراته الجيده للمهاجمين وبمهاراته الفرديه العاليه وبحيويته وتحركه الجيد من غير كره وأخذ خانات جيده لكي يسهل عملية التمرير له وزعزعة تكتلات الخصم .
اذا موصفات هذا الاعب ( هجوميه بحته ) !! ونرى الان الهلال يضعه في المحور او الظهير ....
لابد ان نتيقن من شيء واحد ان بعض المدربين لايجيدون اختيار العناصر الانسب ولا اختيار الاماكن المناسبه مثل اجادتهم مثلا لعمل التكتيكات والخطط ..!!
والدليل ان كثير من المدربين يكلفون من قبل ادارات النوادي على جلب لاعب اجنبي فيوصون بالتعاقد مع لاعب من اختيارهم الشخصي ويثنون عليه كثيرا وأذا وصل ظهر انه (متواضع المستوى تماما )!!!
كذلك في مباراة الهلال والاتحاد وضع بلاتشي ... الغامدي وسط ايسر متقدم يمد سامي بالتمريرات وعمر الغامدي معروف بإ جادته للادوار الدفاعيه ..!! لاشك ان الغامدي قدم مستوى فوق المعتاد ولكن هل فعل الاهم ..ولو لاحظتم ان سامي تحرك جيدا في اكثر من فرصه لكي يمرر له الغامدي تمريره يستطيع منها التسجيل ..ولكن الغامدي اخفق في كثير من التمريرات له رغم ان سامي استطاع خداع المدافعين اكثر من مره وتحرك في مكان مناسب للتمرير ولكن..فشل الغامدي في التمرير ........سؤالي : ماهو دور الغامدي في ذلك المركز اليس امداد سامي بالكرات ..؟؟ ارجعوا للمباراة وشوفوا تمريرات الغامدي.... ..هذا لان الغامدي لايجيد اهم شيء في ذلك المركز التمريرات الذهبيه والرفعات الجيده ولان مواصفاته لاعب محور مدافع فكيف سيمرر لسامي الذي تحرك تحرك جيد وخدع المدافعين الاتحاديين اكثر من مره ( من غير كره ) على امل تمرير كره واحده ..
وكان في الأحتياط (فيصل الصالح ) لاعب مهاري جيد يجيد ارسال الكرات والمهارت الفرديه ...وخانته الاصليه هي وسط مهاجم وهو اجدى من الغامدي وهذا الكلام ليس انقاص في مستوى الغامدي ولكن لان الاخير مركزه (محور)
(((((((هذا دليل كبير ضد المدربين (امثال بلاتشي )يجب ان تأخذه ادارات الانديه في الاعتبار)))))))
على العموم انا اتكلم في مشكلة الوسط الهلالي المتقدم عموما .
اما عن الخثران فيجب على الهلاليين ان يجعلوه وسط متقدم ومتفاهم مع سامي الجابر لانه يجيد اللمسه الواحده ويجيد التسديد وأهم شي يجيد التمريرات الخطيره للمهاجمين وسيصبح مع الجابر والتمياط والشلهوب وسط قوي جدا ومخيف لكن يجب على الهلاليين اعطاءه الثقه التامه وتشجيعه ......لان الخثران ((((يحتاج الى هذا الامر كثيرا..... )))) وألا ......فلن يمتعكم بكل
ماعنده من فن مكنوز !!!
وأنا اخص هنا العامل النفسي مع الخثران

الخثران لاعب مبدع .. رغم انه ما شارك مع الشباب الا في مباراتين فقط كــ ظهير ايسر الا انه ابدع في هذه الخانه .. لكن للاسف إدارة الهلال أتت باللاعب لكي يشغل منطقة الظهير الايسر (( دون الرجوع للمدرب )) .. امنيه شخصيه (( اتمنى الاستفاده بشكل اكبر من الجوكر الهلالي - الخثران )) .


لك أرق تحياتي ..

اخوك ابو فهد

كلام منطقي ...،، الظهير ليس مكان الخثران .. الغامدي مكانه الطبيعي والذي يجيد فيه العب

هو الخلف ... وياليت يعطون الصالح فرصه للتقدم (( مكانه الطبيعي ))).......

إقتباس إقتباس من مشاركة الاستشاري الخثران لاعب مبدع .. رغم انه ما شارك مع الشباب الا في مباراتين فقط كــ ظهير ايسر الا انه ابدع في هذه الخانه .. لكن للاسف إدارة الهلال أتت باللاعب لكي يشغل منطقة الظهير الايسر (( دون الرجوع للمدرب )) .. امنيه شخصيه (( اتمنى الاستفاده بشكل اكبر من الجوكر الهلالي - الخثران )) . لك أرق تحياتي ..

كلامك جميل جدا ولكن بعد ان نضع الخثران في الوسط ستبقى مشكلة الظهير
الأيسرالتي عانينا منها طويلا خصوصا ان المبدع الجري راح منتخب الشباب .

كلام زين من رجل زين لكن بلاتشي فاهم ذلك لكن ظروف الهلال الحين تستوجب حل مشكلة الظهير الايسر اللي الحمدلله انحلت

والله الخثران صحيح مكانه الافضل وسط ايسر000

الكل يعرف ان الخثران وسط ايسر متقدم ويبدع اكثر في هذا المركز
بس وين المدرب الي يقدر
مادام الخثران متعاقدين معه عشان يلعب ظهير وش فايدة الجري؟

أنا اتمنى استغلاله في مركز الوسط الأسر

كلاااااااااااااااااااامك عسل بس عندي لك سؤال ؟

اذا تقدم الخثران وش تسوي بالظهير الايسر ولاناوي ترجع المفرج؟

ثانياً اذا الخثران مبدع بهالمركز وقادر يغطي مركزه بشكل ينسينا هالمشكله واضف لذلك وجود لاعب مبدع بالوسط الايسر وهو الشلهوووووب يعني المشكله منحله بأذن الله .

