لا جد والله يجي منك تناقش قضايا وتكتب مواضيع .. هو البلا انك كاتب كذا قضية في موضوع واحد ومعروف عاد كله من الفضاوة .. ومن زود العجز اللي فيك راصهن في هالموضوع ..

الحين بالله وش اعلق عليه .. ؟؟
صاير مثلك مافيني أرد .. لذلك اعذرني ماني معلق على شيء <<< لا ياشيخ تكفى

تدري !
أكتفي برد متابعة بصمت .. وبعتبر الموضوع فضفضة .. وانا بهز رااااسي .. واذا ودك تحط راسك على صدري ترا مهيب شينة


سي يو

شدني موضوعك اخوي بخصوص ان عنوانه الأبرز الفضاوة والله ماقريت موضوعك عشاني مشغول اخووي لو اني فاضي كان شفته

والله أنكـ فاضي و بـ زياده ,,

أقول رجاءً خلكـ على الردود أحسن لكـ ولنا ,,

يآآ رجآآل أنت شآركت وآجد وتنبلت احمد ربك ،،

أنا سجلت بمنتدى قبل المشاركة الأولى تنبلت وسحبت على أم المنتدى

----------------------------------

^^

الجزئية اللي فوق ما منها فايدة وما أعتبرها ضمن الرد !

ردي الشافي والوافي والكامل : مشكور وجزاك الله خير وتحياتي لك

إقتباس الرسالة الأصلية كتبت بواسطة هلالي معالي من انت يالحبيب ؟ ابرآهيم اثآريك مثل نظام التفكير المتنآقض الذي اعيشه في الوقت الحآلي لقد كنت اظن انني الوحيد من بني جنسي شسمه بصرآحه صدقت صدقت في فقرة : ( ماجد مقبل & الكلاسيكي وداعا أيها الزمن الجميل ) اشتقنآ يبو مقبل والله اشتقنا < نصير اصدقآء انفسنا ؟ بالتوفيق برهوم و شكراً لك على الموضوع الظريف الي مثلك < امحق ايها >>> الدلخ المستدلخ <<< عآرف ان جوي لحآلي لكن وش تبيني اسوي صديق نفسي انا بعدين وش فيه اسمي يآخي ؟

زين أثري منب الوحيد الي أعاني

لكن ما عليك ترا كل الناس كذا إذا وصلت أعمارهم 18 يبدأ مخهم يقلب لكن زي ما قلت قبل كلها سنتين و نرجع طبيعين

أسمك ؟

ياخي أسمك موب حلو لكن موب هنا المشكلة يا كثر اللي أسمائمه مخيسة و أولهم الهلالي دائما

لكن ياخي أنت حلو و إسمك شين ما تجي ذي < كيف الترفيع

إقتباس الرسالة الأصلية كتبت بواسطة حاتم هلا ابرااهيمـ مـن جد الوااحد يوم يدخل المنتدى يكون عنده للياقة عالية جداَ ولكـن مع الوقت تنقص وتنقرض والسبب الى ماذا يعود الله العالمـ مـن يقول تثقف واقرى حتى يتسع المخيخ والله قرينا ودرسنا ما خلينا شي ما سويتة ابراااهيمـ شفت الكلام هذه الا مكتوب صاار لي افكر واخطط قبل ما تكتب الموضوع علشاان ارد عليك وبالأخير انساان فااضي والفضااوة قد تودي الى المعااصي او ان نشغلها بش مفيد مشكوور خيو ابرااهيم بـس منهو الحاتمـي هل هو انا وتدلعوني حاتمي ههههه

كويس أنه فيه مجموعة تعاني مثلي

الصراحة رفعتوا معنوياتي

الحاتمي الله يسلمك هذا كان لوحدة حضارة سادت ثم بادت

يعني شفت لو جمعت ماجد مقبل و كان هنا و طارق معهم بعد كلهم يصفطهم الحاتمي و يحطهم تحت كمه

