بسم الله نبدأ



وراي ما عاد صرت أعرف أكتب سطرين ورا بعض

أول ما سجلت بالمنتدى كانت عندي لياقة عالية لكتابة الردود و ماعندي مشكلة لو كتبت موضوع كامل في رد
طبعا وقتها كان ودي أكتب مواضيع بس مستحي


حبة حبة بديت أمون على الأعضاء وسواليف وكذا و أذكر أول واحد ذبيت عليه كان هلالي معالي< عليك أسم يا خالد
طبعا وقتها شعور لا يوصف حسيت أني أنا الأنسان اللي أحسن واحد لأن المجلس هو أول و الظاهر آخر منتدى أشارك فيه وما أعرف نظام المنتديات
لكن الوقت لياقتي تنقص وحيلي ينهد ردودي ماصارت مثل أول
كلها مناقشات ورد على مواضيع جدية و حركات أما الحين أول ما أشوف الموضوع جدي أو أسم كاتبه يحسسني أنه جدي أهج منه
إلى درجة أني وصلت في المرحلة الحالية إلى أني أقعد خمس دقايق و أسوي عملية جراحية عشان يطلع معي سطر واحد
و بالأخير هالسطر ما منه فايدة بعد
مدري ليش
بالله فيه أحد مثلي يعاني من نفس الأعراض

^
تصدقون هالفقرة لحالها قعدت حوالي ربع ساعة
لكن بالله لعل وعسى هالموضوع يرفع المعدل اللياقي







ماجد مقبل & الكلاسيكي وداعا أيها الزمن الجميل

بصراحة منب من الناس اللي يحبون التشّره
و أن المجلس كان حلو و الحين سئ و الأعضاء الزينين راحو و من هالخرابيط
لأنه طبيعي أي واحد أول ما يسجل راح يكون صداقات و أشياء زي كذا طبعا
إذا مشوا هالأعضاء خلاص ما عاد صار فيه شئ يخليه يقعد ولو أن المجلس تطور وصار
أحسن من أول بواجد لكن هو أصلا وجوده مرتبط بهالأعضاء موب بالمجلس
إلا قله قليله مثل جدي قرقاص و عمي سليمان
موب كأني شطحت

وش كنت أبي أكتب أنا
تصدقون أني نسيت

خلاص نكتفي بالجزء اللي فوق لأني تعبت و أنا أكتبه و منب حاذفها









شطحات مراهق

الحين ليش واحد يدرس و يجتهد بتقولون عشان ينجح و يقبل بكلية صح طب وهندسة و طقتهاو يدرس و يتخرج و وظيفة محترمة وفلوس كثيرة إلخ
طيب أنا دايما أسافر مع أبوي و يجتمع مع التجار عشان يسوي لهم دراسات
صراحة اللي أشوفه أن أكثر الناس هموم هم التجار
أو أي واحد معه فلوس كثيرة حتى لو ورث أو أصحاب المناصب العليا و اللي هم عند الناس أد الدنيا وتلقاه كل سواليفه ما غير يشتكي
من الدنيا و شقاها طبعا كل وقته شغل في شغل من الصبح إلى 11 اليل وعياله ما يعرف عنهم شئ ولا يدري عن أخوانه و أخوياه وكل ما خلص صفقة راح يركض ورا الثانية ومافيه أمل يشبع من الفلوس
طيب يا حبيبي ليش تجمع فلوس لأ من جد ليش تجمع فلوس
صراحة بعض الأحيان أفكر أدخل كلية أبو كلب و أتخرج و وظيفة حكومية
تسدك عن طلب الناس و زواج وأقعد مع عيالي أبرك لي
بس لحظة هالفئة مسكينة بيتها إيجار و سيارتها تقسيط و الديون هاده حيلهم هد
طيب وش أسوي بالظبط
يالله مرحلة كلها سنتين وتعدي و أصير أنسان طبيعي

مدري ليش أحس مرسال بيجي عند هالنقطة و يعلق عليها و يتفلسف بخرابيطه كالعادة
مرسال تراي أمزح ما قلت أي شئ




متناقضات

إذا كان الشخص ... = أكيد أنه راح يكون .... < مجرد شرح

دكتور نفسي = مريض نفسي

فلوس = هموم

هياط = ضعف

متكبر = مسكين

صديق نفسه = فله
لا صدق هذي بأشرحها شوي بعض الأحيان كذا أهدي نفسي فنيله مثلا
أو تشيز كيك أو أي شئ يهدى و أهديه لنفسي إذا صرت طفشان جربوها تراها شئ كويس






أبي أصير زيهم

سلاااااااااااااااام هذا أبو ناصر

يا سلام على الأبلات اللي يتفهمون نفسيات الشباب و الشابات

صراحة أرشحك بعد هالرد مرشدة طلابية لأنك تفهمين محاسيس الطلاب بشكل رائع


حياتس الله و عودا حميدا و لا تقطعين ترا موب كل مرة بنشحذتس ترجعين ..