ثالثاً واخيراً انا اتفق معك اذا رجع الجري من المنتخب ذيك الساعه تقدر تلعب بالوسط الايسر على كيفك مره الشلهوب ومره الخثران ولا تلعب الخثران والشلهوب بالوسط مع بعض لان بلاتشي يلعب بخمسة وسط وهالشي بيساعده علشان يخلي الاثنين يلعبون سوا .....

ولكم خالص الشكر

كلاكم ميه الميه واحنا عارفين لكن ننتظر الجري يرجع من المنتخب علشان يلعب ظهير والخثران والشلهوب والتمياط وبدرا والغامدي وسط والجابر مهاجم

اتمنى الاستفاده بشكل اكبر من الجوكر الهلالي - الخثران

مساك الله بالخير اخوي
كلامك سليم زي ما قالوا الشباب بس انا اخالفك الرأي في هذه الفترة بالذات
لان الهلال يحتاج الى ظهير ايسر اكثر من حاجته الى وسط ايسر في ظل تواجد
الشلهوب ولطف ... لكن اللي اتمناه من هالبلاشي ان يخطط على جعل الخثران
ظهير ايسر متقدم مثل الدوخي ويستفيد منه في بناء الهجمات مثل دور الدوخي
بالضبط لان الخثران زي ماتفضلت يجيد اللعب في خانة الوسط الايسر المتقدم
لما يمتلكه من مهارات جيدة ...
بس لي ملاحظه لو تكرمت انا اخالفك الرأي بالنسبة للغامدي انت ذكرت انه وسط ايسر
متقدم في حين انه لعب وسط ايمن متقدم وليس ايسر .. هذا من ناحية ومن ناحية ثانية
كان الغامدي في تلك المباراة شعلة من النشاط والتوهج واجاد اللعب في تلك المباراة
اكثر من الشلهوب اللي لعب وسط ايسر متقدم ...
تحياتي لك اخوك / رحَال

المكان الصحيح للخثران من وجهه نظري الوسط الايسر ...

الأخ عضو اللجنة الأخباريه : اتمنى ان لا يكون الهلال قد جلب الاعب لأجل الظهير الأيسر فقط
شكرا لك ...
الأخ صميم الهلال : ياليت فيصل الصالح يبان عليه ان عنده شيء يقدمه للهلال بس الفرصه مابعد حانت ....شكرا لك

الاخ هلالي الشعراء : وأنا اقول معك يارب يارب يتم الأستفاده منه في احسن خانة تناسبه ...شكرا لك

الأخ ابو العلالي : فعلا اخي ابو العلالي اوافقك الرأسي ان الجهه اليسرى في الظهير في خطر
ولكن كان هنالك المطيري والمفرج وغيرة يستطيعون ملء هذه المنطقه خاصه المطيري قدم مستوى فيها لابأس به ...
لكن عاجبك ان النصر يرجعنا الى ملعبنا كلنا والأتحاد كذلك ....؟؟؟؟ وين راح الزعيم الي يرجع الفرق كلها الى ملعبها ويخليها خايفه ومتراجعة ولا تهجم الا بعض الأحيان من الخوف ..؟؟؟؟
العكس صحيح الان على الزعيم ....للأسف ...ليه لاننا ...نركز على النواقص الدفاعية وننسى النواقص الهجومية ..والمفروض اننا نبدء بأصلاح الهجوم قبل الدفاع ...لان هذا ((الهلال)) وكلاً يعرف من هو الهلال .....شكرا لك

الأخ الخبير : اتمنى ان يكون بلاتشي فاهم ذلك .......وشكرا لك الخبير

الاخ اليامي : شكرا لك يالغالي

الاخ 9$9: مشكلة لو سبب التعاقد هذا ..الله يخلف ..لاعب نجم ..يدفن في هذا المركز ؟؟؟

الأخ الصقيل : يارب
الأخ الأزرق بريش : كلامك صحيح يا اخي لكن ممكن العبه في الوسط المتقدم خلف المهاجميين
او العكس بينه وبين الشلهووب مع اني اجد حيرة من الأفضل الشلهوب ام الخثران ....؟؟؟
شكرا لك
الأخ الاشوري : ذكرتني بالجري وهو لاعب ينتظره انشاء الله مستقبل باهر ..وفكرتك حلوووه ...مع عدم تقديم الغامدي الى الأمام .
الأخ الهلالي الوفي : شكرا لك اخوي
الأخ رحال : ملاحضاتك ممتازه اما خطيء في مركز الغامدي فاااسف له ... وانا معك ان الغامدي كان شعلة من الحماس لكن لم يكن شعلة في التمرير وهذا الأهم .يا صديقي ..!!
لان مركزه امداد الكرات لسامي لا الركض بها على جانب الملعب ....فقط ؟!
اما عن الشلهوب فكلامك صحيح مئه بالمئه الشلهوب لم يقدم مستوى جيد في مباراة الأتحاد لكن قد يستعيد مستواه في الأيام القادمة لذلك انا اطالب بالخثران في الأمام خاصة الان
الأخ falcon1515: سنتفائل خيرا في الأيام القادمة شكرا لك