نورت الحته

إقتباس الرسالة الأصلية كتبت بواسطة ~SaKaB [/RIGHT] ايه من جدّ وش فيكم خلّوه يعبّر عن محاسيسه وما زلت ما أدري كيف حبّيتك وأنت مافيك شيء ينحبّ يا قلبي اليمين

يا لبى هالطله

إقتباس الرسالة الأصلية كتبت بواسطة بنت فهد وعليكم السلام ورحمة الله وبركاته [/CENTER] خلني اقولك الواحد اول ما يبدا يسجل بمنتديات يحس عنده متنفس عميق من الكتابه الا شوي في اليوم يكتب عشر مواضيع من الحماس ثم بعد ذلك يبدا يطفش ويبدا يروح الحماس [/CENTER] [/CENTER] بجد لهم فقده . . بس اتوقع اولا كانو عزابيه بعدين تزوجو وانشغلو مع الحياة الجديده سبحان الله مافي واحد كامل تلقى واحد غني بس عنده مشاكل او امراض وتلقى واحد ميسور الحال او فقير وعايش احسن عيشه ابد وانا اختك مو لازم تدرس وشوف حالك اذا صار عمرك 25 دام كذا نظرتك ليييش كذا نظرتكم انا الي ناويه ادخل علم نفس بس تحطمت من نظرتكم تقبل مروري

أما تحطمتي من نظرتنا

مالك داعي يا بنت < ما عرف وش يقول

حياك الله ..

إقتباس الرسالة الأصلية كتبت بواسطة سفيرة الزعيم 14 أتحفنا يوميا بسواليفك الفآضية لا من جد استمتعت بقراءة سواليفك ومحاسيسك يعطيك العافيه ومشكووووووور وعندي لك عبآرة أن شاء الله تعجبك وتترك عبارة الهنوف (( بربر يودعكم بحفظ الرحمن )) >> عصرت كل مخيخاتي وماطلعت الا ذي لي بآك اذا كان بوه شآت

بربر يودعكم بحفظ الرحمن < حسيت أني مذيع أخبار

يعطيك العافية على المرور ..

وعليكم السلام ورحمه الله وبركاته

هلا بك اخوي ابراهيم
انا دخلت الموضوع رايقه بس لما وصلت لـ رد وينك يازعيم
انتبهت للكلام الي بالابيض وتغير مزاجي

إقتباس الرسالة الأصلية كتبت بواسطة I B R A H E M إبراهيم ( كان هنا ) و مشى أللي يبي يتفلسف و يقول ليش تسرقها من الهنوووف يروح يتفلسف على الهنوووف قبل و يسألها ليش تسرقها من الحاتمي و ترانا ما نسينا لو طالت الأيام و ترى السرقه من السارق تجوز < أفتى من راسه

ماشاء الله الحين تقول اني سارقه العباره ممكن الدليل.......؟!

مدري من لاعب عليكم وقال اني سارقتها من الحاتمي
مالقيت الا انا عاد لان عندي عقده من الاشياء الي تشابه الناس وماحب نسخه كربونيه من احد
مو غرور ولاشي بس كذا شي نفسي فيني
يعني اتوقع لو احد يفكر بعقل بيعرف لو بسرق من احد ماسرقت من واحد بالمنتدى معي




الحاتمي اولا طريقه رده تكون كذا
الحاتمي مر من هنا ويقول ..................
يعني مو عباره يختم بها رده

يعني ماشوف فيه تشابه انا عبارتي ختاميه
ومااخذتها منه وماقتبستها حتى منه
فكره العباره استوحيتها من عضو بـ منتدى ثاني وناسيه وش كانت بالضبط
وكانت ايضا مختلفه عن عبارتي
ولكن اعجبتني فكرته وخلتني احط لي عباره بـ ردي

غريبه ماجا احد ذكي وقال اني دمجت السرقه بين الحاتمي ومشرفنا كان هنا

اتمنى قبل لايكتب احد شي يتاكد منه
ويمكن خذت الموضوع بجديه
بس شي ينرفز تدور فكره خاصه فيك ويجي من يشكك فيك ويقول سارقها


\

/
يعطيك العافيه

إقتباس الرسالة الأصلية كتبت بواسطة التوتو2 وعليكم السلام ورحمة الله وبركاااتوووو اولا اهنيك على محاسيسك الصادقه وانك قدرت تترجمها وتكتبها ثانيا اقترح انك تكتب مذكراتك وتبيعها صدقني بتكسب لأن اغلب الشعب السعودي بلشان بعمره زيك وانا اولهم ثالثا اهم شي بالعالم ان الواحد يكون صديق نفسه رابعا مشكووووووور

هلا وسهلا

أما أسوي كتاب
تصدق عاد أذكر قبل ثلاث سنين طلع كتاب إسمه

مذكرات ثانوي داج

أو شئ زي كذا كان كله سواليف مدري وش تبي عن أيامه بالثانوي و مشى سوقه بشكل غير طبيعي

بس للأمانة كان مرتب موب مثل موضوعي

نورت ..

إقتباس الرسالة الأصلية كتبت بواسطة بنوتة**هادية^_^ ياللــــــــــــــه مرررررررا موضوعك ناااايس مرررررا عجبني يعطيك العافيه ويسلموووو <<<<<<<<<<<<<<<<<هههههههههه ماني قادره اكمل هههههههههههههههههههه ** عدنا بعد ماهديت ** تصدق قرقر كتييير.. معلوم قليل .. بس هرجة السطرين والتتنيحة اللي تجي قدام الكيبورد تصير في احسن العائلات تقبل خطواتي على موضوعك<<<<

كويس أنك عارفه هالشئ

تقبلنا خطواتك يا بنتي بس مرة ثانية أمشي بشويش بدون إزعاج

إقتباس الرسالة الأصلية كتبت بواسطة ( عبدالعزيز اليامي ) ياولد موضوعك عفسه عندك مشكله بالتركيز لكن عندي الرد الشافي الكافي مشكور وموضوع جميل

مشكله اللي طافين بالردود

لكن شفت أول موضوعي ترى كلها شهرين و تصير نفس الحالة بالضبط

إقتباس الرسالة الأصلية كتبت بواسطة بطلة صباح الورد ,, أحلى شي بـ الموضوع اسمي طبيعي البداية نكون متحمسين ومع الأيام تقل الردود انا كذا لان بالبداية نكون ننتظر التفعيل ونشوف المنتدى جديد علينا ونبغى نستكشف بعدها خلاص نتعود ويقل تواجدنا ,, صحيح , وانا صارت معاي بـ احد المواقع ,, موضوع ليه الواحد يدرس ويشتغل ووو لان هذه هي الحياة اسع ياعبدي وانا اسع معاك ولازم الواحد يهتم عشان بكرة مايترك فرصة لـ الندم ههههه والله بالغالب صححححححح شكراً شكراً قد الدنيا ,, واسلفك ليش لا بس ترى الثانية شوي حستها هذه تصاميم بعض مواضيعي اللي كتبتها من قبل عشان تعرف وين غلطك أما البقية لـ الأسف ماكان فيها تصاميم ,, ومن فين اجيبها من البقالة لا الصدق احب هالعبارات لما اقرأها تعطيني دافع اقصد العبارات التشجيعيه فـ جا ببالي إن احطها عناوين لـ مواضيعي لـ يستفيد منها الغير وإن شاء الله القادم احلى مو الكل يبغى يزود مشاركاته حط ببالك بعضهم عمرهم صغير وماعندهم القدرة إن يكتبون رد يليق بـ الموضوع فـ يختصرون المشوار بـ إضافة كلمة مشكور والله يعطيك العافية ,, وأوقات يعجز الشخص عن الرد رغم إعجابة بـ الموضوع , اوقات تصير لي فـ اكتفي بـ الشكر شكر لك بطلة

صراحة ودي المنتدى يحطون إختراع إسمه لايك جنب علامة الإقتباس عشان أحطها لمثل هالردود

إقتباس وماعندهم القدرة إن يكتبون رد يليق بـ الموضوع فـ يختصرون المشوار بـ إضافة كلمة مشكور والله يعطيك العافية ,,

و عشان ما نلقى عذر لمثل هالردود

إقتباس موضوع ليه الواحد يدرس ويشتغل ووو لان هذه هي الحياة اسع ياعبدي وانا اسع معاك ولازم الواحد يهتم عشان بكرة مايترك فرصة لـ الندم

وشسمه لا تحسبوني الحين داج و لا سربوت بالعكس والله

لكن يوم كتبت هالفقرة بس كذا كنت أفضض عن أفكاري اللي مدري وش تبي


حياك ربي ..

إقتباس الرسالة الأصلية كتبت بواسطة سعودي أصيل لا جد والله يجي منك تناقش قضايا وتكتب مواضيع .. هو البلا انك كاتب كذا قضية في موضوع واحد ومعروف عاد كله من الفضاوة .. ومن زود العجز اللي فيك راصهن في هالموضوع .. الحين بالله وش اعلق عليه .. ؟؟ صاير مثلك مافيني أرد .. لذلك اعذرني ماني معلق على شيء <<< لا ياشيخ تكفى تدري ! أكتفي برد متابعة بصمت .. وبعتبر الموضوع فضفضة .. وانا بهز رااااسي .. واذا ودك تحط راسك على صدري ترا مهيب شينة سي يو

أما أحط راسي على صدرك صح أنها ذبة حلوة

بس ترا ما أحب أحد يعطف علي أحس أني ضعيف و ينكسر كبريائي < ترى متعوب على كلمة كبريائي

إقتباس الرسالة الأصلية كتبت بواسطة الرادار اللاقط شدني موضوعك اخوي بخصوص ان عنوانه الأبرز الفضاوة والله ماقريت موضوعك عشاني مشغول اخووي لو اني فاضي كان شفته

قهر كان ودي أنك تشوفه لكن يالله ما عليه المواضيع الجاية إن شاء الله

يالمشغول

إقتباس الرسالة الأصلية كتبت بواسطة Hilaly Madridi يَ حليلكـ يآبرآهيم موضوع مرهـ وحدهـ آنا الليآقة دمآآآآر رح شف معدل المشآركآت كل يوم ينقص شوي رآآحت آيآم الشبآب رآآآحت الله يعيدها من آيآم وآنا آقول ورآهـ شسمهـ ذآكـ دآيم مبسوط آثرهـ صديق نفسهـ طيب فيهـ فيهـ موآضيع مآفيها لآ نقآش ولا شيء يعني مثل موآضيع مهند فكرت ورآودتني فكرهـ > قَ إني آرد بمشكور ..!! لكن مآقدمت لنآ شيء آنت يعني لييش آقول مشكور..!!؟ ع العموم موضوع جميل يستحق استقطآع جزء من وقتي لقراءة موضوعكـ ^^ آبرآهيم وش هالموضوع ذآ من زييييييينه طلع لي آقتبآسآت مدري من وين

أثر الأعضاء يعانون بقراية موضوعي زي ما عانيت بقراءة ردك

شف بالنسبة لمواضيع مهند توي قلتها بردي على بطله ليتهم يحطون إختراع أسمه لايك زي الفيسبوك

إقتباس الرسالة الأصلية كتبت بواسطة 9متيمة الزعيم9 يعطيك العآفية وتقبل مروري ههههههههههههههههههههه أهلآ إبرآهيم وعليكم السلام ورحمة الله وبركآته شوف بالنسبة للردود إذآ في منتدى الجمهور عآدي رد بسطر والا سطرين إلا إذآ كآن الموضوع متعوووب عليه وتحسّه مزبرق وأهم شي يكون عجبك شخصيآ وقتهآ أطلق العنآن لقلمك أمآ في المجلس عالأغلب فصفص الموآضيع قد مآتقدر بعدين تعآل موضوع (خل الفرح من دآخلك منبعه إنت ) <<هذآ حق ميمي مو بطله الحين سوآليفك بآين سوآليف وآحد فآضي عز الله إنك صدقت في العنوآن بس أحسك صغير كم عمرك؟؟ تآريخ تسجيلك مميز جدآ جدآ 2009/9/9م لآيكون بعد سجلت السآعة 9<كذآ أصكك بعين نلتقيك في سوآلف أخرى يآإبرآهيم كآن هنآ ومشى<<

بالنسبة لميمي ردك عليك بطلة و كفتي العناء

أما تاريخ التسجيل هذا قصه بلحاله

أصلا يوم أسجل كنت برمضان و إجازة و تسجيلي كان الفجر بعد الساعة 12 يعني دخل اليوم الجديد و ما كنت أدري أنه يوم مميز إلا يوم تفعلت

طبعا سبب تسجيلي بذاك اليوم أنه كان بكرا مباراة السعودية و البحرين اللي طلعتنا من كاس العالم و أنا طفشت كل المنتديات تتكلم عن المباراة إلا المجلس اللي كنت متابعة بدون تسجيل و الأعضاء وقتها يسولفون في شات و كان ودي أسولف معهم بس ما أقدر و قتها جت على بالي فكرة التسجيل و طبعا المجلس هو أول منتدى أسجل فيه لأني منب من النوع اللي يحب التسجيل في المنتديات لكن المجلس غير
وبس خلصت القصة

حياك ربي ..

إقتباس الرسالة الأصلية كتبت بواسطة .yousef والله أنكـ فاضي و بـ زياده ,, أقول رجاءً خلكـ على الردود أحسن لكـ ولنا ,,

أبشر طال عمرك أي طلبات أوامر زيادة حنا تحت أمرك

؟ّ!

إقتباس الرسالة الأصلية كتبت بواسطة كوووبرا يآآ رجآآل أنت شآركت وآجد وتنبلت احمد ربك ،، أنا سجلت بمنتدى قبل المشاركة الأولى تنبلت وسحبت على أم المنتدى ---------------------------------- ^^ الجزئية اللي فوق ما منها فايدة وما أعتبرها ضمن الرد ! ردي الشافي والوافي والكامل : مشكور وجزاك الله خير وتحياتي لك

تنبلت يوووووه والله يا أنت طلعت معك كمية غبار غير طبيعية يوم قلت هالكلمة

لكن عموما أنا ما تنبلت لكن هي أستراحة محارب و ذاني رجعت

نورت الموضوع ..

إقتباس الرسالة الأصلية كتبت بواسطة هــلاليــMــــــه تقبل مروري <<<اخترتها لأنها اقصر كلمه جديده وودي أزيد المششاركه

كويس أنك معترفة

و زودي على راحتك

..

إقتباس الرسالة الأصلية كتبت بواسطة الهلالي دائماً اعتقد والعلم عند الله .. ان اصدق ما في الموضوع عنوانه

....................

<<عشان مايكون هناك سرقه من قرقاص

براهيم .......تعال يمي خل اقرا عليك...وانا خالتك مافيك الا عين لاعبتن بام حسبتك


بالنسبه لانك ماعادتعرف ترد

اطلق العنان لاصابعك ولا يتعبك تفكير

ان صابت صابت وان خابت خابت اهم شي تجرب ضغط ازرار الكيبورد


::::::::::::::::::::::::

بالنسبه للخاتمه هاك حصلت لك جمله
براهيم
Was here and gone




سلام